സെൻറ് ഫിലോമിനാസ് ഗേൾസ് എച്ച്.എസ്. പൂന്തുറ/Activities/2018-2019 അദ്ധ്യയന വർഷത്തിലെ പ്രവർത്തനങ്ങൾ
സ്കൂൾ | സൗകര്യങ്ങൾ | പ്രവർത്തനങ്ങൾ | പ്രൈമറി | ഹൈസ്കൂൾ | ചരിത്രം | അംഗീകാരം |
പ്രവേശനോത്സവം
![](/images/thumb/f/f7/%E0%B4%AA%E0%B5%8D%E0%B4%B0%E0%B4%B5%E0%B5%87%E0%B4%B6%E0%B4%A8%E0%B5%8B%E0%B4%A4%E0%B5%8D%E2%80%8D%E0%B4%B8%E0%B4%B5%E0%B4%82.jpg/300px-%E0%B4%AA%E0%B5%8D%E0%B4%B0%E0%B4%B5%E0%B5%87%E0%B4%B6%E0%B4%A8%E0%B5%8B%E0%B4%A4%E0%B5%8D%E2%80%8D%E0%B4%B8%E0%B4%B5%E0%B4%82.jpg)
![](/images/thumb/b/b5/%E0%B4%AA%E0%B5%8D%E0%B4%B0%E0%B4%B5%E0%B5%87%E0%B4%B6%E0%B4%A8%E0%B5%8B%E0%B4%A4%E0%B5%8D%E0%B4%B8%E0%B4%B5%E0%B4%82_2019-20%E0%B4%8343065.jpg/300px-%E0%B4%AA%E0%B5%8D%E0%B4%B0%E0%B4%B5%E0%B5%87%E0%B4%B6%E0%B4%A8%E0%B5%8B%E0%B4%A4%E0%B5%8D%E0%B4%B8%E0%B4%B5%E0%B4%82_2019-20%E0%B4%8343065.jpg)
2019-2020 അധ്യയന വർഷത്തിലെ പ്രവേശനോത്സവം ജൂൺ ആറിന് വിവിധ പരിപാടികളോടെ സംഘടിപ്പിക്കപ്പെട്ടു. കൊടിതോരണങ്ങളും ബലൂണുകളും കൊണ്ട് വിദ്യാലയാങ്കണം വളരെ മനോഹരമായി അലങ്കരിച്ചിരുന്നു. നവാഗതരായ ഒന്നാം ക്ളാസ്സിലെ കുരുന്നുകളെ വിവിധ തരാം തൊപ്പികൾ നൽകി സ്വീകരിച്ചു. പൊതു സമ്മേളനത്തിൽ മദർ മാനേജർ സിസ്റ്റർ ആലീസ് , ഹെഡ്മിസ്ട്രസ് സിസ്റ്റർ ജിജി അലക്സാണ്ടർ , പി ടി എ പ്രസിഡന്റ് ശ്രീ ഗിരീഷ് കുമാർ എന്നിവർ സന്നിഹിതരായിരുന്നു. ഈശ്വര പ്രാർത്ഥനയോടെ യോഗം ആരംഭിച്ചു. മറിയം ടീച്ചർ സ്വാഗതം ആശംസിച്ചു. വിദ്യാർഥികളുടെ സംഘ ഗാനം അഭിനയ ഗാനം എന്നിവ പരിപാടിക്ക് മാറ്റ് കൂട്ടി. നവാഗതർക്ക് മധുരം നൽകി. ഷൈനി ടീച്ചർ ഏവർക്കും നന്ദി അർപ്പിച്ചു. തുടർന്ന് ബാൻഡ് മേളത്തിന്റെയും കരഘോഷത്തിന്റെയും അകമ്പടിയോടെ ഒന്നാം ക്ലാസ്സുകാരെ ക്ലാസ്സ് ടീച്ചർമാർ ക്ളാസ്സിലേക്കു ആനയിച്ചു.
പരിസ്ഥിതി ദിന പ്രവർത്തനങ്ങൾ
![](/images/thumb/d/db/Planting_43065.jpg/300px-Planting_43065.jpg)
![](/images/thumb/4/41/Planting_spc_43065.jpg/300px-Planting_spc_43065.jpg)
2019-2020 അദ്ധ്യയന വർഷത്തെ പരിസ്ഥിതി ദിനത്തോടനുബന്ധിച്ച് ജൂൺ ആറാം തിയതി എസ് പി സി യുടെ നേതൃത്വത്തിൽ സ്കൂൾ പരിസരത്ത് മാവ്, പ്ലാവ്, പേര തുടങ്ങി 15 ഫല വൃക്ഷ തൈകൾ നട്ടുപിടിപ്പിച്ചു.
കടൽ ക്ഷോഭത്തിൽ സഹായവുമായി ....
![](/images/thumb/8/83/%E0%B4%B8%E0%B4%B9%E0%B4%BE%E0%B4%AF%E0%B4%82.jpg/300px-%E0%B4%B8%E0%B4%B9%E0%B4%BE%E0%B4%AF%E0%B4%82.jpg)
![](/images/thumb/3/37/%E0%B4%B8%E0%B4%B9%E0%B4%BE%E0%B4%AF%E0%B4%82%E0%B4%8343065.jpg/300px-%E0%B4%B8%E0%B4%B9%E0%B4%BE%E0%B4%AF%E0%B4%82%E0%B4%8343065.jpg)
ജൂൺ 18 -ാം തിയതി വലിയതുറ കടൽക്ഷോഭത്തിൽ വീടുകൾ തകർന്ന് ദുരിതാശ്വാസക്യാമ്പിൽ കഴിഞ്ഞവർക്ക് സഹായമായി അവശ്യസാധനങ്ങൾ എത്തിച്ചുകൊടുത്തു. അധ്യാപകരും കുട്ടികളും ചേർന്നു വസ്ത്രം, ബെഡ്ഷീറ്റ്, അരി, തേങ്ങ, പയറുവർഗങ്ങൾ, കറിമസാല, ടോയ്ലറ്റ് വസ്തുക്കൾ എന്നിവ ശേഖരിച്ചു നൽകി.
ഇക്കോ ക്ലബ്ബ് പ്രവർത്തനങ്ങൾ മുന്നോട്ട്
![](/images/thumb/6/63/Echo_43065.jpg/300px-Echo_43065.jpg)
![](/images/thumb/7/7f/Echo1_43065.jpg/300px-Echo1_43065.jpg)
പരിസ്ഥിതി സൗഹാർദ്ദമായി പ്രകൃതിയുമായി ഇണങ്ങിച്ചേർന്നു കൊണ്ട് ജീവിതം നയിക്കുന്നതിന് പുത്തൻ തലമുറയായ ഇന്നത്തെ വിദ്യാർത്ഥികളെ പ്രാപ്തരാക്കുക എന്ന ലക്ഷ്യത്തോടെയാണ് സെന്റ്. ഫിലോമിനാസ് സ്കൂളിൽ ഇക്കോ ക്ലബ്ബ് പ്രവർത്തിക്കുന്നത്. 'മധുര വനം ' സ്കൂളിൽ നട്ടുപിടിപ്പിച്ചും കണ്ണിന് ആനന്ദകരമായ പൂന്തോട്ടം നിർമ്മിച്ചും പരിപാലിച്ചും ഒരു പ്ലാസ്റ്റിക് വിമുക്ത വിദ്യാലയം പുന:സൃഷ്ടിക്കാൻ ഇക്കോ ക്ലബ്ബിലെ ഓരോ അംഗങ്ങളും പ്രവർത്തിക്കുന്നു. പാരിസ്ഥിതിക പ്രശ്നങ്ങൾ അധ്യാപകരും , മാതാപിതാക്കളും കുട്ടികളും സെമിനാറുകളിലൂടെയും ചർച്ചകളിലൂടെയും വിശകലനം ചെയ്ത് പരിഹാരമാർഗങ്ങൾ കണ്ടു പിടിച്ചും ബോധവൽക്കരിച്ചു കൊണ്ടും സജീവമായി മുന്നോട്ട് പോകുന്നു .
വായനാവാരം ഉദ്ഘാടനം
![](/images/thumb/f/f7/Vayana_dinam_43065.jpg/300px-Vayana_dinam_43065.jpg)
![](/images/thumb/c/c3/Reading_43065.jpg/300px-Reading_43065.jpg)
2019-2020 അധ്യയന വർഷത്തെ വായനാവരാചാരണത്തിന്റെ ഉദ്ഘാടനം ജൂൺ 19, വായനാദിനത്തിൽ ഹെഡ്മിസ്ട്രസ് നിർവഹിച്ചു. വിവിധ കലാപരിപാടികളോടെ നടന്ന സമ്മേളനത്തിൽ സ്കൂൾ ലൈബ്രേറിയൻ പുസ്തകവന്ദനം ചെയ്തു. ഈ സ്കൂളിലെ അധ്യാപിക ശ്രീമതി മേരി ഷൈനി വായനാദിന സന്ദേശം നൽകി.
യോഗദിനം
![](/images/thumb/1/19/Yoga1_43065.jpg/300px-Yoga1_43065.jpg)
![](/images/thumb/e/eb/Yoga2_43065.jpg/300px-Yoga2_43065.jpg)
ജൂൺ ഇരുപത്തിയൊന്നാം തിയതി ഫിസിക്കൽ എഡ്യൂക്കേഷൻ അദ്ധ്യാപിക ശ്രീമതി മെറീനയുടെ നേതൃത്വത്തിൽ യോഗദിനം ആചരിച്ചു. രാവിലെ 8.30 ന് എസ് പി സി കാഡറ്റുകൾ യോഗ പരിശീലനം നടത്തി. യോഗയുടെ പ്രാധാന്യത്തെക്കുറിച്ചും മാറുന്ന കാലഘട്ടത്തിൽ യോഗയുടെ ആവശ്യകതയെപ്പറ്റിയും ടീച്ചർ വിശദമാക്കി.
പുസ്തകപ്രദർശനം
![](/images/thumb/d/d3/Book_exhibition1_43065.jpg/300px-Book_exhibition1_43065.jpg)
![](/images/thumb/d/d5/Book_exhibition2_43065.jpg/300px-Book_exhibition2_43065.jpg)
വായനാവാരത്തിൽ ജൂൺ 24 നു സംഘടിപ്പിക്കപ്പെട്ടു. വിൽസി ടീച്ചർ പ്രദർശനം ഉദ്ഘാടന് ചെയ്തു. പുസ്തക പ്രദർശനം വളരെ ശ്രദ്ധയാകർഷിക്കുന്നത് ആയിരുന്നു. സ്കൂൾ ലൈബ്രറിയിലെ പുസ്തകങ്ങൾ അടുത്തു പരിചയപ്പെടാൻ എല്ലാ കുട്ടികൾക്കും അവസരം ലഭിക്കുകയുണ്ടായി.
