"ജി.വി.എൽ.പി.എസ് ചിറ്റൂർ/പ്രവർത്തനങ്ങൾ/2023-24" എന്ന താളിന്റെ പതിപ്പുകൾ തമ്മിലുള്ള വ്യത്യാസം

===വായന ദിനം===

ഈ വർഷത്തെ വായനദിനത്തിൽ വ്യത്യസ്തങ്ങളായ പരിപാടികളാണ് ആസൂത്രണം ചെയ്തിരുന്നത്. രക്ഷിതാക്കൾക്ക് പുസ്തകം വീട്ടിൽ കൊണ്ടു പോയി വായിക്കുന്നതിനായി ഒരു തുറന്ന പുസ്തകശാല " വായനമിത്രം " എന്ന പേരിൽ വിദ്യാലയത്തിൽ ഒരുക്കി. ചിറ്റൂർ തത്തമംഗലം നഗരസഭ വിദ്യാഭ്യാസ സ്റ്റാൻഡിംഗ് കമ്മറ്റി ചെയർപേഴ്സൺ കെ.സുമതി രക്ഷിതാക്കൾക്ക് പുസ്തകം നൽകിക്കൊണ്ട് വായന മിത്രം ഉദ്ഘാടനം ചെയ്തു.

ലീലാ മന്ദിരത്തിലെ മുഖ്യ ഹാളിൽവെച്ച് നടന്ന വായനദിനാഘോഷ പരിപാടി റിട്ടയേർഡ് AEO സി. സ്വർണകുമാരി ഉദ്ഘാടനം ചെയ്തു. പ്രസ്തുത പരിപാടിയിൽ പ്രധാനധ്യാപിക ടി. ജയലക്ഷ്മി സ്വാഗതം പറഞ്ഞു.പി ടി എ പ്രസിഡന്റ് ബി.മോഹൻദാസ് അധ്യക്ഷനായി. ജൂൺ 19 വായനദിനമായി ആഘോഷിക്കുന്നതിന്റെ പ്രാധാന്യത്തെക്കുറിച്ചും തന്റെ പഠന കാലത്തെ വായനദിന അനുഭവങ്ങളെക്കുറിച്ചും ഉദ്ഘാടകയായ സി. സ്വർണകുമാരി വിശദമായി കുട്ടികൾക്ക് പറഞ്ഞു കൊടുത്തു. SMC ചെയർമാൻ കെ.പി രഞ്ജിത്ത്, PTA വൈസ് പ്രസിഡന്റ് ജി. സുഗതൻ എന്നിവർ ആശംസകൾ നേർന്നു. സീനിയർ അധ്യാപികയായ സുനിത. എസ് പരിപാടിയിൽ പങ്കെടുത്ത എല്ലാവർക്കും നന്ദി അരിയിച്ചു.