(മാറ്റം) ←പഴയ രൂപം | ഇപ്പോഴുള്ള രൂപം (മാറ്റം) | പുതിയ രൂപം→ (മാറ്റം)
കാലം തെറ്റിയ പ്രകൃതി
പണ്ട് ശിശിരവും ഗ്രീഷ്മവും വർഷവും വസന്തവും
ഒരു മുറതെറ്റാതെ വന്നിരുന്നു
ഇളം കാറ്റും പുലർമഞ്ഞുമീറൻ കണങ്ങളും
കാലം മറക്കാതെ വന്നിരുന്നു
അന്ന് വൃക്ഷലതാദിക്കും മണ്ണിനും വിണ്ണിനും
ആനന്ദമേറെയുണ്ടായിരുന്നു
പ്രകൃതിതൻമടിയിലീ മനുജന്റെ ജീവിതം
സമ്പുഷ്ടപൂർണ്ണമിതായിരുന്നു
സർവ്വവും നേടിയീ പ്രകൃതിയേ മനുജനോ
ചൂഷണം ചെയ്തിങ്ങു പൊന്നിടുന്നു
പ്രകൃതിക്ക് പ്രത്യുപകാരമായി ഇന്നിങ്ങു
സർവ്വവും വിഷമയമായിടുന്നു
ഇന്ന് വായു അലങ്കാര പൂരിതമായിടുന്നുയരുന്ന
കരിംചുരുൾ പുകയതാലേ കുഴലുകൾ നീളുന്നു പുഴതൻ മടിയിലേ
കിനിയുന്നു വിഷ പദാർത്ഥങ്ങളുമായി
ഇനി വരേണ്ടുന്നത് വര്ഷമാണോ അതോ
ഗ്രീഷ്മമോ ശിശിരമോ ചോദ്യമൊടെ
മനുജന്റെ ചെയ്തികൾ ഏറ്റുവാങ്ങിക്കൊണ്ട്
അറിയാതെ പ്രകൃതി പകച്ചിടുന്നു
കാലങ്ങളൊക്കെയും കാലം തെറ്റികൊണ്ട്
വെറിപൂണ്ടു മനുജനെ നേരിടുന്നു
കൊടുംകാറ്റായി തിരയായി പ്രളയമായി
പിന്നെ മലകൾ തൻ ഉൾവിങ്ങലായും കൊണ്ട്
കാലം തെറ്റിയ പ്രകൃതി.....