എസ്.എൻ.യു.പി.എസ് കൂടൽ ജങ്‌ഷൻ/ചരിത്രം
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
പത്തനംതിട്ട ജില്ലയിൽ കോന്നി വിദ്യാഭ്യാസ ഉപജില്ലയിൽ ഉൾപ്പെടുന്നതും കലഞ്ഞൂർ പഞ്ചായത്തിൽ സ്ഥിതി ചെയ്യുന്നതുമായ സരസ്വതി ക്ഷേത്രമാണിത്. കൂടൽ പ്രദേശത്തു ഒരു യു. പി. സ്കൂൾ ഇല്ലാതെ ദൂരെപ്പോയി പഠിക്കേണ്ട സാഹചര്യം വന്നപ്പോൾ പ്രദേശവാസിയായ ശ്രീ. പി. കെ. കുഞ്ഞിരാമൻ അവർകൾ ആരംഭിച്ചതാണ് ഈ വിദ്യാലയം. ശ്രീനാരായണ യു. പി. സ്കൂൾ എന്ന നാമധേയത്തിലുള്ള ഈ വിദ്യാലയം 1976 ൽ സ്ഥാപിതമായി.
കൂടൽ പോലീസ് സ്റ്റേഷനും പ്രാഥമിക ആരോഗ്യ കേന്ദ്രത്തിനും സമീപമായി 1 ഏക്കർ 27 സെന്റ് സ്ഥലത്താണ് ഈ വിദ്യാലയം സ്ഥിതി ചെയ്യുന്നത്. ശ്രീ. പി. കെ. കുഞ്ഞിരാമൻ സ്ഥാപക മാനേജരായി പ്രവർത്തനം ആരംഭിച്ച ഈ വിദ്യാലയം 1977 ൽ ശ്രീ. ടി. എൻ. ദാമോദരൻ തറമേലിന് കൈമാറ്റം ചെയ്യപ്പെട്ടു. നിലവിൽ ഈ സ്ഥാപനത്തിന്റെ അമരക്കാരൻ പാറുവേലിൽ ശ്രീ. സലിം കുമാർ അവർകൾ ആണ്. 2012 മുതലാണ് അദ്ദേഹം ഇതിന്റെ ചുമതലയേറ്റത്. തുടക്കത്തിൽ രണ്ടു കെട്ടിടങ്ങളിലായി പത്തോളം ക്ലാസ് മുറികളാണ് ഉണ്ടായിരുന്നത്. ആദ്യം അഞ്ചാം തരമായി തുടക്കം കുറിച്ച ഈ കലാലയം ആറും ഏഴും തരംകൂടി തുടങ്ങിയപ്പോൾ ആകെയുള്ള കുട്ടികളുടെ എണ്ണം 425 ആയി ഉയർന്നു. 9 ഡിവിഷനുകൾ ഉണ്ടായിരുന്നു.
ഈ കലാലയത്തിന്റെ ആദ്യ പ്രഥമാധ്യാപിക ശ്രീമതി. രത്നകുമാരി ആയിരുന്നു. തുടർന്ന് വിലാസിനി, കമലമ്മ, കനകമ്മ, സുധാകുമാരി, ഭാനമ്മ, ശോഭന, ഭാരതിയമ്മ, ശിവാനന്ദൻ, സീനത്, ലീലാമ്മ, ശാന്തകുമാരി, രാധാമണി, നസീമ ബീവി, സാബു, ലൈല, സുരേന്ദ്രൻ (പ്യൂൺ) എന്നിവർ അധ്യാപകരായി സേവനമനുഷ്ഠിച്ചിട്ടുണ്ട്.
ഇന്ന് ഈ കലാലയത്തിലെ പ്രഥമാധ്യാപിക ശ്രീമതി. ഷെസി. എസ്. ധരനാണ്. അധ്യാപകരായ ശ്രീ.രതീഷ്.ആർ.നായർ, ശ്രീ. രാജീവ് കുമാർ, ശ്രീ. അഭിഷേക് കൃഷ്ണൻ, ശ്രീമതി.മായ എന്നിവരും ശ്രീമതി.ജിനി (ഓഫീസ് അസിസ്റ്റന്റ്), ശ്രിമതി. ലത (ആയ) തുടങ്ങിയവരും ഇവിടെ നിലവിൽ സേവനമനുഷ്ഠിക്കുന്നു.