വായനാമണിക്കൂർ
![](/images/thumb/7/75/Vayana_manikkoor1_43065.jpg/300px-Vayana_manikkoor1_43065.jpg)
![](/images/thumb/8/84/Vayana_manikkoor_43065.jpg/300px-Vayana_manikkoor_43065.jpg)
ജൂൺ 26 നു മുൻ വർഷത്തിൽ നിന്നു വ്യത്യസ്തമായി വായനാമണിക്കൂറിൽ രക്ഷകർത്താക്കളെ കൂടി ഉൾപ്പെടുത്താൻ സാധിച്ചു. മാതാപിതാക്കൾ വായിക്കാനായി കൊണ്ടുവന്ന പുസ്തകങ്ങൾ ക്ലാസ്സ് ലൈബ്രറിയിലേക്കു സംഭാവന ചെയ്യുകയായിരുന്നു.
ലഹരി വിരുദ്ധ ദിനം
![](/images/thumb/b/b3/Lahari_virudhadinam1_43065.jpg/300px-Lahari_virudhadinam1_43065.jpg)
![](/images/thumb/2/20/Lahari_virudha_dinam2_43065.jpg/300px-Lahari_virudha_dinam2_43065.jpg)
ലഹരി വിരുദ്ധ ദിനത്തോട് അനുബന്ധിച്ച് ജൂൺ 26 -ാം തിയതി വൈകുന്നേരം എസ് പി സി അംഗങ്ങൾ അഞ്ചു മണിയോടെ സ്കൂളിൽ നിന്ന് ആരംഭിച്ച് പൂന്തുറ ചേരിയാമുട്ടം വരെ റാലി നടത്തുകയും റാലിയുടെ അവസാനം ഒരു ലഹരി വിരുദ്ധ കവിതയും ലഹരിവിരുദ്ധ പ്രസംഗവും നടത്തുകയും ചെയ്തു . ജനമൈത്രി പോലീസ് സ്റ്റേഷനിലെ എസ് ഐ ശ്രീ മിഥുൻ ലഹരിവിരുദ്ധ സന്ദേശം നൽകി.
ട്രാഫിക് ബോധവൽക്കരണം
![](/images/thumb/a/ad/Traffic_awairness_43065.jpg/300px-Traffic_awairness_43065.jpg)
2019 ജൂൺ മാസം 28-ാം തിയതി എസ് പി സി അംഗങ്ങൾക്കും ട്രാഫിക് ക്ലബ് അംഗങ്ങൾക്കും സ്കൂളിൽ വച്ച് ഒരു ട്രാഫിക് ബോധവൽക്കരണ ക്ലാസ് നല്കുകയുണ്ടായി. ക്ലാസ്സ് കൈകാര്യം ചെയ്തത് ട്രാഫിക് കൺട്രോൾ റൂമിലെ ശ്രീ പ്രമോദ് ആയിരുന്നു. എസ് പി സ് കാഡറ്റുകൾക്ക് ഹെൽമറ്റും ജാക്കറ്റും ട്രാഫിക് എസ് ഐ ശ്രീ പ്രദീപ് കുമാർ വിതരണം ചെയ്തു.
സെല്ഫ് ഡിഫൻസ് ട്രെയിനിങ്
![](/images/thumb/0/0d/Self_de_43065.jpg/300px-Self_de_43065.jpg)
പെൺകുട്ടികൾക്ക് സുരക്ഷ ഉറപ്പാക്കുന്നതിനായി ഒൻപതാം ക്ളാസ്സിലെ 60 കുട്ടികൾക്ക് 10 ദിവസത്തെ സെല്ഫ് ഡിഫൻസ് ട്രെയിനിങ് നൽകി. ജൂലൈ ഒൻപതാം തിയതി ആരംഭിച്ച ക്ളാസ്സുകൾ ജിമ്മി സാറാണ് കൈകാര്യം ചെയ്തത്. പെട്ടെന്നുണ്ടാകുന്ന അക്രമങ്ങളിൽ നിന്ന് രക്ഷനേടുന്നതിനു സഹായിക്കുന്ന ക്ലാസ്സ് ആയിരുന്നു. അത് കാലഘട്ടത്തിന്റെ ആവശ്യവുമാണ്. പങ്കെടുത്ത എല്ലാകുട്ടികൾക്കും സർട്ടിഫിക്കറ്റ് നൽകി
പി ടി എ യോഗങ്ങൾ
2019-2020 അധ്യയന വർഷത്തെ പി ടി എ തെരഞ്ഞടുപ്പ് ജൂലൈ മാസം 19 തിയതി നടന്നു. കഴിഞ്ഞ വർഷത്തെ പോലെ ക്ളാസുകളിൽ നിന്നു പി ടി എ, എം പി ടി എ അംഗങ്ങളെ തെരഞ്ഞടുക്കുകയും തുടർന്ന് ഓരോ സ്റ്റാൻഡേർഡ് ഇൽ നിന്നും പി ടി എ, എം പി ടി എ എക്സിക്യൂട്ടാവ് അംഗങ്ങളെ തെരഞ്ഞടുക്കുകയും ചെയിതു. 14-8-2019 പി ടി എ ജനറൽ ബോഡി യോഗം കൂടുകയുണ്ടായി. തുടർന്നു 2018-2019ലെ പ്രവർത്തന റിപ്പോർട്ട് വായിച്ചു. അംഗകളുടെ പ്രവർത്തനത്തിനും സഹകരണത്തിനും ഹെഡ് മിസ്ട്രസ്. സിസ്റ്റർ ജിജി നന്ദി അർപ്പിച്ചു. 2018-19 ലെ പി ടി എ എക്സിക്യൂട്ടീവ് അംഗങ്ങളെ പിരിച്ചു വിട്ടു കൊണ്ടു പുതിയ അംഗങ്ങളുടെ ആദ്യ മീറ്റിംഗ് സ്കൂൾ ഓഡിറ്റോറിയത്തിൽ വച്ച് കൂടി. പി ടി എ പ്രസിഡന്റ് ആയി ശ്രീ യൂസഫിനെ തെരഞ്ഞെടുത്തു. സ്കൂളിന്റെയും കുട്ടികളുടെയും ഉന്നമനത്തിനു വേണ്ടി എല്ലാവരും പ്രവർത്തിക്കണമെന്നും ഹെഡ്മിസ്റ്റർ പറഞ്ഞു.തങ്ങൾക്ക് കഴിയുന്ന രീതിയിൽ എല്ലാ കാര്യങ്ങൾക്കും സഹകരിക്കുമെന്നു പി ടി എ അംഗങ്ങൾ അറിയിച്ചു.
ഫ്രണ്ട്സ് അറ്റ് ഹോം
![](/images/thumb/4/49/Friends_spc_43065.jpg/300px-Friends_spc_43065.jpg)
ഫ്രണ്ട്സ് അറ്റ് ഹോം എന്ന എസ് പി സി മിനി പ്രോജക്ടിന്റെ ഭാഗമായി ജൂലൈ 20-ാം തിയതി വലിയതുറ യിലെ ദിവ്യയുടെ ഭവനം സന്ദർശിക്കുകയും മധുര പലഹാരങ്ങൾ നല്കുകയും ചെയ്തു
സ്കൂൾ പാർലമെന്റ് പ്രവർത്തങ്ങൾ 2019-2020
![](/images/thumb/0/00/Scl_parl1_43065.jpg/300px-Scl_parl1_43065.jpg)
![](/images/thumb/e/ec/Scl_parl_43065.jpg/300px-Scl_parl_43065.jpg)
2019 -2020 അധ്യയന വർഷത്തിലെ സ്കൂൾ പാർലമെന്റ് പ്രവർത്തങ്ങൾ ജൂലൈ മാസം ആരംഭിച്ചു. ജൂലൈ 22 നു മത്സരാർത്ഥികൾ നോമിനേഷൻ സമർപ്പിച്ചു. 23, 24,, തീയതികളിൽ പ്രചാരണത്തിനു അവസരം നൽകി. 25നു ഉച്ച കഴിഞ്ഞ് ഇലക്ഷൻ നടത്തപ്പെട്ടു. 26 നു ബഹുമാന്യയായ ഹെഡ്മിസ്ട്രസ് സിസ്റ്റർ ജിജി അലക്സാണ്ടർ വിജയികളെ പ്രഖ്യാപി ച്ചു. പാർലമെന്റ് സത്യപ്രതിജ്ഞ ചടങ്ങ് ഓഗസ്റ്റ് 7 നു നടത്തപ്പെട്ടു. ഹൗസ് ക്യാപ്റ്റൻമാരും ഇതേ വേദിയിൽ വെച്ചു സ്ഥാനം ഏറ്റെടുത്തു. സ്ഥാനം ഏറ്റെടുത്ത പാർലമെന്റ് അംഗങ്ങൾക്ക് വിശിഷ്ടാതിഥി ആയ മദർ മാനേജർ ആശംസ അറിയിച്ചു. അന്നേ ദിവസം തന്നെ ഉച്ച കഴിഞ്ഞ് സ്പീക്കറിന്റെ അധ്യക്ഷതയിൽ ഹെഡ് മിസ്ട്രസ് സിസ്റ്റർ ജിജിയുടെ സാന്നിധ്യത്തിൽ പാർലമെന്റിന്റെ ആദ്യ യോഗം ചേർന്നു. സ്കൂളിന്റെ സുഗമമായ നടത്തിപ്പിനും അച്ചടക്കത്തിനും പാർലമെന്റ് അംഗങ്ങൾ നിർവഹിക്കേണ്ട ഉത്തരവാദിത്ത ങ്ങൾ എന്തൊക്കെയെന്നു ചർച്ച ചെയ്തു. മുന്നോട്ടുളള പ്രവർത്തനങ്ങൾ ഏറ്റവും കാര്യക്ഷമമായി നിർവഹിക്കുമെന്ന ഉറച്ച തീരുമാനത്തോടെ യോഗം അവസാനിച്ചു.
