സെന്റ്മേരീസ് എൽ പി എസ് ളാലം പാല/അക്ഷരവൃക്ഷം/ വൈറസിന്റെ ഉത്ഭവവും പ്രതിരോധവും

Schoolwiki സംരംഭത്തിൽ നിന്ന്
വൈറസിന്റെ ഉത്ഭവവും പ്രതിരോധവും

ഈ വർത്തമാനകാലത്തിൽ ലോകം മുഴുവൻ ഭീതിയോടെ പറയുന്ന ഒരു വാക്കാണ് കൊറോണ വൈറസ്. ഇത് എന്താണെന്നു അറിയാത്തവർ ചുരുക്കം. കാരണം അത്രയ്ക്കും മനുഷ്യരെ ഭീതിയിലാഴ്ത്താൻ ചുരുങ്ങിയ കാലം കൊണ്ട് ഈ വൈറസിന് കഴിഞ്ഞു. ഏതു വൈറസിനെയും തുരത്താൻ കഴിയും എന്ന് അഹങ്കരിച്ച മഹാരാജ്യങ്ങൾ പോലും ഇന്ന് കോറോണയുടെ മുന്നിൽ മുട്ടുകുത്തി.

പക്ഷികളിലും മൃഗങ്ങളിലും കാണപ്പെടുന്ന വൈറസ് ആണ് കൊറോണ. ഇവയുമായി സമ്പർക്കം പുലർത്തുന്ന മനുഷ്യരിലേക് ഈ വൈറസുകൾ പ്രവേശിക്കുന്നു.പിന്നീട് മറ്റു മനുഷ്യരിലേക് പകരുകയും ചെയ്യുന്നു. 2019-ൽ ചൈനയിലെ വുഹാൻ എന്ന നഗരം ഈ രോഗത്തിന്റെ ഉറവിടമായി കണക്കാക്കുന്നു. പിന്നീട് ഇത് എഴുപതിലേറെ രാജ്യങ്ങളിലേക്കു പടർന്നു പിടിക്കുകയും ലക്ഷക്കണക്കിന് മനുഷ്യരുടെ മരണത്തിനു കാരണം ആകുകയും ചെയ്യുന്നു.

മുഖ്യമായും ശ്വാസനാളിയെ ആണ് കൊറോണ വൈറസ് ബാധിക്കുന്നത്. ഗർഭിണികൾ ,കുട്ടികൾ ,പ്രായമായവർ മുതലായവർക്കു രോഗം പെട്ടെന്ന് പിടിപെടാനുള്ള സാധ്യത വളരെ കൂടുതലാണ്. കൂടാതെ ഇവർക്കു ന്യൂമോണിയ , ബ്രോങ്കൈറ്റിസ് പോലുള്ള ശ്വാസകോശരോഗങ്ങൾ ബാധിക്കുകയും മരണം പോലും സംഭവിക്കുകയും ചെയ്യാം. കൊറോണ വൈറസിനെ പ്രതിരോധിക്കുന്ന വാക്സിൻ ഇതുവരെ കണ്ടെത്തിയിട്ടില്ല. തലവേദന,തൊണ്ടവേദന,പനി,ചുമ,മൂക്കൊലിപ്പ് എന്നിവയാണ് ലക്ഷണങ്ങൾ.

സമൂഹവ്യാപനം തടയാൻ നമുക്ക് ഒരുപാട് മാർഗങ്ങൾ സ്വീകരിക്കാൻ കഴിയും.

  • പരമാവധി വീട്ടിൽ ഇരിക്കുക.

  • ഇടയ്ക്കിടയ്ക്കു കൈകൾ സോപ്പ് ഉപയോഗിച്ചു കഴുകുക.

  • തുമ്മുമ്പോഴും ചുമയ്ക്കുമ്പോഴും തൂവാല ഉപയോഗിക്കുക.

  • മാസ്ക് ധരിക്കുക.

  • വ്യക്തിശുചിത്വം പാലിക്കുക.

  • കണ്ണിലും മൂക്കിലും വായിലും സ്പർശിക്കുന്നത് ഒഴിവാക്കുക.

  • എല്ലാറ്റിലും ഉപരി സാമൂഹിക അകലം പാലിക്കുക.

കൊറോണ എന്ന മഹാമാരിയെ ഒറ്റക്കെട്ടായി നിന്ന് നമുക്ക് പ്രതിരോധിക്കാം....

പാർവതി ബിനു
4 A സെന്റ് മേരീസ് എൽ പി എസ് ളാലം പാലാ
പാലാ ഉപജില്ല
കോട്ടയം
അക്ഷരവൃക്ഷം പദ്ധതി, 2020
ലേഖനം


 സാങ്കേതിക പരിശോധന - Sachingnair തീയ്യതി: 03/ 05/ 2020 >> രചനാവിഭാഗം - ലേഖനം