മരണം വിതക്കും മഹാമാരി
ഒരിടിമിന്നൽ മുഴക്കം പോലെ
വന്നു പതിച്ചു നീ
വുഹാൻ എന്നാ മഹാ നഗരിയിൽ
നിന്റെ ജനനം
കാലുറക്കുംമുമ്പേ ലോകം ചുറ്റുവാനുള്ള
നിന്റെ മോഹം,
ആ മോഹത്തേരിലേറി തുടങ്ങി നീ യാത്ര
നിൻ സഞ്ചാരവീഥിയിൽ- പൊലിഞൊരുപിടി ജീവൻ
നിൻ നാമം കേൾക്കുമ്പോൾ -
ഭയമേറും,
നിൻ മരണക്കുരുക്കിൽ പിടയുന്നു
ഞങ്ങൾ
അഥിതിയല്ല നീ ഞങ്ങൾക്ക്
നിന്നെ വരവേൽക്കുവാനാരുമില്ലെടോ
നിൻ മുഖ ദർശനം ദുഷ്ക്കരം, നീ
ജീവനുമേൽ മരണക്കൊടി വീശുന്ന മഹാമാരി
അതിജീവനത്തിന്റെ ചിറകിലേറി
നിൻ നാശം വരുത്തുവാൻ
ചുവടുകൾ ഇനി പിന്നോട്ടില്ല
മുന്നോട്ടുമാത്രം മുന്നോട്ടുമാത്രം...