വീൽ ചെയർ നൽകി
![](/images/thumb/8/87/%E0%B4%B5%E0%B5%80%E0%B5%BD_%E0%B4%9A%E0%B5%86%E0%B4%AF%E0%B5%BC.jpg/300px-%E0%B4%B5%E0%B5%80%E0%B5%BD_%E0%B4%9A%E0%B5%86%E0%B4%AF%E0%B5%BC.jpg)
![](/images/thumb/f/f1/%E0%B4%B5%E0%B5%80%E0%B5%BD_%E0%B4%9A%E0%B5%86%E0%B4%AF%E0%B5%BC%E0%B4%8343065.jpg/300px-%E0%B4%B5%E0%B5%80%E0%B5%BD_%E0%B4%9A%E0%B5%86%E0%B4%AF%E0%B5%BC%E0%B4%8343065.jpg)
2019 ജൂലൈ മാസത്തിൽ നടക്കാൻ പരസഹായം ആവശ്യമായ ഒരു വൃദ്ധയ്ക്ക് വീൽ ചെയർ നൽകികൊണ്ട് ആ അമ്മയുടെ ചിരകാല അഭിലാഷം നന്മ ക്ലബ്ബ് സഫലമാക്കി. വീൽ ചെയറിൽ ഇരുത്തിയപ്പോൾ ആ അമ്മയ്ക്കുണ്ടായ സന്തോഷം അവർണ്ണനീയമായിരുന്നു
ശുഭയാത്ര
![](/images/thumb/b/b0/Shubhayathra1_43065.jpg/300px-Shubhayathra1_43065.jpg)
![](/images/thumb/f/f1/Shubhayathra_43065.jpg/300px-Shubhayathra_43065.jpg)
ശുഭയാത്ര - മിനി പ്രോജക്ടിന്റെ ഭാഗമായി എസ് പി സി കാഡറ്റുകൾ നാഷണൽ ഹൈവേയിൽ ട്രാഫിക് ബോധവൽക്കരണം നടത്തി. ഹെൽമറ്റ് , സീറ്റ് ബൽറ്റ് എന്നിവ ധരിക്കാത്ത വ്യക്തികൾക്ക് നോട്ടീസ് വിതരണം ചെയ്ത് ഒപ്പ് ശേഖരിച്ചു. പ്രസ്തുത പരിപാടി പൂന്തുറ എസ് ഐ ശ്രീ മിഥുൻ ഉദ്ഘാടനം ചെയ്തു.
മനോരമ വായനക്കളരി
![](/images/thumb/3/34/Vayanakkalari_43065.jpg/300px-Vayanakkalari_43065.jpg)
മലയാള മനോരമയും സെന്റ് മാത്യൂസ് ഓവർസീസ് എഡ്യൂക്കേഷനും സംയുക്തമായി സംഘടിപ്പിച്ച വായനക്കളരി സെന്റ് മാത്യൂസ് ഓവർസീസ് എഡ്യൂക്കേഷൻ ഡയറക്ടർ ജോർജ് സെബാസ്റ്റ്യൻ വിദ്യാർഥി പ്രതിനിധിയ്ക്കു പത്രം നൽകി ഉദ്ഘാടനം ചെയ്തു
ഹിരോഷിമ ദിനം
ആഗസ്റ്റ് 6 ഹിരോഷിമ ദിനത്തോടനുബന്ധിച്ച് സ്കൂൾ തലത്തിൽ വിപുലമായ പ്രവർത്തനങ്ങൾ നടത്തുകയുണ്ടായി. അന്നേ ദിനം സ്കൂൾ അസംബ്ളിയോടനുബന്ധിച്ച് 9 A യിലെ ഫാത്തിമ ഫർസാന, 7 D യിലെ കാവ്യ. RS എന്നിവർ പ്രഭാഷണം നടത്തി. UP വിഭാഗം കുട്ടികൾ ഹിരോഷിമ ദിനം യുദ്ധ വിരുദ്ധ മനോഭാവം വളർത്തേണ്ടതിൻ്റെ ആവശ്യകത എന്നിവയുമായി ബന്ധപ്പെട്ട പ്ലക്കാർഡുകൾ നിർമ്മിച്ച് സ്കൂൾ മൈതാനത്തിൽ പ്രദർശിപ്പിക്കുകയുണ്ടായി. 7 E യിലെ ഹർഷാ തമ്പി സഡാക്കോ സസാക്കിയെ കുട്ടിക്കൾക്ക് പരിചയപ്പെടുത്തി. സഡാക്കോ കൊക്കുകളുടെ പ്രദർശനം ബഹു. ഹെഡ്മിസ്ട്രസ് സിസ്റ്റർ ജിജി അലക്സാണ്ടറിൻ്റെ നേതൃത്വത്തിൽ സ്കൂൾ അസംബ്ലിയോടനുബന്ധിച്ച് നടത്തുകയുണ്ടായി. തുടർന്ന് ബഹു. ഹെഡ്മിസ്ട്രസ് ജിജി അലക്സാണ്ടറിൻ്റെ നേതൃത്വത്തിൽ കുട്ടികൾ യുദ്ധ വിരുദ്ധ പ്രതിജ്ഞ എടുത്തു. ഇനി ഒരു യുദ്ധം വേണ്ട എന്ന് ആഹ്വാനം ചെയ്തു കൊണ്ട് സമാധാനത്തിൻ്റെ പ്രതീകമായി വെള്ള നിറത്തിലുള്ള ബലൂണുകൾ ആകാശത്തിലേക്ക് പറത്തുകയും അന്നേ ദിവസത്തെ പ്രവർത്തനങ്ങൾ പര്യവസാനിക്കുകയും ചെയ്തു..
ലഹരി വേണ്ട- കൂട്ടയോട്ടവും ഒപ്പുശേഖരണവും
![](/images/thumb/b/ba/Sign_43065.jpg/300px-Sign_43065.jpg)
![](/images/thumb/5/5c/Sign1_43065.jpg/300px-Sign1_43065.jpg)
![](/images/thumb/3/3d/%E0%B4%95%E0%B5%82%E0%B4%9F%E0%B5%8D%E0%B4%9F%E0%B4%AF%E0%B5%8B%E0%B4%9F%E0%B5%8D%E0%B4%9F%E0%B4%82_43065.jpg/300px-%E0%B4%95%E0%B5%82%E0%B4%9F%E0%B5%8D%E0%B4%9F%E0%B4%AF%E0%B5%8B%E0%B4%9F%E0%B5%8D%E0%B4%9F%E0%B4%82_43065.jpg)
ലഹരി വിരുദ്ധ ഒപ്പ് ശേഖരണം 7/8/19 ന് സിസ്റ്റർ ആൻസി ഉത്ഘാടനം നിർവ്വഹിച്ചു. തുടർന്ന് പൂന്തുറ എസ് ഐ ശ്രീ മിഥുൻ ,ഹെഡ്മിസ്ട്രസ് സിസ്റ്റർ ജിജി അലക്സാണ്ടർ ,സിസ്റ്റർ മിനി ജേക്കബ് എന്നിവരും മാതാപിതാക്കളും നാട്ടുകാരും രാഷ്ട്രീയ നേതാക്കളും ഒപ്പിട്ട് പിന്തുണ അറിയിച്ചു. 8/8/19 വ്യാഴാഴ്ച ലഹരി വിരുദ്ധ സന്ദേശ കൂട്ടയോട്ടം സംഘടിപ്പിച്ചു. സ്കൂൾ പരിസരം മുതൽ പൂന്തുറ ആലുകാട് വഴി സ്കൂളിൽ തിരിച്ചെത്തി . കൂട്ടയോട്ടം പൂന്തുറ എസ് ഐ ശ്രീ മിഥുൻ പതാക വീശി ഉത്ഘാടനം ചെയ്തു.
എസ് പി സിയുടെ പത്താം വാർഷികം
![](/images/thumb/2/2b/Spc_day_43065.jpg/300px-Spc_day_43065.jpg)
![](/images/thumb/b/be/Cleaning_spc1_43065.jpg/300px-Cleaning_spc1_43065.jpg)
എസ് പി സി യുടെ പത്താം വാർഷികത്തോടനുബന്ധിച്ച് ആഗസ്റ്റ് രണ്ടാം തിയതി ബഹുമാനപ്പെട്ട ഹെഡ്മിസ്ട്രസ് രാവിലെ 8.30 നു പതാക ഉയർത്തി തുടർന്ന് മധുരം വിതരണം ചെയ്തു. വാർഷികത്തോടനുബന്ധിച്ച് ചിത്രരചന ,ഉപന്യാസം ,പ്രസംഗ മത്സരം എന്നിവ നടത്തുകയും സമ്മാനം വിതരണം ചെയ്യുകയും ചെയ്തു. എസ് പി സി ദിനവുമായി ബന്ധപ്പെട്ട് 5/8/19 ൽ ശുചീകരണ പ്രവർത്തനങ്ങൾ നടത്തുകയുണ്ടായി. പൂന്തുറ പോലീസ് സ്റ്റേഷൻ പരിസരവും സ്കൂൾ മതിലിന് മുൻവശവും ബസ് വെയ്റ്റിംഗ് ഷെഡ് എന്നിവയും വൃത്തിയാക്കി എസ് പി സി കാഡറ്റുകൾ സമൂഹത്തിന് മാതൃകയായി.
സ്കൂൾ കലോത്സവം
![](/images/thumb/e/e9/Vayana_dinam1_43065.jpg/300px-Vayana_dinam1_43065.jpg)
![](/images/thumb/1/14/Folk1_43065.jpg/300px-Folk1_43065.jpg)
2018-19 അധ്യയന വർഷത്തിലെ സ്കൂൾ കലോത്സവം ആഗസ്റ്റ് 8,9 തിയതികളിൽ നടന്നു. മൂന്ന് വേദികളിലായി മത്സരങ്ങൾ നടന്നു. വ്യക്തിഗത ഇനങ്ങളായ ലളിതഗാനം, മാപ്പിളപ്പാട്ട്, പദ്യപാരായണം തുടങ്ങിയവ നിലവാരം പുലർത്തി. കുട്ടികളെ മഞ്ഞ,നീല,ചുവപ്പ്, പച്ച ഗ്രൂപ്പുകളായി തിരിച്ചാണ് മത്സരങ്ങൾ നടത്തിയത്. അവരവരുടെ ഗ്രൂപ്പിനെ മുന്നിലെത്തിക്കുക എന്ന ലക്ഷ്യ ത്തോടെ ഓരോ ഹൗസ് ക്യാപ്റ്റൻമാരും ഗ്രൂപ്പിനങ്ങൾ മികച്ചതാക്കാനും ശ്രമിച്ചു
ആലംബഹീനരായ വൃദ്ധർക്ക് ആദരവ്...
![](/images/thumb/f/f9/Old_age1_43065.jpg/300px-Old_age1_43065.jpg)
![](/images/thumb/a/a2/Old_age_43065.jpg/300px-Old_age_43065.jpg)
നന്മ ക്ലബ്ബും, കെ.സി.എസ്. എൽ ഉം സംയുക്തമായി ആഗസ്റ്റ് പത്താം തിയതി സംഘടിപ്പിച്ച ചടങ്ങിൽ ആലംബഹീനരായ നാൽപ്പതോളം വൃദ്ധർക്ക് ഭക്ഷണവും,ബെഡ്ഷീറ്റും,പലഹാരപ്പൊതികളും നൽകി ആദരിച്ചു. അവരെ സന്തോഷിപ്പിക്കുന്നതിനായി കുട്ടികളുടെ വിവിധ കലാപരിപാടികളും നടത്തുകയുണ്ടായി...
