"ജി.എം.യു.പി.എസ്. ഇടവ/അക്ഷരവൃക്ഷം/കൊറോണയും അവധിക്കാലവും" എന്ന താളിന്റെ പതിപ്പുകൾ തമ്മിലുള്ള വ്യത്യാസം

   സ്കൂൾ അടയ്ക്കുന്നതിനു മുൻപുള്ള ഒരു ദിവസം. ആമിനയും കൂട്ടുകാരും ക്ലാസിലെത്തി. അവർ അവധി കാലത്തെ കുറിച്ചും പരീക്ഷയെ കുറിച്ചും ചർച്ച ചെയ്യുകയായിരുന്നു. അപ്പോഴാണ് ടീച്ചർ ക്ലാസിൽ വന്ന് ആ കാര്യം പറഞ്ഞത്. " ഇന്ന് സ്കൂൾ അടയ്ക്കാൻ പോകുന്നു എന്ന്". അതു കേട്ട് എല്ലാവരും ഒന്നു ഞെട്ടി. അപ്പോൾ ആമിന ചോദിച്ചു അത് എന്തിനാണ് ടീച്ചർ സ്കൂൾ അടയ്ക്കുന്നത്? അത് കൊറോണ എന്ന ഒരു മാരക വൈറസ് മൂലമാണ് ടീച്ചർ മറുപടി പറഞ്ഞു. കുട്ടികൾ ഒന്നടക്കം ചോദിച്ചു കൊറോണ അതെന്താ ടീച്ചർ? കുട്ടികളെ അത് മനുഷ്യരിൽ നിന്ന് മനുഷ്യരിലേക്ക് പകരുന്ന ഒരു തരം വൈറസ് ആണ്. അതുകൊണ്ട് കുറച്ചു ദിവസത്തേക്ക് സ്കൂളുകളും കോളേജുകളും അടയ്ക്കാൻ തീരുമാനിച്ചു. ആമിന വീണ്ടും ചോദിച്ചു;അപ്പൊ പരീക്ഷ എപ്പോഴാണ് നടത്തുക ടീച്ചർ? അത് കുട്ടികളെ ഈ വൈറസ് മൂലം ദിനംപ്രതി ജനങ്ങൾ മരിച്ചുകൊണ്ടിരിക്കുന്നു അതുകൊണ്ട് ഇത് മാറിയതിനുശേഷം പരീക്ഷകൾ നടത്തും. അതുകൊണ്ട് ഈ മഹാമാരി ലോകം വിട്ടുപോകാൻ നമുക്കേവർക്കും ദൈവത്തിനോട് പ്രാർത്ഥിക്കാം. വൈകിട്ട് സ്കൂൾ വിട്ട് ആമിന വീട്ടിലേക്ക് മടങ്ങി. അവൾ വളരെ ദുഃഖിതയായി ആയിരുന്നു. വീട്ടിൽ എത്തിയപ്പോൾ എല്ലാവരും ന്യൂസ് കാണുകയായിരുന്നു അതിൽ കോറോണയെ  കുറിച്ചായിരുന്നു പറഞ്ഞത്. കോറോണയിൽ നിന്ന് സംരക്ഷണം നേടാൻ വേണ്ടി നാം മാസ്കുകൾ ധരിക്കുകയും കൈകാലുകൾ കഴുകി ശുദ്ധിയായി സൂക്ഷിക്കുകയും,  നാം ഏവരും ശുചിത്വം പാലിക്കുകയും വേണം എന്ന് അവൾ അറിഞ്ഞത്. ഉടൻ തന്നെ അവൾ അവളുടെ റൂമിലേക്ക് പോയി. റൂമിൽ ചെന്ന് അവളുടെ അവധിക്കാലം എങ്ങനെ ആഘോഷിക്കണം എന്ന് അവൾ എഴുതിവെച്ച ഒരു പുസ്തകം എടുത്തു. എന്നിട്ട് അവൾ ഒരു കാര്യം തീരുമാനിച്ചു. ഞാൻ എന്റെ ഈ അവധിക്കാലം ആഘോഷിക്കുന്നില്ല പകരം മാസ്കുകൾ ഉണ്ടാക്കി എല്ലാവർക്കും കൊടുക്കുകയും,  അതോടൊപ്പം ഞാനും എന്റെ കുടുംബവും രോഗം ബാധിച്ചവർക്ക് വേണ്ടിയും ഈ വൈറസ് ലോകം വിട്ടുപോകാൻ വേണ്ടിയും ദിവസവും പ്രാർത്ഥിക്കും. അങ്ങനെ ആമിന അവളുടെ  അവധിക്കാലം എല്ലാവർക്കും വേണ്ടി മാസ്ക്  ഉണ്ടാക്കിയും രോഗം ബാധിച്ചവർക്ക് വേണ്ടിയും പ്രാർത്ഥിച്ചും  സമയം ചെലവഴിച്ചു.

</p>