"പി.പി.ടി.എം.വൈ.എച്ച്.എസ്.എസ് ചേറൂർ/ സ്‌കൂൾ തല പൊതു പരിപാടികൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

           നാഗാലാന്റ് കിഫ്‌റെ ജില്ലാ കലക്ട്രർ മുഹമ്മദലി ശിഹാബ് സ്‌കൂൾ സന്ദർശിച്ചു.ചേറൂർ പി പി ടി എം വൈ എച്ച് എസ് എസിലെ അദ്ധ്യാപകരും ,വിദ്യാർത്ഥികളും നൽകിയ സ്വീകരണത്തിന്റെ മറുപടി പ്രസംഗത്തിൽ വിനയമാണ് ജീവിതവിജയത്തിന്റെ നിദാനമെന്ന്അദ്ദേഹം പറ‍ഞ്ഞു.വിനയമുള്ളവന്റെ മനസ്സ് ലോലമായിരിക്കും.മറ്റുള്ളവരുടെ ഗുണഗണങ്ങൾ കാണുമ്പോൾ അവൻ സന്തോഷം കൊണ്ട് കയ്യടിക്കുന്നു.മറ്റുള്ളവർക്കു വേണ്ടി കയ്യടിക്കുന്നവന് വേണ്ടി  വരും തലമുറയും കയ്യടിച്ചിരിക്കും.ഭൂമിയിൽ താനെന്ന് വ്യക്തി ജീവിച്ചിരുന്നു എന്നതിന് നന്മകൾ ബാക്കിയാക്കേണ്ടതുണ്ട്.ലക്ഷ്യബോധമുള്ളവന് നന്മകൾ പ്രവർത്തിക്കുന്നതിനും നന്മകൾ ബാക്കിയാക്കി പോകുന്നതിനും സാധിക്കും.കപ്പിത്താനില്ലാത്ത കപ്പൽ പോലെയാണ് അനാഥബാലന്റെ ജീവിതം.ജീവിതത്തെ കര കയറ്റുന്നതിൽ അനാഥാലയങ്ങൾ ചെയ്യുന്ന സേവനം മഹത്തരമാണെന്നും അദ്ദേഹം പറ‍ഞ്ഞു.മുഹമ്മദലി ശിഹാബ് രചിച്ച " വിരലറ്റം"എന്ന പുസ്തകം വിദ്യാർത്ഥികൾക്ക്പരിചയപ്പെടുത്തി.പ്രധാനാദ്ധ്യാപകൻ അബ്‍ദുൽ മജീദ് പറങ്ങോടത്ത് അദ്ധ്യക്ഷത വഹിച്ചു.യത്തീംഖാന സെക്രട്ടറി എം എം കുട്ടിമൗലവി,പി ടി എ പ്രസിഡന്റ് പൂക്കുത്ത് മുജീബ്,മാനേജർ കെ വീരാൻകുട്ടി,‍ഡെപ്യൂട്ടി ഹെഡ്‌മാസ്റ്റർ ബാബു കെ യു,കെ അബ്‍ദുൽ മജീദ്,എം ഫൈസൽ എന്നിവർ സംസാരിച്ചു.