ബി എസ് യു പി എസ് കാലടി/ പരിസ്ഥിതി ക്ലബ്ബ്/2024 എന്ന താളിന്റെ മൂലരൂപം കാണുക

'''അമ്പിളി അമ്മാവനൊരു കത്ത്''' 

സ്ഥലം : മറ്റൂർ
തീയതി: 22/07/2024

ഒത്തിരി സ്നേഹമുള്ള എൻറെ ചക്കര അമ്പിളിമാമന്, ഞാനിങ്ങ് ഭൂമിയിൽ നിന്നാണ് കത്ത് എഴുതുന്നത് .എൻറെ പേര് അനുഗ്രഹ അമ്പിളി മാമൻ എന്നെ അനുക്കുട്ടി എന്ന് വിളിച്ചാൽ മതി .അവിടെ അമ്പിളിമാമന് സുഖമാണോ? എന്തൊക്കെയുണ്ട് വിശേഷം ? ഭൂമിയിൽ ഇപ്പോൾ ഭയങ്കര മഴയാണ് അമ്പിളിമാമ…0 ഒരു ഇത്തിരി മഴ കുറച്ച് പെയ്യാൻ പറയാമോ ?. അനുകുട്ടിക്ക് ജലദോഷം വരും. അനുകുട്ടിയുടെ പപ്പയ്ക്ക് പണിയില്ല, കാശില്ല വീടൊന്നും നല്ലതല്ല അമ്പിളിമാമ… പിന്നെ അമ്പിളിമാമന് ഒരു കാര്യം അറിയോ? ഞാൻ കുഞ്ഞായിരിക്കുമ്പോൾ എൻറെ അമ്മ എനിക്ക് അമ്പിളിമാമനെ കാണിച്ചാണ് ചോറ് വാരി തന്നിരുന്നത്. ഇടയ്ക്ക് അമ്പിളിമാമനെ കാണാൻ കഴിയാറില്ല. മേഘങ്ങൾക്കിടയിൽ ഒളിച്ചിരിക്കാണോ?
പിന്നെ കുറെ നാൾ ഭൂമിയിൽ എല്ലാവരും മാസ്ക് വച്ചാണ് നടന്നത് ഒരു വലിയ കൊറോണ വന്നു. അതൊക്കെ പോട്ടെ അമ്പിളിമാമനെ കാണാൻ എന്തൊരു ചന്തമാണ് ഇനി ഞാൻ ആകാശത്തേക്ക് നോക്കുമ്പോൾ എന്നെ നോക്കി ചിരിക്കണം കേട്ടോ. പിന്നെ എൻറെ സ്കൂളിലെ എൻറെ സാറ് ചന്ദ്രനിലെ വിശേഷങ്ങളൊക്കെ പറഞ്ഞുതരാറുണ്ട്. ഇവിടെ എല്ലാവർക്കും ഇഷ്ടമാണ് അമ്പിളിമാമനെ. എനിക്ക് അങ്ങോട്ട് വന്ന് അമ്പിളിമാമന്റെ കൈപിടിച്ച് പഞ്ഞിക്കെട്ട് പോലെയുള്ള ആകാശത്തൂടെ എനിക്ക് നടക്കണം. പിന്നെ അമ്പിളിമാമ… മിന്നുന്ന നക്ഷത്രങ്ങൾ കാണിച്ചുതരണം, തൊട്ടുനോക്കുകയും വേണം അങ്ങനെ ഒരുപാട് ആഗ്രഹങ്ങൾ ഉണ്ട് ഈ അനിക്കുട്ടിക്ക് . അതൊക്കെ അടുത്ത കത്തിൽ എഴുതാം.  ഒത്തിരി സ്നേഹത്തോടെ അമ്പിളിമാമന്റെ സ്വന്തം അനുമോൾ 
തിരിച്ചും എനിക്കും കത്തെഴുതണെ അമ്പിളിമാമ…

ഒത്തിരി സ്നേഹത്തോടെ അനുക്കുട്ടി.

'''അനുഗ്രഹ എം കെ''' 
മാരാടൻ ഹൗസ് 
മറ്റൂർ 
കാലടി പി ഓ
683574

BSUPS KALADY 
6 B