പ്രളയ മുഖത്ത് സഹായവുമായി വീണ്ടും സെന്റ് ഫിലോമിനാസ്
![](/images/thumb/3/3d/Pralayam1_43065.jpg/300px-Pralayam1_43065.jpg)
![](/images/thumb/5/5b/Pralayam_43065.jpg/300px-Pralayam_43065.jpg)
കേരളം നേരിട്ട രണ്ടാം പ്രളയത്തിൽ ദുരിതബാധിതരെ സഹായിക്കുന്നതിനായി കുട്ടികളും അദ്ധ്യാപകരും ചേർന്നു ആഗസ്റ്റ് 13, 14 ദിവസങ്ങളിഷ അവശ്യവസ്തുക്കൾ സമാഹരിക്കുകയും പതിനാറാം തിയതി കണ്ണൂരിലെ പ്രളയബാധിത പ്രദേശങ്ങൾ നേരിട്ട് മനസിലാക്കുകയും സ്കൂളിൽ സമാഹരിച്ച അവശ്യ വസ്തുക്കൾ എത്തിച്ചുകൊടുക്കുകയും ചെയ്തു
സ്വാതന്ത്ര്യ ദിനം 2019-2020
![](/images/thumb/0/00/Ind_43065.jpg/300px-Ind_43065.jpg)
![](/images/thumb/b/b4/Ind1_43065.jpg/300px-Ind1_43065.jpg)
എഴുപത്തിമൂന്നാമതു സ്വാതന്ത്ര്യ ദിനാഘോഷത്തിന്റെ മുന്നോടിയായി സ്കൂളിലെ എല്ലാ കുട്ടികളും സ്കൂളും പരിസരവും ശുചിയാക്കി. സ്വാതന്ത്ര്യ ദിന ക്വിസ്സും ദേശഭക്തിഗാനമത്സരവും നടത്തി. പ്രതികൂലമായ കാലാവസ്ഥയെപ്പോലും കണക്കാക്കാതെ സ്കൂളിലെത്തിയ അധ്യാപകരുടെയും വിദ്യാർഥിനികളുടെയും സാനിധ്യത്തിൽ ബഹുമാനപ്പെട്ട ഹെഡ്മിസ്ട്രസ് സിസ്റ്റർ ജിജി അലക്സാണ്ടർ സ്വാതന്ത്ര്യ ദിനത്തിലെ പതാക ഉയർത്തൽ കർമം നിർവഹിച്ചു. പി ടി എ പ്രസിഡന്റ് ഗിരീഷ് കുമാർ, മദർ മാനേജർ സിസ്റ്റർ ആലീസ് തുടങ്ങിയവർ സ്വാതന്ത്ര്യ ദിനാശംസകൾ അർപ്പിച്ചു.തുടർന്ന് ദേശീയ ഗാനം ആലപിച്ചു, എസ് പി സി കാഡറ്റുകൾ സല്യൂട്ട് നൽകി. ഏവർക്കും മധുരം നൽകി സ്വാതന്ത്ര ദിന പരിപാടികൾ സമാപിച്ചു.
2018 - 2019 വർഷത്തെ പ്രവർത്തനങ്ങൾ
പ്രവേശനോത്സവം
![](/images/thumb/d/df/Praveshanotsavam.png/300px-Praveshanotsavam.png)
![](/images/thumb/8/82/Praveshanotsavam1.png/300px-Praveshanotsavam1.png)
2018 -2019 അധ്യയന വർഷത്തെ പ്രവേശനോത്സവം ജൂൺ ഒന്നാംതീയതി രാവിലെ പ്രാർത്ഥനയോടെ ആരംഭിച്ചു. പുത്തൻ ഉടുപ്പുകളും പുതിയ പ്രതീക്ഷകളുമായി 186 കുട്ടികൾ ഒന്നാം ക്ളാസ്സിലും മറ്റുക്ലാസ്സുകളിലായി ഏകദേശം 95 കുട്ടികളും ഈ വർഷം പ്രവേശനം നേടി. സ്കൂൾ അങ്കണം തോരണങ്ങൾ കൊണ്ട് അലങ്കരിച്ചിരുന്നു. നവാഗതരെ പൂക്കൾ നൽകി സ്വീകരിച്ചു. ബഹുമാനപ്പെട്ട ഹെഡ്മിസ്ട്രസ് സിസ്റ്റർ ജിജി അലക്സാണ്ടറിന്റെ അധ്യക്ഷതയിൽ നടന്ന ചടങ്ങിൽ ബഹുമാനപ്പെട്ട മദർ മാനേജർ സിസ്റ്റർ ലീല മാപ്പിളശേരി, വാർഡ് കൗൺസിലർ പ്രിയ ബിജു എന്നിവർ വേദിയിൽ സന്നിഹിതരായിരുന്നു. കുട്ടികൾക്ക് പഠനോപകരണങ്ങൾ വിതരണം ചെയ്തു. സ്കൂൾ ഗായക സംഘം പ്രവേശനോത്സവ ഗാനം ആലപിച്ചു. എസ് പി സി യിലെ കുട്ടികൾ ഒന്നാം ക്ളാസ്സിലേക്കു വന്നവരെ ആനയിച്ചു ക്ളാസ്സുകളിലേക്കു കൊണ്ടുപോയി. നവാഗതർക്ക് മധുരം നൽകി.
പരിസ്ഥിതി ദിനം
ജൂൺ അഞ്ചിന് സ്കൂളിലെ എക്കോ ക്ലബ് അംഗങ്ങളുടെ നേതൃത്വത്തിൽ പരിസ്ഥിതി ദിനം ആചരിച്ചു. പത്താം ക്ലാസ്സിലെ കുട്ടികൾ പരിസ്ഥിതി ദിന ക്വിസ് സംഘടിപ്പിച്ചു . കുട്ടികൾക്ക് വൃക്ഷത്തൈകൾ വിതരണം ചെയ്തു. എസ് പി സി കുട്ടികളുടെയും എക്കോ ക്ലബ്ബിന്റെയും സംയുക്ത ആഭിമുഖ്യത്തിൽ സ്കൂൾ വളപ്പിൽ വൃക്ഷത്തൈകൾ നട്ടു. പരിസ്ഥിതി സംരക്ഷിക്കേണ്ടത് ഓരോരുത്തരുടെയും ധർമ്മമാണെന്നും പ്ലാസ്റ്റിക്കിന്റെ ഉപയോഗം പരമാവധി ഒഴിവാക്കണമെന്നും ഹെഡ്മിസ്ട്രസ് ആവശ്യപ്പെട്ടു. തുടർന്ന് ഏവരും പരിസ്ഥിതി സംരക്ഷണ പ്രതിജ്ഞയെടുത്തു.
സ്മാർട്ട് ക്ളാസ്സുകളുടെ ഉദ്ഘാടനം
പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി അനുവദിച്ചുകിട്ടിയ 12 ക്ലാസ് മുറികളുടെ ഉത്ഘാടനം ബഹുമാനപെട്ട ലോക്കൽ മാനേജർ സിസ്റ്റർ ലീല മാപ്പിളശ്ശേരി നിർവഹിച്ചു.എം പി ഫണ്ടിൽ നിന്നും ബഹുമാനപ്പെട്ട റിച്ചാർഡ് ഹേ എം പി അനുവദിച്ച തുക കൊണ്ട് രണ്ടു വിപുലമായ സ്മാർട്ട് ക്ലാസ് റൂമുകൾ തയാറാക്കി .ഈ സ്മാർട്ട് ക്ലാസ് റൂമുകളുടെ ഉദ്ഘാടനം ബഹുമാനപ്പെട്ട എം പി തന്നെ നിർവഹിക്കുകയുണ്ടായി
ലഹരിവിരുദ്ധ ദിനം
![](/images/thumb/5/58/Lahari%E0%B4%83.jpg/300px-Lahari%E0%B4%83.jpg)
ഈ വർഷത്തെ ലഹരിവിരുദ്ധ ദിനം 26/6/2018 SPC, Guides , Redcross , വിവിധ ക്ലബ്ബ്കൾ എന്നിവയുടെ നേതൃത്വത്തിൽ നടക്കുകയുണ്ടായി. സ്കൂൾ മുതൽ പൂന്തുറ ജംഗ്ഷൻ വരെ ഒരു ലഹരിവിരുദ്ധ റാലി സംഘടിപ്പിച്ചു. പൂന്തുറയിൽ ലഹരിവിരുദ്ധ സന്ദേശം നൽകുന്ന തെരുവ് നാടകം അവതരിപ്പിച്ചു. ബഹുമാനപ്പെട്ട പൂന്തുറ ഇടവക വികാരി ഫാദർ ബിബിൻസൺ റാലിയെ അഭിസംബോധന ചെയ്തു സംസാരിച്ചു.
.
വായനാമാസം
ശ്രീ. പി എൻ പണിക്കരുടെ ചരമ ദിനമായ ജൂൺ 19 വായനാദിനമായി ആചരിച്ചു. ഹെഡ്മിസ്ട്രസ് സിസ്റ്റർ ജിജി അലക്സാണ്ടർ പ്രസ്തുത സമ്മേളനം ഉദ്ഘാടനം ചെയ്തു. ഈ സ്കൂളിലെ അധ്യാപിക ശ്രീമതി വിൽസി പി ജോർജ് വായനാദിന സന്ദേശം നൽകി. തുടർന്ന് ഒരു മാസം വായനാമാസമായി ആഘോഷിച്ചു. വായനാമണിക്കൂർ , വ്യക്തിഗത മാഗസിൻ നിർമാണമത്സരം എന്നിവ നടത്തി. മികച്ച വായനക്കാരിയെ തെരഞ്ഞെടുത്തു. സ്കൂൾ ഗ്രൗണ്ടിൽ കുട്ടികൾ തങ്ങൾ നിർമിച്ച മാഗസീനുകളുമായി അണിനിരന്നത് ഏറെ ശ്രദ്ധേയമായി.
ക്ലബ്ബുകളുടെ ഉദ്ഘാടനം
കുട്ടികളുടെ വൈജ്ഞാനിക സഹ വൈജ്ഞാനിക മേഖലയ്ക്ക് ഏറ്റവും കൂട്ടാകുന്ന ഒന്നാണ് ക്ലബ്ബുകൾ. ഈ വർഷത്തെ ക്ലബ്ബുകളുടെ ഉദ്ഘാടന കർമ്മം 06 -07 -2018 വെള്ളിയാഴ്ച്ച 2 മണിക്ക് നടത്തപ്പെട്ടു. പ്രധാനാധ്യാപിക സിസ്റ്റർ ജിജിയും സീനിയർ അസിസ്റ്റന്റ് ടെസ്സ് ടീച്ചറും വേദിയിൽ സന്നിഹിതരായിരുന്നു. ബഹുമാനപ്പെട്ട ഹെഡ്മിസ്ട്രസ് നിലവിളക്കു കൊളുത്തി ഉദ്ഘാടനകർമ്മം നിർവഹിച്ചു. ഹെഡ്മിസ്ട്രസ്സും സീനിയർ അസ്സിസ്റ്റന്റും ക്ലബ് പ്രവർത്തനങ്ങൾക്ക് ആശംസയർപ്പിച്ചു. തുടർന്ന് വിവിധ ക്ലബ്ബുകൾ കലാപരിപാടികൾ അവതരിപ്പിച്ചു.
