"സെന്റ്.ജോർജ്ജ്സ് യു പി സ്ക്കൂൾ, പൂണിത്തുറ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

വ്യവസായിക ജില്ലയായ എറണാകുളത്തിന്റെ ഹൃദയഭാഗമായ വൈറ്റില ഹബ്ബ്.  ഇവിടെ നിന്നും 2 കിലോമീറ്റര്‍ ദൂരെ ചമ്പകര എന്ന മനോഹരമായ പ്രദേശം .  ചമ്പകര ബസ്സ് സ്റ്റോപ്പില്‍ നിന്നും വളവു തിരിയുന്നിടത്ത് ,ആരെയും അതിശയിപ്പിക്കുന്ന തരത്തില്‍ ചുറ്റുമതിലോടും , കവാടത്തോടും കൂടിയ സെന്റ്. ജോര്‍ജ്ജസ് വിദ്യാലയം.  കവാടം തുറന്ന് അകത്തേക്ക് പ്രവേശിക്കുമ്പോള്‍ , ചുവന്ന ചെമ്പകവും ,മനോഹരങ്ങളായ ചെടികളും ,പൂക്കളും , വിശാലമായ തിരുമുറ്റവും നിങ്ങള്‍ക്ക് സ്വാഗതമോതും.  ഇവിടെ നിന്നും നോക്കുമ്പോള്‍ ആദ്യം കാണുക പ്രധാനധ്യാപികയുടെ ഓഫീസ് . ഇതിന് വലതു വശത്തായി സ്റ്റാഫ് റൂം. ഇടത് , 70 കുട്ടികള്‍ക്ക് ഒരേ സമയം ഇരിക്കാന്‍ സാധിക്കുന്ന രീതിയില്‍ ശീതീകരിച്ച സ്‌മാര്‍ട്ട് ക്ലാസ്സ് . തൊട്ടടുത്തായി കമ്പ്യൂട്ടര്‍ ലാബ്, സയന്‍സ് ലാബ് എന്നിവ.  പ്രധാന ഓഫീസിനു മുന്നിലും മുകളിലുമുള്ള കെട്ടിടത്തില്‍ ലോവര്‍ പ്രൈമറി ക്ലാസുകള്‍ ക്രമീകരിച്ചിരിക്കുന്നു.  അപ്പര്‍ പ്രൈമറിക്കായി 3 നിലകളോടു കൂടിയ കെട്ടിടവും സജ്ജമാക്കിയിരിക്കുന്നു.  ഇങ്ങനെ കാറ്റും വെളിച്ചവും കടക്കുന്ന രീതിയില്‍ മനോഹരമായി ക്ലാസ്സുമുറികള്‍ ചിട്ടപ്പെടുത്തിയിരിക്കുന്നു.  2016-'17അധ്യായനവര്‍ഷത്തില്‍ 362ആണ്‍കുട്ടികളും 198 പെണ്‍കുട്ടികളും ഉള്‍പ്പെടെ 560കുട്ടികള്‍ പഠനം നടത്തുന്ന ഈ വിദ്യാലയത്തില്‍ 404 കുട്ടികളും അധ്യാപകരും ഇവിടെ നിന്നും ഉച്ചഭക്ഷണം  കഴിക്കുന്നു. സാമ്പാര്‍, മോരുകറി , പരിപ്പ് കറി, കടല,ചെറുപയര്‍,അച്ചിങ്ങത്തോരന്‍,അച്ചാറ് എന്നിങ്ങനെ രുചികരങ്ങളായ വിവിധ തരം കറികളാണ് ഉച്ചഭക്ഷണത്തില്‍ ഉള്‍പ്പെടുത്തിയിരിക്കുന്നത്.  വാട്ടര്‍ പ്യൂരിഫയറിന്റെ സഹായത്താല്‍ ശുദ്ധീകരിച്ച വെള്ളമാണ് കുടിവെള്ളമായി ഉപയോഗിക്കുന്നത്.കുട്ടികള്‍ക്ക് സ്വയംതൊഴില്‍ പരിശീലനം നല്കുന്നതിനായി  പ്രവര്‍ത്തിപരിചയപഠന അധ്യപികയുടെ നേതൃത്വത്തില്‍ ക്ലാസുകള്‍  നടത്തുന്നു.

  [[പ്രമാണം:20170125 115421.jpg|thumb|150px| centre|flower making class .Sr.Tesseena1]]