"സെന്റ് തോമസ് ഹയർസെക്കണ്ടറി സ്കൂൾ ഇരുവെള്ളിപ്ര/പ്രവർത്തനങ്ങൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

“ഒരു സ്വപ്നം യാഥാർഥ്യമാകുന്നത് മുമ്പ് നിങ്ങൾക്ക് അത് സ്വപ്നം കാണാൻ കഴിയണം” എ പി ജെ അബ്ദുൽ കലാമിൻറെ വാക്കുകളാണിത്. വിദ്യാഭ്യാസവകുപ്പും ശാസ്ത്രരംഗം സംസ്ഥാന സമിതിയും ഒത്തുചേർന്ന് പ്രതിഭകൾക്കൊപ്പം എന്ന പരിപാടി 18.9.2021 ഉച്ചയ്ക്ക് രണ്ടുമണിക്ക് നടത്തുകയുണ്ടായി കുട്ടികളിൽ ശാസ്ത്രാവബോധം ഉണ്ടാക്കുക എന്ന ലക്ഷ്യത്തോടെ ആവിഷ്കരിച്ച ഈ പരിപാടിയുടെ ഉദ്ഘാടനം നിർവഹിച്ചത് ജീവൻ ബാബു (IAS) സാർ ആണ്. ഈ പരിപാടിയുടെ മുഖ്യാതിഥിയും ക്ലാസ് നയിച്ചതും  മലയാളിയായ അജിത്ത് പരമേശ്വരൻ എന്ന ശാസ്ത്രജ്ഞനാണ്. പ്രപഞ്ചവും ഞാനും എന്ന് അദ്ദേഹം തന്നെ പേരിട്ട് വിളിച്ച ഈ ക്ലാസ്സിൽ സൂര്യ സ്രോതസ്സിനെ ഉറവിടം ന്യൂക്ലിയർ ഫ്യൂഷൻ കൊണ്ടാണെന്നും ആകാശ ഗംഗ, സോളാർ സിസ്റ്റം ഗ്യാലക്സി എന്നിങ്ങനെ കുട്ടികളിൽ ശാസ്ത്രാഭിരുചി വളർത്തുന്ന  ഒട്ടേറെ കാര്യങ്ങൾ അദ്ദേഹം കുട്ടികൾക്ക് പകർന്നു നല്കുകയുണ്ടായി. ക്ലാസിനു ശേഷം നടന്ന ചോദ്യോത്തരവേള കുട്ടികൾക്ക് ഏറെ പ്രയോജനപ്രദമായി.  സംസ്ഥാനത്തെ സ്കൂളിലെ മുഴുവൻ കുട്ടികൾക്കും പ്രയോജനപ്രദമായ ഈ ക്ലാസ്സിൽ സെൻതോമസ് സ്കൂളിലെ നല്ലൊരു ശതമാനം കുട്ടികൾ പങ്കെടുത്തു എന്നത് ഏറെ അഭിമാനകരമായി. ഏകദേശം 3.55 ന് പ്രതിഭകൾക്കൊപ്പം എന്ന ശാസ്ത്ര പരിപാടി സമാപിച്ചു.