ബോധവൽക്കരണ ക്ലാസ്
പഠന മികവിനും വ്യക്തിവികാസത്തിനും ഉതകുന്ന ഒരു പഠനക്ലാസ് പത്താം ക്ലാസ്സിലെ കുട്ടികൾക്കായി ശ്രീ ബേബി പ്രഭാകറും ശ്രീ തോമസ് വിൽസനും നൽകി. അധ്യാപകർക്കായി ഫാദർ വിജി കോയിൽപ്പള്ളിയും വേൾഡ് വിഷന്റെ നേതൃത്വത്തിൽ "ഗുഡ് ടച്ച് ആൻഡ് ബാഡ് ടച്ച് " , ഈ വിഷയത്തെ കുറിച്ച് കുട്ടികളിൽ അവബോധം ഉണ്ടാക്കാനായി ഒരു ബോധവൽക്കരണ ക്ളാസും നടത്തി
സ്വാതന്ത്ര്യ ദിനം
![](/images/thumb/1/1b/%E0%B4%B8%E0%B5%8D%E0%B4%B5%E0%B4%BE%E0%B4%A4%E0%B4%A8%E0%B5%8D%E0%B4%A4%E0%B5%8D%E0%B4%B0%E0%B5%8D%E0%B4%AF_%E0%B4%A6%E0%B4%BF%E0%B4%A8%E0%B4%82_43065.jpg/300px-%E0%B4%B8%E0%B5%8D%E0%B4%B5%E0%B4%BE%E0%B4%A4%E0%B4%A8%E0%B5%8D%E0%B4%A4%E0%B5%8D%E0%B4%B0%E0%B5%8D%E0%B4%AF_%E0%B4%A6%E0%B4%BF%E0%B4%A8%E0%B4%82_43065.jpg)
എഴുപത്തിരണ്ടാമതു സ്വാതന്ത്ര്യ ദിനാഘോഷത്തിന്റെ മുന്നോടിയായി സ്കൂളിലെ എല്ലാ കുട്ടികളും സ്കൂളും പരിസരവും ശുചിയാക്കി. ഇന്ത്യയുടെ സ്വാതന്ത്ര്യ ചരിത്രത്തെക്കുറിച്ചു അവബോധമുളവാക്കുന്ന ഒരു ലഘു ചലച്ചിത്രം സോഷ്യൽ സയൻസ് ക്ലബ്ബിന്റെ ആഭിമുഖ്യത്തിൽ സംഘടിപ്പിക്കുകയും അത് എല്ലാ കുട്ടികൾക്കും കാണാൻ അവസരമൊരുക്കുകയും ചെയ്തു, സ്വാതന്ത്ര്യ ദിന ക്വിസ്സും ദേശഭക്തിഗാനമത്സരവും നടത്തി. പ്രതികൂലമായ കാലാവസ്ഥയെപ്പോലും കണക്കാക്കാതെ സ്കൂളിലെത്തിയ അധ്യാപകരുടെയും വിദ്യാർഥിനികളുടെയും സാനിധ്യത്തിൽ ബഹുമാനപ്പെട്ട ഹെഡ്മിസ്ട്രസ് സിസ്റ്റർ ജിജി അലക്സാണ്ടർ സ്വാതന്ത്ര്യ ദിനത്തിലെ പതാക ഉയർത്തൽ കർമം നിർവഹിച്ചു. പി ടി എ പ്രസിഡന്റ് ഗിരീഷ് കുമാർ, മദർ മാനേജർ സിസ്റ്റർ ലീല മാപ്പിളശ്ശേരി തുടങ്ങിയവർ സ്വാതന്ത്ര്യ ദിനാശംസകൾ അർപ്പിച്ചു.തുടർന്ന് ദേശീയ ഗാനം ആലപിച്ചു.
.
.
.
.
.
പ്രത്യേക അംഗീകാരങ്ങൾ
- 2017 - 2018 അധ്യയന വർഷത്തിൽ ഹരിതവിദ്യാലയം റിയാലിറ്റി ഷോയിൽ പങ്കെടുക്കാൻ ഞങ്ങൾക്ക് സാധിച്ചു.
- 2017-2018 വർഷത്തെ മികച്ച പ്രവർത്തനങ്ങൾക്കുള്ള മാതൃഭൂമി നന്മ പുരസ്കാരം
- തീരദേശത്തെ മികച്ച സ്കൂളുകൾക്ക് ലഭിക്കുന്ന പാരഗൺ വത്സൻ മെമ്മോറിയൽ അവാർഡു2018
- 2017-2018 വർഷത്തെ മികച്ച പ്രവർത്തനങ്ങൾക്കുള്ള മാതൃഭൂമി നന്മ പുരസ്കാരം
- കഴിഞ്ഞ കൊല്ലം എസ് എസ് എൽ സി ക്ക് മികച്ച വിജയം നേടിയ സ്കൂളുകൾക്ക് കെ എസ് ടി എ നൽകുന്ന പുരസ്കാരം
പ്രളയ ബാധിതർക്ക് സഹായം
![](/images/thumb/e/e4/%E0%B4%AA%E0%B5%8D%E0%B4%B0%E0%B4%B3%E0%B4%AF%E0%B4%AE%E0%B5%86%E2%80%8B%E0%B4%B4%E0%B5%81%E0%B4%A4%E0%B5%8D%E0%B4%A4%E0%B4%BF%E0%B5%BD_%E0%B4%AA%E0%B4%99%E0%B5%8D%E0%B4%95%E0%B5%81%E0%B4%9A%E0%B5%87%E0%B4%B0%E0%B4%BE%E0%B4%A8%E0%B5%86%E0%B4%A4%E0%B5%8D%E0%B4%A4%E0%B4%BF%E0%B4%AF_%E0%B4%95%E0%B5%81%E0%B4%9F%E0%B5%8D%E0%B4%9F%E0%B4%BF%E0%B4%95%E0%B5%BE.jpg/300px-%E0%B4%AA%E0%B5%8D%E0%B4%B0%E0%B4%B3%E0%B4%AF%E0%B4%AE%E0%B5%86%E2%80%8B%E0%B4%B4%E0%B5%81%E0%B4%A4%E0%B5%8D%E0%B4%A4%E0%B4%BF%E0%B5%BD_%E0%B4%AA%E0%B4%99%E0%B5%8D%E0%B4%95%E0%B5%81%E0%B4%9A%E0%B5%87%E0%B4%B0%E0%B4%BE%E0%B4%A8%E0%B5%86%E0%B4%A4%E0%B5%8D%E0%B4%A4%E0%B4%BF%E0%B4%AF_%E0%B4%95%E0%B5%81%E0%B4%9F%E0%B5%8D%E0%B4%9F%E0%B4%BF%E0%B4%95%E0%B5%BE.jpg)
പ്രളയക്കെടുതിമൂലം കഷ്ടപ്പെടുന്ന കേരളത്തിലെ പ്രളയ ബാധിത പ്രദേശത്തിലെ സഹോദരങ്ങളെ സഹായിക്കാൻ പൂന്തുറ സെന്റ് ഫിലോമിനാസ് ജി എച്ച് എസ് കുടുംബം തീരുമാനിക്കുകയുണ്ടായി. അവധിയുടെ ആലസ്യം വെടിഞ്ഞു സ്നേഹത്തിന്റെ കൈത്താങ്ങാകുവാൻ അനേകായിരങ്ങളെപ്പോലെ ഞങ്ങൾക്കും കഴിഞ്ഞു. 17/08/2018, 18/08/2018, 20/08/2018 എന്നീ ദിവസങ്ങളിൽ സ്കൂളിൽ അവശ്യസാധനങ്ങൾ ശേഖരിക്കുന്നുണ്ടെന്നു് എല്ലാ കുട്ടികളെയും ഫോൺ മുഖാന്തരം അറിയിച്ചു. കുട്ടികളുടെ മനസിന്റെ വലിപ്പവും സ്നേഹവും കരുതലും അനുഭവിച്ചറിഞ്ഞ ദിവസങ്ങളായിരുന്നു അത്. വിവിധയിനം അരികൾ, പയർ, കറിമസാല, ശർക്കര, അവൽ, കുടിവെള്ളം, സാനിറ്ററി നാപ്കിനുകൾ, ബിസ്ക്കറ്റ്, കേക്ക്, ബ്രഡ്, പഴക്കുലകൾ, സോപ്പ് പൊടി, സോപ്പ്, ലോഷൻ, മെഴുകുതിരി, കൊതുകു തിരി, തീപ്പെട്ടി, മരുന്ന്, കോട്ടൺ റോളുകൾ, വിവിധതരം പുതുവസ്ത്രങ്ങൾ എന്നിവ എത്തിക്കുകയും ചെയ്തു. ആദ്യ ദിവസം ലഭിച്ചത് കെൽട്രോണിലെ കളക്ഷൻ സെന്ററിലും , തിരുവനന്തപുരം ലത്തീൻ അതിരൂപത അനിമേഷൻ സെന്ററിലെ ടി എസ് എസ് എസ് ഓഫീസിലും എത്തിച്ചു.
പിന്നീടുള്ള ദിവസങ്ങളിൽ ലഭിച്ച സാധനങ്ങൾ ഹെഡ്മിസ്ട്രസ്സിന്റെ നേതൃത്വത്തിലുള്ള സ്കൂൾ പ്രതിനിധികൾ ആലുവ പറവൂരിലുള്ള ദുരിതാശ്വാസ ക്യാമ്പിൽ നേരിട്ടെത്തിച്ചു. കൂടാതെ അൻപതിനായിരം രൂപയുടെ മരുന്ന് ആലപ്പുഴ ഡി എം ഓ യിൽ എത്തിച്ചു. 25/08/2018 തിരുവോണ ദിവസം നോട്ടു ബുക്ക് ശേഖരണത്തിനായി മാറ്റിവച്ചു. 1442 ബുക്കുകൾ അന്നേ ദിവസം ലഭിച്ചു. 26/08/2018 ഞായറാഴ്ച സെന്റ് ജോസഫ്സ് സ്കൂളിൽ നടന്ന പകർത്തെഴുത്ത് പദ്ധതിയിൽ നോട്ടുകൾ പകർത്തിയെഴുതാൻ ഈ സ്കൂളിലെ 81 കുട്ടികളും അധ്യാപകരും പങ്കു ചേർന്നു. 1218 നോട്ടു ബുക്കുകൾ ഇതിനായി വിനിയോഗിച്ചു. ആറന്മുളയിലെ ദുരിതാശ്വാസ ക്യാമ്പിൽ മിനി ഓട്ടോ നിറയെ വെള്ളം മാത്രമായി എത്തിച്ചു. തിരുവനന്തപുരത്തെ കളക്ഷൻ സെന്ററിലും വെള്ളം എത്തിച്ചു.
