പഴമതൻ കാലം തിരിച്ചു വരുന്നൊരു
വരവുകണ്ടെൻ പുത്തൻ തലമുറ
പഴമതൻ ഗുണവും നൻമയും
തിരിച്ചറിയുന്നുണ്ടോ പുത്തൻതലമുറ
ഉമ്മറപ്പടിയിലെ വാൽകിണ്ടിയും തൂത്തുതുടച്ചു
തേച്ചുമിനുക്കിയ വീടും മുറ്റവും പരിസരങ്ങളും
കണ്ടെൻ അകം നിറഞ്ഞു
വ്യക്തിശുചിത്വം,പരിസരശുചിത്വം
സാമൂഹികശുചിതം എന്തിനു വേണ്ടിയാണിന്ന്
തിരിച്ചറിയുന്നു മാനവരാശികൾ
നെട്ടോട്ടമോടേണ്ട മാനവരെ
വലിച്ചെറിയാതിരിക്കുക മാലിന്യങ്ങൾ
അവനവൻ ഉണ്ടാക്കും മാലിന്യങ്ങൾ
സംസ്കരിച്ചീടാനും പഠിച്ചീടണം
ഭയാശങ്കകൾ ഒന്നും വേണ്ട
നേരിടാം നമുക്ക് ധൈര്യപൂർവ്വം
ഒറ്റക്കെട്ടായ് നമുക്ക് പൊരുതാം
ജയിച്ചുകയറാം മഹാവിപത്തിനെതിരെ
അമ്മയാം പ്രകൃതിയെ സ്നേഹിച്ചിടാം
മാലിന്യമാക്കില്ലയെന്റമ്മയെന്ന്
പ്രതിജ്ഞ ചെയ്തിടാം നമുക്കൊറ്റകെട്ടായ്
സ്വച്ഛശാന്തമായുറങ്ങിടാം പ്രകൃതിതൻ മടിത്തട്ടിൽ
