ശ്രീ രുദ്ര വിലാസം യൂ. പി. സ്കൂൾ എറണാകുളം/എന്റെ ഗ്രാമം
എറണാകുളം ജില്ല
എറണാകുളം ഇന്ത്യൻ സംസ്ഥാനമായ കേരളത്തിലെ 14 ജില്ലകളിൽ ഒന്നാണ്, കൊച്ചിയിലെ നഗരവിഭജനത്തിൽ നിന്നാണ് ഈ പേര് സ്വീകരിച്ചത്. സംസ്ഥാനത്തിൻ്റെ മധ്യഭാഗത്തായി സ്ഥിതി ചെയ്യുന്ന ഇത് ഏകദേശം 2,924 ചതുരശ്ര കിലോമീറ്റർ (1,129 ചതുരശ്ര മൈൽ) വിസ്തൃതിയിൽ വ്യാപിച്ചുകിടക്കുന്നു, കൂടാതെ കേരളത്തിലെ ജനസംഖ്യയുടെ 9% ത്തിലധികം ആളുകൾ വസിക്കുന്നു. കാക്കനാടാണ് ഇതിൻ്റെ ആസ്ഥാനം. പുരാതന പള്ളികൾ, ഹൈന്ദവ ക്ഷേത്രങ്ങൾ, സിനഗോഗുകൾ, മോസ്കുകൾ എന്നിവയ്ക്ക് പേരുകേട്ട കേരളത്തിൻ്റെ വാണിജ്യ തലസ്ഥാനം എന്നറിയപ്പെടുന്ന കൊച്ചി ഈ ജില്ലയിൽ ഉൾപ്പെടുന്നു.
എറണാകുളം ജില്ല - മദ്ധ്യകേരളത്തിൽ സ്ഥിതി ചെയ്യുന്ന ഈ ജില്ല കേരളത്തിന്റെ വാണിജ്യ തലസ്ഥാനം എന്നറിയപ്പെടുന്നു. സംസ്ഥാനത്തെ ഏറ്റവും വലിയ നഗരവും വ്യാവസായികമേഖലയുമായ കൊച്ചി, ചരിത്രപരമായി പ്രാധാന്യമുള്ള മട്ടാഞ്ചേരി, തൃപ്പൂണിത്തുറ എന്നീ പ്രദേശങ്ങളുടെ സാന്നിദ്ധ്യം ഈ ജില്ലയെ പ്രാധാന്യമേറിയതാക്കുന്നു.
പേരിനു പിന്നിൽ
ഋഷിനാഗക്കുളം ലോപിച്ചാണ് എറണാകുളമായി മാറിയതെന്നും, മറിച്ച് എറണാകുളത്തപ്പൻ ക്ഷേത്രം എന്നതിൽ നിന്നും എറണാകുളം എന്ന വാക്കുണ്ടായതെന്നും, നിറയെ വെള്ളക്കെട്ടുകളായിരുന്നതിനാൽ ഏറെ നാൾ കുളം എന്ന വാക്കിൽ നിന്നുമാണെന്നുമൊക്കെ പേരിന്റെ ഉത്പത്തിയെക്കുറിച്ച് വ്യത്യസ്തങ്ങളായ അഭിപ്രായങ്ങളുണ്ട്.
ഭൂമിശാസ്ത്രം
പടിഞ്ഞാറ് അറബിക്കടൽ, വടക്ക് തൃശൂർ, കിഴക്ക് ഇടുക്കി ജില്ല, തെക്ക് കോട്ടയം, ആലപ്പുഴ ജില്ലകൾ എന്നിവയാണ് എറണാകുളത്തിന്റെ അതിർത്തികൾ. ജില്ലയുടെ പടിഞ്ഞാറൻ പ്രദേശങ്ങൾ തീരഭൂമിയും കിഴക്ക് മലമ്പ്രദേശവുമാണ്. കേരളത്തിലെ രണ്ടാമത്തെ വലിയ നദിയായ പെരിയാർ ജില്ലയുടെ വടക്കു ഭാഗത്തെ ഒട്ടുമിക്ക പ്രദേശങ്ങളെയും സ്പർശിക്കുന്നു. മുവാറ്റുപുഴയാറും ജില്ലയിലൂടെ കടന്നുപോകുന്നു. മനുഷ്യ നിർമ്മിതവും അല്ലാത്തതുമായ നിരവധി ചെറുദ്വീപുകൾ ജില്ലയുടെ പടിഞ്ഞാറൻ മേഖലയിലുണ്ട്. വർഷത്തിൽ നൂറ്റിമുപ്പതിലേറെ ദിവസവും മഴ ലഭിക്കുന്ന ഇവിടെ ശൈത്യകാലമൊഴികെ മിക്കപ്പോഴും സാമാന്യം നല്ലചൂടനുഭവപ്പെടുന്നു.
അടുത്തുള്ള പ്രധാന ഹൈന്ദവ ക്ഷേത്രങ്ങൾ
- ശ്രീ എറണാകുളം ശിവ ക്ഷേത്രം (ശ്രീ എറണാകുളത്തപ്പൻ ക്ഷേത്രം)
- വളഞ്ഞമ്പലം ശ്രീ ഭഗവതി ക്ഷേത്രം
പ്രധാന ആശുപത്രികൾ
ജനറൽ ആശുപത്രി, എറണാകുളം
അമൃത ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസ്, ഇടപ്പള്ളി
ഗവണ്മെന്റ് മെഡിക്കൽ കോളേജ്, കളമശ്ശേരി
കൊച്ചിൻ കാൻസർ സെന്റർ