"ജി.യു.പി.എസ് മുഴക്കുന്ന്/സ്കൂൾ തെരഞ്ഞെടുപ്പ് (ഹൈടെക്)" എന്ന താളിന്റെ പതിപ്പുകൾ തമ്മിലുള്ള വ്യത്യാസം

      ഞങ്ങളുടെ വിദ്യാലയത്തെ സംബന്ധിച്ചിടത്തോളം എല്ലാവിധ അനുകൂലനങ്ങളും സമഞ്ജസമായി സമ്മേളിപ്പിച്ച് ഓരോ പ്രവർത്തനവും വിജയകരം ആക്കുക എന്ന ദൗത്യം കാലാകാലങ്ങളായി ഓരോ അധ്യാപകരും അതോടൊപ്പം അവരുടെ വിദ്യാർത്ഥികളും ശിരസാവഹിച്ച് വരുന്നു.. അക്കാദമിക പ്രവർത്തനങ്ങളിൽ ഈ കൂട്ടായ്മ ഭൂരിഭാഗം അവസരങ്ങളിലും വിജയം കണ്ടിട്ടുണ്ട്..

അതിനെ തുടർന്ന് ഹൈടെക് രീതിയിലുള്ള തെരഞ്ഞെടുപ്പ് സമ്പ്രദായം കുട്ടികളിലേക്ക് എത്തിക്കുന്നതിനായി ഒരു മിനി ഹൈടെക് തെരഞ്ഞെടുപ്പ് സമ്പ്രദായം വിവിധ വർഷങ്ങളിൽ ഞങ്ങൾ ആവിഷ്കരിച്ചു.. കമ്പ്യൂട്ടർ ഉപയോഗിച്ചുള്ള തെരഞ്ഞെടുപ്പു രീതി ആവിഷ്കരിച്ചത് ഇതിന്റെ പശ്ചാത്തലത്തിലാണ്.. തെരഞ്ഞെടുപ്പ് ഉദ്യോഗസ്ഥന്മാരെ നിയമിക്കുകയും, വോട്ടർപട്ടിക ഉണ്ടാക്കുകയും, അനുയോജ്യമായ സോഫ്റ്റ്‌വെയർ ഉപയോഗിച്ച് കമ്പ്യൂട്ടർ വഴി വോട്ട് രേഖപ്പെടുത്തുകയും ചെയ്യുന്ന ആധുനിക സമ്പ്രദായം ഞങ്ങളും ആവിഷ്കരിച്ചു... വോട്ടർമാരെ തിരിച്ചറിയുകയും, മഷി പുരട്ടുകയും, ഇലക്ട്രോണിക് വോട്ടിംഗ് രീതി പിന്തുടരുകയും ഒക്കെ അടങ്ങിയ സമഗ്രമായ ആധുനിക തെരഞ്ഞെടുപ്പ് സമ്പ്രദായം ഞങ്ങളുടെ വിദ്യാലയത്തിലും പല വർഷങ്ങളിലായി ആവിഷ്കരിക്കുക യുണ്ടായി..