Sreehari K. G

മാഷ്

അറിവിൻ വെളിച്ചമാകും നേരായുള്ളൊരു

അദ്ധ്യാപന സ്പർശത്തിൻ ധർമ്മബോധം.

നാളുകൾ ചെറുതെങ്കിലും അങ്ങയിൽ

നിന്നാർജ്ജിതമായൊരു ജ്ഞാനപ്പൊരുൾ

മുദാ സ്മരിച്ചിടുന്നു ആയുസ്സു മുഴുക്കെയും .

ശിഷ്യ വാത്സല്യ പ്രിയനും മനീഷിയുമായ

ഗുരുവിൻ തണലും തലോടും വഴിമാറിയൊഴുകുന്ന-

ന്നേരം വിവേകമായുള്ളൊരു ജ്ഞാനരൂപം

അകലേക്കു പൊകുന്നതറിയുന്നു ഞാൻ,

ജ്ഞാനത്തിൻ ചിന്തകൾ ഉണർത്തും നിൻ മൃദു പല്ലവി

ഇന്നുമെൻ കാതിൽ മുഴങ്ങുന്നു നിരന്തരം,

ഈയൊരു രസാനുഭൂതി ഇനിപ്പും ചവർപ്പും-

വിവേകമാം പൂർവ്വം രുചിയ്ക്കുവാൻ നാമൊരു

മധുരനെല്ലിക്കയായ് മാറുന്നു ....

ഗുരുവിൻ നിത്യസമരണയിൽ ആയുരാരോഗ്യസൗഖ്യവും സന്തോഷവും ഉണ്ടാകട്ടെയെന്നു പ്രത്യാശിച്ചുകൊണ്ട്,

എൻ ഗുരുനാഥനായിക്കൊണ്ട് നമസ്കാരം