നിറമണമൂറുന്ന മധുര തേൻനുകരുന്ന
അനുഭവ പകർച്ചയാം പ്രപഞ്ചമേ
നിൻ മക്കളെന്നോണം നിലനിൽക്കുമോ
മേടും പുഴയും മനുഷ്യനും
നിൻ നില നിൽപ്പിനായ് കൈകോർത്തിടും
പ്രകൃതി രമണീയത വർദ്ധിപ്പിക്കുമോ
പച്ചപ്പിൻ നിറപ്പകിട്ടിൽ അലയാടുമാ
വൃക്ഷലതാദികളും നിറം വാരി വിതറുമാ
മനോഹര പുഷ്പങ്ങളും
അവയിൽ ആശ്രയം നേടുമാ പക്ഷിക്കൂട്ടങ്ങളും
ഒത്തുചേർന്നിടും എൻ പ്രകൃതി
ജീവിത നിലനിൽപ്പിനായ് മനുഷ്യർ
ആശ്രയിക്കുന്ന പ്രകൃതിയെ
കുത്തി നോവിക്കുന്ന കാലഘട്ടം
മരങ്ങൾ മുറിച്ചിടും വയൽ പരപ്പിൽ
പച്ചപ്പു നികത്തിയും
അമ്മയാകുന്ന പ്രകൃതിയെ വേദനിപ്പിച്ചിടും
ദുഷ്ടരായ മനുഷ്യരെന്ന സത്യം നാം
ഓർത്തിടേണം കൂട്ടരേ
എന്നും ഓർത്തിടേണം കൂട്ടരേ
