മഞ്ഞുപൊഴിഞ്ഞു ഡിസംബർ വന്നാൽ
ഞങ്ങൾക്കെന്തൊരു സന്തോഷം!
കളിചിരി ഹയ്യാ, കേക്കുമുറിക്കൽ
ക്രിസ്മസ്സായാലെന്തു രസം!
സമ്മാനങ്ങളുമായിപ്പോരും
സാന്താക്ലോസേ, അപ്പുപ്പാ,
വണ്ടിവലിക്കാൻ മാനുണ്ടെങ്കിൽ
എന്തൊരു രസമാണയ്യയ്യാ!
കുട്ടികൾ ചുറ്റും 'ഠപ്പോ ഠപ്പോ'
പൊട്ടിക്കുന്നൊരു നേരത്ത്
പുൽക്കൂടിൽ ഞാനരികിലിരിക്കാം
പേടിക്കല്ലേ പൊന്നുണ്ണി.
മഞ്ഞുപൊഴിഞ്ഞു ഡിസംബർ വന്നാൽ
മിന്നിത്തെളിയും നക്ഷത്രം
എങ്ങുമിരുട്ടു പരന്നാൽപ്പോലും
മങ്ങുകയില്ലാ നക്ഷത്രം!