29/08/2018 - ഇൽ സ്കൂൾ ബാഗ് കളക്ഷൻ നടത്തുകയും കുട്ടികളും അധ്യാപകരും ചേർന്ന് 166 ബാഗുകൾ വാങ്ങി നൽകുകയും ചെയ്തു. പ്രളയത്തിൽ പഠന സാമഗ്രികൾ നഷ്ടപ്പെട്ട രണ്ടു സ്കൂളുകൾ, സെന്റ് സെബാസ്ററ്യൻ എൽ പി സ്കൂൾ കൂട്ടുകാട്, ഗോതുരുത്ത്, സാന്റാക്രൂസ് എൽ പി സ്കൂൾ കൂട്ടുകാട് എറണാകുളം എന്നീ വിദ്യാലയങ്ങൾക്ക് 114 , 52 എന്നീ ക്രമത്തിൽ ബാഗുകൾ , ഇതുവരെയുള്ള എഴുതിത്തയ്യാറാക്കിയ നോട്ട് ബുക്കുകൾ , പേന, പെന്സില്, സ്കെയിൽ, റബ്ബർ എന്നിവ എത്തിച്ചുകൊടുത്തു. സ്കൂൾ പ്രതിനിധികൾ ശുചീകരണ പ്രവർത്തനങ്ങളിലും പങ്കാളികളായി. എ ഇ ഓ ഓഫീസിൽ 180 നോട്ടുബുക്കുകൾ നൽകി. തുടർന്നുള്ള ദിവസങ്ങളിലും പ്രളയ ബാധിത പ്രദേശത്തു സ്കൂളിന്റെ പങ്കാളിത്തം ഉണ്ടായിരിക്കുന്നതാണ്.
![](/images/thumb/4/49/%E0%B4%AA%E0%B5%8D%E0%B4%B0%E0%B4%B3%E0%B4%AF_%E0%B4%A6%E0%B5%81%E0%B4%B0%E0%B4%BF%E0%B4%A4%E0%B4%A4%E0%B5%8D%E0%B4%A4%E0%B4%BF%E0%B5%BD_%E0%B4%95%E0%B5%88%E0%B4%A4%E0%B5%8D%E0%B4%A4%E0%B4%BE%E0%B4%99%E0%B5%8D%E0%B4%99%E0%B5%8D2_43065.jpg/300px-%E0%B4%AA%E0%B5%8D%E0%B4%B0%E0%B4%B3%E0%B4%AF_%E0%B4%A6%E0%B5%81%E0%B4%B0%E0%B4%BF%E0%B4%A4%E0%B4%A4%E0%B5%8D%E0%B4%A4%E0%B4%BF%E0%B5%BD_%E0%B4%95%E0%B5%88%E0%B4%A4%E0%B5%8D%E0%B4%A4%E0%B4%BE%E0%B4%99%E0%B5%8D%E0%B4%99%E0%B5%8D2_43065.jpg)
![](/images/thumb/5/59/%E0%B4%AA%E0%B5%8D%E0%B4%B0%E0%B4%B3%E0%B4%AF_%E0%B4%A6%E0%B5%81%E0%B4%B0%E0%B4%BF%E0%B4%A4%E0%B4%A4%E0%B5%8D%E0%B4%A4%E0%B4%BF%E0%B5%BD_%E0%B4%95%E0%B5%88%E0%B4%A4%E0%B5%8D%E0%B4%A4%E0%B4%BE%E0%B4%99%E0%B5%8D%E0%B4%99%E0%B5%8D1_43065.jpg/300px-%E0%B4%AA%E0%B5%8D%E0%B4%B0%E0%B4%B3%E0%B4%AF_%E0%B4%A6%E0%B5%81%E0%B4%B0%E0%B4%BF%E0%B4%A4%E0%B4%A4%E0%B5%8D%E0%B4%A4%E0%B4%BF%E0%B5%BD_%E0%B4%95%E0%B5%88%E0%B4%A4%E0%B5%8D%E0%B4%A4%E0%B4%BE%E0%B4%99%E0%B5%8D%E0%B4%99%E0%B5%8D1_43065.jpg)
പ്രളയ ബാധിതർക്ക് രക്ഷകരായ പൂന്തുറയിലെ മത്സ്യത്തൊഴിലാളികൾക്ക് ആദരവോടുകൂടി.........
![](/images/thumb/d/d4/%E0%B4%95%E0%B5%8D%E0%B4%B7%E0%B4%A3%E0%B4%95%E0%B5%8D%E0%B4%95%E0%B4%A4%E0%B5%8D%E0%B4%A4%E0%B5%8D.jpg/300px-%E0%B4%95%E0%B5%8D%E0%B4%B7%E0%B4%A3%E0%B4%95%E0%B5%8D%E0%B4%95%E0%B4%A4%E0%B5%8D%E0%B4%A4%E0%B5%8D.jpg)
ദൈവത്തിന്റെ സ്വന്തം നാടിനെ പ്രളയം വിഴുങ്ങിയ ദിനങ്ങൾ നമ്മുടെ ഓർമകളിൽ നിന്നും ഒരിക്കലും മായ്ക്കാനാകാത്ത ആ ദിനങ്ങളിൽ മനുഷ്യന്റെ കണ്ടുപിടിത്തങ്ങൾക്കോ, ശാസ്ത്ര സാങ്കേതിക വിദ്യകൾക്കോ ജീവൻ രക്ഷിക്കാൻ കഴിയില്ലെന്ന് തെളിയിച്ച ദിവസങ്ങൾ , ജീവന് വേണ്ടി നിലവിളിക്കുന്ന ആയിരങ്ങൾക്കിടയിലേക്കു സ്വന്തം ജീവനും ജീവിതവും വകവയ്ക്കാതെ, " ഓഖി " തകർത്തെറിഞ്ഞ ജീവിതാനുഭവങ്ങളിൽ നിന്നും വീറോടും വാശിയോടും ഉയിർത്തെഴുന്നേറ്റ പൂന്തുറയിലെ കടലിന്റെ മക്കളും കടന്നുചെന്നു. 25 വള്ളങ്ങളിലായി 105 പേർ, ദൈവത്തിന്റെ അരുമ ശിഷ്യന്മാർ , തീർച്ചയായും അവർ അർഹിക്കുന്ന ആദരവ് തന്നെയായിരുന്നു അത്. ചരിത്രത്തിലാദ്യമായി സെന്റ് ഫിലോമിനാസ് സ്കൂളിലെ അധ്യാപകരുടെ ബാൻഡ് മേളത്തിന്റെ അകമ്പടിയോടുകൂടി പ്രൗഢ ഗംഭീരമായ സ്വീകരണം നൽകി അവരെ സ്കൂൾ അങ്കണത്തിലേക്കു ആനയിച്ചു. പൂന്തുറ ഇടവക വികാരിയും കനോഷ്യൻ സഭയുടെ പ്രൊവിൻഷ്യലും മദർ സുപ്പീരിയറും ഹെഡ്മിസ്ട്രസ് സിസ്റ്റർ ജിജി അലക്സാണ്ടറും പി ടി എ പ്രസിഡന്റ് ശ്രീ ഗിരീഷ്കുമാറും പങ്കെടുത്ത ഈ ചടങ്ങു വികാര നിർഭരമായ നിമിഷങ്ങളിലൂടെയാണ് കടന്നു പോയത്. മൽസ്യത്തൊഴിലാളികൾ രക്ഷാപ്രവർത്തനത്തിന് പോയപ്പോഴുണ്ടായ അനുഭവം പങ്കുവച്ചത് എല്ലാവരുടെയും കണ്ണുകളെ ഈറനണിയിച്ചു. എസ് പി സി കുട്ടികൾ ബിഗ് സല്യൂട്ട് നൽകി. അവരുടെ ഈ സാഹസിക പ്രവർത്തനങ്ങൾക്കുള്ള അംഗീകാരമായി സെന്റ് ഫിലോമിനസ്സിലെ കുരുന്നുകൾ സീഹോപഹാരങ്ങൾ നൽകി. കേരളത്തെ പ്രളയ ബാധിത സന്ദർഭത്തിൽ കൈത്താങ്ങിയ മൽസ്യത്തോഴിലാളി സഹോദരങ്ങളെ ആശംസിച്ചു കൊണ്ട് സ്കൂളിലെ സംഗീതാധ്യാപികയായ ഷീബ ബാബു ടീച്ചർ രചിച്ചു ഈണം പകർന്ന ഗാനം കുട്ടികൾ ആലപിച്ചതും ഏറെ ഹൃദ്യമായി
![](/images/thumb/9/95/%E0%B4%8E%E0%B4%B8%E0%B5%8D_%E0%B4%AA%E0%B4%BF_%E0%B4%B8%E0%B4%BF_%E0%B4%AC%E0%B4%BF%E0%B4%97%E0%B5%8D_%E0%B4%B8%E0%B4%B2%E0%B5%8D%E0%B4%AF%E0%B5%82%E0%B4%9F%E0%B5%8D%E0%B4%9F%E0%B5%8D_43065.jpg/300px-%E0%B4%8E%E0%B4%B8%E0%B5%8D_%E0%B4%AA%E0%B4%BF_%E0%B4%B8%E0%B4%BF_%E0%B4%AC%E0%B4%BF%E0%B4%97%E0%B5%8D_%E0%B4%B8%E0%B4%B2%E0%B5%8D%E0%B4%AF%E0%B5%82%E0%B4%9F%E0%B5%8D%E0%B4%9F%E0%B5%8D_43065.jpg)
![](/images/thumb/3/38/%E0%B4%85%E0%B4%A6%E0%B5%8D%E0%B4%A7%E0%B5%8D%E0%B4%AF%E0%B4%BE%E0%B4%AA%E0%B4%95%E0%B4%B0%E0%B5%81%E0%B4%9F%E0%B5%86_%E0%B4%AC%E0%B4%BE%E0%B5%BB%E0%B4%A1%E0%B5%8D_%E0%B4%9F%E0%B5%8D%E0%B4%B0%E0%B5%82%E0%B4%AA%E0%B5%8D%E0%B4%AA%E0%B5%8D.jpg/300px-%E0%B4%85%E0%B4%A6%E0%B5%8D%E0%B4%A7%E0%B5%8D%E0%B4%AF%E0%B4%BE%E0%B4%AA%E0%B4%95%E0%B4%B0%E0%B5%81%E0%B4%9F%E0%B5%86_%E0%B4%AC%E0%B4%BE%E0%B5%BB%E0%B4%A1%E0%B5%8D_%E0%B4%9F%E0%B5%8D%E0%B4%B0%E0%B5%82%E0%B4%AA%E0%B5%8D%E0%B4%AA%E0%B5%8D.jpg)
ആശംസാഗാനം
കേരളത്തെ പ്രളയ ബാധിത സന്ദർഭത്തിൽ കൈത്താങ്ങിയ മൽസ്യത്തോഴിലാളി സഹോദരങ്ങളെ ആശംസിച്ചു കൊണ്ടുള്ള ഗാനം.
