പ്രമാണം:ദുരിതശ്വാസ സഹായം.jpg

• ദുരിതാശ്വാസ നിധിയിലേയ്‌ക്ക് സ്വാന്തന സ്പർശവുമായി ഒരു പിഞ്ചു മനസ്സ്.....*

            ആര്യാട് സി. എം. എസ്. എൽ. പി. സ്കൂളിലെ മൂന്നാം ക്ലാസ്സ്‌ വിദ്യാർത്ഥി മാസ്റ്റർ. ജോബിൻ ജോസി തന്റെ വിലപ്പെട്ട സമ്പാദ്യം മുഖ്യമന്ത്രിയുടെ ദുരിതാശ്വാസനിധിയിലേയ്ക്ക് സംഭാവന ചെയ്തു. 
          മൂന്നാമത്തെ വയസ്സിൽ പിതാവ് മരിച്ചു പോയ ജോബിൻ തന്റെ മാതാവ് വീട്ടുജോലികൾ ചെയ്തു ലഭിക്കുന്ന തുച്ഛമായ വരുമാനത്തിൽ നിന്നും മിഠായി വാങ്ങാനും മറ്റും ലഭിക്കുന്ന രൂപാനോട്ടുകളും നാണയത്തുട്ടുകളും ഒരു സൈക്കിൾ വാങ്ങണമെന്ന പ്രതീക്ഷയോടെ ഒരു വർഷമായി സ്വരൂപിക്കുകയായിരുന്നു. നഷ്ടങ്ങളും ദുഃഖങ്ങളും ഇല്ലായ്മകളും ഏറെ അനുഭവിച്ച ജോബിൻ തന്റെ  സമ്പാദ്യമായ 2268 രൂപാ സ്വമനസ്സോടെ മുഖ്യമന്ത്രിയുടെ ദുരിതാശ്വാസ നിധിയിലേയ്‌ക്ക് സംഭാവനചെയ്തു. പഠിക്കാൻ വളരെ മിടുക്കനും ശാന്തസ്വഭാവക്കാരനുമായ ജോബിൻ തന്റെ മാതാവിന്റെ ആഗ്രഹങ്ങൾ നിറവേറ്റിക്കൊടുക്കണമെന്ന ലക്ഷ്യത്തോടെ പഠിക്കുന്നു. ആലപ്പുഴ തുമ്പോളി തൈപറമ്പിൽ പരേതനായ ജോസിയുടെയും വിജി ജോസിയുടെയും രണ്ടാമത്തെ മകനാണ് ജോബിൻ. സഹോദരി ജോസ്ന ഡിഗ്രി വിദ്യാർത്ഥിനിയാണ്.