അച്ഛൻ തന്നുടെ കൈകളിലെ
കുഞ്ഞിപ്പൊതിമേൽ നോക്കുമ്പോൾ
കണ്ണിനുള്ളിൽ പൂത്തിരിയും
നെഞ്ചിനുള്ളിൽ ലാത്തിരിയും
തക്കം നോക്കിപ്പാഞ്ഞെത്തി
കുഞ്ഞിപ്പൊതിമേൽ കൈവെച്ചു
വെക്കം തിന്നാൻ നോക്കുമ്പോൾ
കുഞ്ഞിവിരലാൽ മുത്തശ്ശി
കുഞ്ഞിക്കയ്യിൽ തട്ടുന്നു
ഓമനമുത്തേ പഞ്ചാരേ
കയ്യും വായും കഴുകാതെ
ആഹാരങ്ങൾ കഴിച്ചെന്നാൽ
രോഗാണുക്കൾ നിന്നീടും
പല രോഗങ്ങൾ ഉണ്ടാകും
നന്നായ് കഴുകിയ കയ്യാലേ
ആഹാരങ്ങൾ തിന്നെന്നാൽ
എന്നും തിന്നാം പലഹാരം
സ്വാദൂറുന്ന പലഹാരം