തെയ് തെയ് തെയ്
തെയ് തക താരോ
തന്തിനം തന്നാരോ..... (4)
വന്നല്ലോ വന്നല്ലോ ഉല്ലാസ പൊൻപുലരി
ഇന്നല്ലോ കടലിൻ മക്കളെ എല്ലാരും അറിയണത്.... (2)
ആഘോഷ പെരുമഴ പെയ്യട്ടെ ആമോദ തിരകൾ ഉയരട്ടെ
ആനന്ദം അലതല്ലുന്നൊരു സുദിനം ഇതിന്നല്ലോ.......ഓ... (2)
[തെയ് ...
ഇവരല്ലോ നമ്മുടെയെല്ലാം നാടിന്റെ അഭിമാനം
ഇവരല്ലോ അനേകായിരം ജീവൻ കാത്തവർ (2)
ധീരജവാന്മാരെക്കാളും ധൈര്യ സമേതം മുന്നേറി
പ്രളയക്കെടുതിയിൽ നിന്നും നേടി ജീവൻ അനേകരുടെ ...(2) ഓ ...
[തെയ് ...
സ്വന്തം ജീവൻ നോക്കാതെ സ്വന്തക്കാരെ ഓർക്കാതെ
സകലരുമെന്നുടെ സോദരരാണെന്നുറച്ച് മനതാരിൽ (2)
സ്വാർഥതയോടും കരുതാതെ പ്റതിഫലമോ ഇഛിക്കാതെ
പൊലിയും പ്രാണണ് ക്ഷണ നേരത്തിൽ പുതിയൊരു
ജീവനിവർ നൽകി .....(2) [തെയ്
രചന, സംഗീതം - ഷീബ ബാബു എ ഇ (സംഗീതം അധ്യാപിക, സെന്റ് ഫിലോമിനാസ് ജി എച് എസ്)
ഉള്ളുണർത്തിയ അധ്യാപകർക്ക് ആദരവേകി സെന്റ് ഫിലോമിനാസിലെ കുരുന്നുകൾ......
![](/images/thumb/c/ce/Teachers_day_43065.jpg/300px-Teachers_day_43065.jpg)
![](/images/thumb/1/14/Philine_teachers.jpg/300px-Philine_teachers.jpg)
കുഞ്ഞുങ്ങൾ നേതൃത്വം നൽകിയ ചടങ്ങിൽ ഏറെ അഭിമാനത്തോടും, നന്ദിയോടും കൂടെയാണ് ഓരോ അധ്യാപികയും പങ്കെടുത്തത് . എസ് പി സി കുട്ടികൾ അധ്യാപകർക്ക് ഗാർഡ് ഓഫ് ഓണർ നൽകിയും, ചന്ദനവും തിലകവും ചാർത്തിയും ഗംഭീരമായ സ്വീകരണമാണ് കുഞ്ഞുങ്ങൾ അധ്യാപകർക്ക് നൽകിയത് .ക്ളാസ്സ് ലീഡേഴ്സിന്റെ നേതൃത്വത്ത്തിൽ തയ്യാറാക്കിയ ആശംസാകാർഡും ,ചെറിയഒരു സമ്മാനവും ടീച്ചേഴ്സിന് ഒത്തിരി സന്തോഷം നൽകി
തന്റെ സ്കൂളിനുവേണ്ടി പ്രായം മറന്ന് നിസ്വാർത്ഥവും സ്തുത്യാർഹവുമായ സേവനം ചെയ്തുകൊണ്ടിരിക്കയുന്ന കുട്ടികൾക്കും ടീച്ചേഴ്സിനും ഒരു പോലെ മാതൃകയും പ്രിയങ്കരിയുമായ ശ്രിമതി വിൽസി പി ജോർജ് നെ ബെസ്ററ് ഫിലൈൻ ടീച്ചർ അവാർഡ് നൽകി ആദരിച്ചു .കുഞ്ഞു മനസുകളിൽ സ്നേഹത്തിന്റെയും അറിവിന്റെയും തിരിനാളം തീർത്തു കൊണ്ട് അധ്യാപകർക്കുതന്നെ മാതൃകയായി ഒരു വിശുദ്ധ ജീവിതം നയിക്കുന്ന ശ്രീമതി മിനിവർഗീസ് ടീച്ചറിനെ സെക്കന്റ് ബെസ്ററ് ഫിലൈൻ ടീച്ചർ അവാർഡ് നൽകിയും ആദരിച്ചു കുട്ടികൾ ഒരു മനോഹരമായ കലാവിരുന്ന് ഒരുക്കി ഈ ദിനം അർഥവത്താക്കി മാറ്റി
![](/images/thumb/4/49/%E0%B4%B8%E0%B4%A8%E0%B5%8D%E0%B4%A4%E0%B5%8B%E0%B4%B7%E0%B4%A4%E0%B5%8D%E0%B4%A4%E0%B5%8B%E0%B4%9F%E0%B5%86_%E0%B4%85%E0%B4%A6%E0%B5%8D%E0%B4%A7%E0%B5%8D%E0%B4%AF%E0%B4%BE%E0%B4%AA%E0%B4%95_%E0%B4%A6%E0%B4%BF%E0%B4%A8%E0%B4%A4%E0%B5%8D%E0%B4%A4%E0%B4%BF%E0%B5%BD.jpg/300px-%E0%B4%B8%E0%B4%A8%E0%B5%8D%E0%B4%A4%E0%B5%8B%E0%B4%B7%E0%B4%A4%E0%B5%8D%E0%B4%A4%E0%B5%8B%E0%B4%9F%E0%B5%86_%E0%B4%85%E0%B4%A6%E0%B5%8D%E0%B4%A7%E0%B5%8D%E0%B4%AF%E0%B4%BE%E0%B4%AA%E0%B4%95_%E0%B4%A6%E0%B4%BF%E0%B4%A8%E0%B4%A4%E0%B5%8D%E0%B4%A4%E0%B4%BF%E0%B5%BD.jpg)
മികവിന്റെ കൈത്താങ്ങു്
![](/images/thumb/4/48/Mikavinte_kaithangu.png/300px-Mikavinte_kaithangu.png)
മെട്രോ മനോരമയും സരസ്വതി ഗ്രൂപ്പ് ഓഫ് ഇൻസ്റ്റിട്യൂഷൻസും സംയുക്തമായി സംഘടിപ്പിക്കുന്ന മികവിന്റെ കൈത്താങ്ങു സെന്റ് ഫിലോമിനാസിൽ മുൻ കേരളം പോലീസ് ഐ ജി, എസ്. ഗോപിനാഥ് ഉദ്ഘാടനം ചെയ്തു. ചടങ്ങിനുശേഷം അദ്ദേഹം വിദ്യാർഥികളുമായി സംവദിച്ചു. ഹെഡ്മിസ്ട്രസ് സിസ്റ്റർ ജിജി അലക്സാണ്ടർ, സരസ്വതി വിദ്യാലയത്തിലെ അധ്യാപകരായ ഹിരണ്മയീ ദേവി, ജെ കണ്ണൻ, മലയാളമനോരമ സർക്കുലേഷൻ ഓഫീസർ ജോഷി ജോൺ മാത്യു , സ്കൂൾ ലീഡർ സുജിന എന്നിവർ പ്രസംഗിച്ചു. പത്താം ക്ളാസ്സിലെ മുന്നൂറിലധികം കുട്ടികൾ സെമിനാറിൽ പങ്കെടുത്തു.
ശാസ്ത്ര, ഗണിത ശാസ്ത്ര, സാമൂഹ്യ ശാസ്ത്ര, പ്രവർത്തി പ്രവൃത്തി പരിചയ മേള
ശാസ്ത്രമേള
ശാസ്ത്ര ക്ലബ്ബിന്റെ നേതൃത്വത്തിൽ 26/09/2018-ഇൽ സ്കൂൾ തലത്തിൽ ശാസ്ത്രമേള നടത്തി. വളരെ വ്യത്യസ്തതയും മികവും പുലർത്തിയ മേളയിൽ എൽ പി, യു പി, എച് എസ് വിഭാഗങ്ങളിൽ നിന്നും നിരവധി കുട്ടികൾ പങ്കെടുത്തു.സബ് ജില്ലാ മത്സരത്തിൽ പങ്കെടുക്കാൻ യോഗ്യരായ ഹൈ സ്കൂൾ കുട്ടികൾക്ക് വേണ്ട മാർഗ നിർദേശങ്ങളും പരിശീലനവും നൽകിവരുന്നു. സി വി രാമൻ ഉപയാസ മത്സരം സ്കൂൾ തലത്തിൽ നടത്തി. ഒന്നാം സ്ഥാനം കരസ്ഥമാക്കിയ അലിഫാത്തിമയെ സബ് ജില്ലാ മത്സരത്തിൽ പങ്കെടുപ്പിച്ചു. കുട്ടികൾക്ക് ശാസ്ത്രത്തോടുള്ള താൽപ്പര്യം ഉളവാക്കാൻ ഇതുപോലുള്ള മേളകൾ സഹായകമാണ്
![](/images/thumb/7/76/%E0%B4%B6%E0%B4%BE%E0%B4%B8%E0%B5%8D%E0%B4%A4%E0%B5%8D%E0%B4%B0_%E0%B4%AA%E0%B5%8D%E0%B4%B0%E0%B4%A6%E0%B5%BC%E0%B4%B6%E0%B4%A8%E0%B4%82_43065.jpg/300px-%E0%B4%B6%E0%B4%BE%E0%B4%B8%E0%B5%8D%E0%B4%A4%E0%B5%8D%E0%B4%B0_%E0%B4%AA%E0%B5%8D%E0%B4%B0%E0%B4%A6%E0%B5%BC%E0%B4%B6%E0%B4%A8%E0%B4%82_43065.jpg)
![](/images/thumb/e/ef/Science_expo1_43065.jpg/300px-Science_expo1_43065.jpg)
![](/images/thumb/9/9e/Science_expo_43065.jpg/300px-Science_expo_43065.jpg)
ഗണിത ശാസ്ത്ര മേള
ഗണിത ശാസ്ത്ര ക്ലബ്ബിന്റെ നേതൃത്വത്തിൽ 29/09/2018- ഇൽ സ്കൂൾ തലത്തിൽ ഗണിതമേള നടത്തി. വളരെ വ്യത്യസ്തതയും മികവും പുലർത്തിയ മേളയിൽ എൽ പി, യു പി, എച് എസ വിഭാഗങ്ങളിൽ നിന്നും കുട്ടികൾ സമ്മാനങ്ങൾ കരസ്ഥമാക്കി. സബ് ജില്ലാ മത്സരത്തിൽ പങ്കെടുക്കാൻ കുട്ടികൾക്ക് വേണ്ട പരിശീലനം നൽകിവരുന്നു. രാമാനുജൻ പേപ്പർ പ്രസന്റേഷൻ, 10/10/2018-ലും, ഭാസ്കരാചാര്യ സെമിനാർ 12/10/2018-ലും സ്കൂൾ തലത്തിൽ നടത്തി. കുട്ടികൾക്ക് ഗണിതശാസ്ത്രത്തോടുള്ള താൽപ്പര്യം ഉളവാക്കാൻ ഇതുപോലുള്ള മേളകൾ സഹായകമാണ്
![](/images/thumb/c/c2/Maths1_43065.jpg/300px-Maths1_43065.jpg)
![](/images/thumb/f/f4/Maths2_43065.jpg/300px-Maths2_43065.jpg)
![](/images/thumb/6/6e/Maths3_43065.jpg/300px-Maths3_43065.jpg)
സാമൂഹ്യശാസ്ത്ര മേള
ഈ വർഷത്തെ സ്കൂൾ സാമൂഹ്യശാസ്ത്ര മേള 27/09/2018 - ആം തിയതി നടത്തി. സ്റ്റിൽ മോഡൽ, വർക്കിംഗ് മോഡൽ, ഭൂപട രചന, വാർത്താവായന, പ്രസംഗം തുടങ്ങിയ മത്സരങ്ങൾ നടത്തി. വളരെയധികം കുട്ടികൾ സ്റ്റിൽ മോഡൽ മത്സരത്തിൽ പങ്കെടുത്തു. വർക്കിംഗ് മോഡലിന് താരതമ്യേനെ കുട്ടികളുടെ പങ്കാളിത്തം കുറവായിരുന്നു. പ്രാദേശിക ചരിത്രരചനാ മത്സരം നല്ല നിലവാരം പുലർത്തി. സമ്മാനാർഹരായ ഹൈ സ്കൂൾ കുട്ടികൾക്ക് വേണ്ട മാർഗ നിർദേശങ്ങളും പരിശീലനവും നൽകിവരുന്നു
പ്രവൃത്തി പരിചയ മേള
അധ്യയന വർഷത്തെ പ്രവൃത്തി പരിചയ മേളയുടെ തത്സമയ മത്സരങ്ങൾ സെപ്റ്റംബർ മാസം 28 -ആം തിയതി നടത്തി. സമ്മാനാർഹരായവരെ കണ്ടെത്തുകയും അവരെ സബ് ജില്ലാ മത്സരത്തിനായി പരിശീലിപ്പിക്കുകയും ചെയ്തുകൊണ്ടിരിക്കുന്നു. പ്രവർത്തി പരിചയ എക്സിബിഷൻ ഒക്ടോബർ മാസം മൂന്നാം തിയതി നടത്തി. എക്സിബിഷൻ വളരെ നല്ല നിലവാരം പുലർത്തി.
