യുദ്ധം... മഹായുദ്ധം..
ലോകമഹായുദ്ധം.. മൗനയുദ്ധം..
ഇത്തിരിപ്പോന്നൊരു ഭീകരനും
എല്ലാം അറിയുന്ന മാനുഷ്യരും
ബോംബുകൾ വർഷിക്കും
പോർ വിമാനങ്ങളില്ല
തീത്തുപ്പി ഗർജിക്കും തോക്കുകളില്ല
കപ്പൽ പടയില്ല, കാലാൾ പടയില്ല
(യുദ്ധം.. മഹായുദ്ധം.. )
എല്ലാം വിരൽത്തുമ്പിലെ -
ന്നഹങ്കരിച്ചീടുന്ന
മാനുഷ്യ കൂട്ടത്തെ സംഹരിച്ചീടുന്ന
ഇത്തിരിപ്പോന്നൊരു ഭീകരനാം
(യുദ്ധം.. മഹായുദ്ധം.. )
സമയമില്ലാത്തവർക്ക് സമയമുണ്ടാക്കി
ജന -നിബിഢമായ വീഥികൾ വിജനമാക്കി
ഉത്സവ -തിരുന്നാളുകൾ ഇല്ലാതെയാക്കി
എല്ലാ നഗരവും വിജനമാക്കി
(യുദ്ധം.. മഹായുദ്ധം.. )
സംഹാരതാണ്ഡവം ആടും കൊറോണയെ
സംഹരിച്ചീടുവാനായി നമ്മൾ
ഒന്നിച്ചു ഉണരണം, ഒരുമിച്ചു നിൽക്കണം
ഒരുമയായ് ലോകരാജ്യങ്ങളെല്ലാം
(യുദ്ധം.. മഹായുദ്ധം.. )