![](/images/thumb/9/97/We_43065.jpg/300px-We_43065.jpg)
![](/images/thumb/5/5a/We_43065-1.jpg/300px-We_43065-1.jpg)
![](/images/thumb/1/1d/We_43065-2.jpg/300px-We_43065-2.jpg)
കാർഷിക മേളയും സാലഡ് ഫെസ്റ്റും
5/10/2018 - ൽ എക്കോ ക്ലബ്ബിന്റെ ആഭിമുഖ്യത്തിൽ നമ്മുടെ സ്കൂളിൽ കാർഷിക മേളയും സാലഡ് ഫെസ്റ്റും നടത്തുകയുണ്ടായി. എൽ പി വിഭാഗത്തിന് കാർഷിക മേളയും യു പി , എച് എസ് വിഭാഗങ്ങൾക്ക് കാർഷിക മേളയോടൊപ്പം സാലഡ് ഫെസ്റ്റും നടത്തി. എല്ലാ വിഭാഗത്തിലെയും കുട്ടികൾ വളരെ സജീവമായിത്തന്നെ പങ്കെടുത്തു. സ്വന്തം തോട്ടത്തിൽ വിളയിച്ച കാർഷികവിളകൾ ഏറ്റവും കൂടുതൽ കൊണ്ടുവന്ന ഓരോ വിഭാഗത്തിലെയും കുട്ടികൾക്ക് സമ്മാനം നൽകി. യു പി , എച് എസ് തലങ്ങളിൽ എത്തവും നന്നായി സാലഡ് ഫെസ്റ്റിൽ നല്ല രീതിയിൽ തയ്യാറാക്കിയ ക്ളാസ്സിനും , എൽ പി തലത്തിൽ ഏറ്റവും നല്ല രീതിയിൽ കാർഷിക വിളകൾ പ്രദർശിപ്പിച്ച ക്ളാസ്സിനും സമ്മാനം നൽകി. എല്ലാ കുട്ടികൾക്കും ഇത് നല്ല ഒരു അനുഭവമായിരുന്നു
.
![](/images/thumb/8/8d/Salad_fest.jpg/300px-Salad_fest.jpg)
![](/images/thumb/3/3e/Veg_fest.jpg/300px-Veg_fest.jpg)
![](/images/thumb/4/49/Veg_1.jpg/300px-Veg_1.jpg)
മേളകൾ - സബ് ജില്ലാതലം
ശാസ്ത്ര , ഗണിത ശാസ്ത്ര , സാമൂഹ്യ ശാസ്ത്ര , പ്രവൃത്തി പരിചയ , ഐ ടി സബ് ജില്ലാതല മേളകളിൽ ഈ വർഷവും കുട്ടികൾ പങ്കെടുത്തു. ശാസ്ത്ര മേളയിൽ ടാലന്റ് സെർച്ച് എക്സാമിന് കുമാരി ആതിര ഒന്നാം സ്ഥാനം കരസ്ഥമാക്കി. സയൻസ് എക്സ്പെരിമെന്റിന് കുമാരി ആര്യനന്ദന, കുമാരി അഗ്രജ എന്നിവർക്ക് രണ്ടാം സ്ഥാനം ലഭിച്ചു. സാമൂഹ്യ ശാസ്ത്രം വർക്കിംഗ് മോഡലിന് റണ്ടാം സ്ഥാനം ലഭിച്ചു. പ്രവൃത്തി പരിചയ മേളയിൽ നിരവധി കുട്ടികൾ സമ്മാനാർഹരായി.
പ്രാദേശിക ഭാഷാ നിഘണ്ടു പ്രകാശനം
ഒരുവർഷക്കാലമായി ഇതിന്റെ അണിയറ പ്രവർത്തനം നടക്കുകയായിരുന്നു. തദ്ദേശീയരായ എല്ലാ കുട്ടികളും ഈ സംരംഭത്തിൽ പങ്കുകാരായി. പൂന്തുറ എന്ന തീരദേശ ഗ്രാമത്തിലെ മൽസ്യത്തൊഴിലാളികൾ സംസാരിക്കുന്ന ഭാഷയാണ് തെരഞ്ഞെടുത്തത്. വലിയ മുക്കുവനുമായുള്ള അഭിമുഖം , കടൽ അറിവ് ശേഖരണം , കടൽപാട്ട്, കടൽചൊല്ലുകൾ, കരമടിപ്പാട്ടു എന്നിവയെല്ലാം ദത്തശേഖരണ സമയത്തു കുട്ടികൾക്ക് അറിയാൻ കഴിഞ്ഞു. എല്ലാ ജീവജാലങ്ങൾക്കും ഒരു ഭാഷയുണ്ടെന്നും അത് തനതു ഭാഷയാണെന്നുമുള്ള തിരിച്ചറിവ് കുട്ടികൾക്ക് ലഭിച്ചു. നിഘണ്ഡു നിർമ്മാണത്തിൽ ലിറ്റിൽ കൈറ്റ് അംഗങ്ങളും സഹകരിച്ചു. കണ്ടെത്തിയ വാക്കുകൾ ഡിജിറ്റൽ രൂപത്തിലാക്കാൻ സഹായിച്ചത് കൈറ്റ് അംഗങ്ങളാണ്.
![](/images/thumb/f/fb/%E0%B4%A8%E0%B4%BF%E0%B4%98%E0%B4%A3%E0%B5%8D%E0%B4%A1%E0%B5%81_43065.jpg/300px-%E0%B4%A8%E0%B4%BF%E0%B4%98%E0%B4%A3%E0%B5%8D%E0%B4%A1%E0%B5%81_43065.jpg)
വിനോദ യാത്രകൾ
ഈ വർഷം ഒന്ന് മുതൽ പത്തുവരെ ക്ളാസ്സിലെ കുട്ടികൾക്ക് വിനോദയാത്ര സംഘടിപ്പിച്ചു. പത്താം ക്ളാസ്സിലെ കുട്ടികൾ അതിരംപള്ളി, വാഴിച്ചാൽ, സിൽവർ സ്റ്റോം വാട്ടർ തീം പാർക്ക് , സ്നോ വേൾഡ് എന്നിവയും , ഒൻപതാം ക്ളാസ്സിലെ കുട്ടികൾ മൈസൂർ, കൂർഗ് എന്നീ സ്ഥലങ്ങളും , എട്ടാം ക്ളാസ്സുകാർ സിൽവർ സ്റ്റോം വാട്ടർ തീം പാർക്ക് , സ്നോ വേൾഡ് എന്നിവയും സന്ദർശിച്ചു. യു പി വിഭാഗത്തിലെ കുട്ടികൾ ആക്കുളം, കനകക്കുന്ന് കൊട്ടാരം, മാജിക് പ്ലാനറ്റ്, പ്ലാനെറ്ററിയം, ഹാപ്പി ലാൻഡ് എന്നിവ സന്ദർശിച്ചു. എൽ പി കുട്ടികൾകുട്ടിരാമാളിക, മാജിക് പ്ലാനറ്റ് തുടങ്ങിയവ സന്ദർശിച്ചു. വിനോദവും വിജ്ഞാനവും പകരുന്നവ ആയിരുന്നു ഈ യാത്രകൾ.
വിനോദ യാത്രാ ചിത്രങ്ങൾ
ഗിഫ്റ്റഡ് ചിൽഡ്രൻ ജില്ലാ ക്യാമ്പ്
ഈ വർഷത്തെ ഗിഫ്റ്റഡ് ചിൽഡ്രൻസ് തിരുവനന്തപുരം ജില്ലാതല ക്യാമ്പ് ഫെബ്രുവരി പതിനാറു പതിനേഴു തീയതികളിൽ സെന്റ് ഫിലോമിനാസിൽ വച്ച് നടന്നു. രണ്ടു ദിവസത്തെ റസിൻഷ്യൽ പ്രോഗ്രാം വളരെ വിജഞാനപ്രദമായിരുന്നു. പ്രസ്തുത പരിപാടി ഡോക്യുമെന്റ് ചെയ്തത് ലിറ്റിൽ കൈറ്റ് അംഗങ്ങളാണ്.
![](/images/thumb/2/25/Gifted_children_camp1_43065.jpg/300px-Gifted_children_camp1_43065.jpg)
![](/images/thumb/9/95/Gifted_2_43065.jpg/300px-Gifted_2_43065.jpg)
![](/images/thumb/8/81/Documentation2_43065.jpg/300px-Documentation2_43065.jpg)