കോവിഡോ കൊറോണയോ മറ്റെന്ത് വിളിച്ചാലും
അദൃശ്യനാമൊരു കുഞ്ഞൻ വൈറസാണു ഞാൻ
നിന്നുടെ വിരൽതുമ്പിലിരുന്ന് ചിരിക്കുന്നു ഞാൻ
നിന്നുടെ ആയുസ്സിൻ്റെ എണ്ണവും കുറയ്ക്കുന്നു ഞാൻ
ഒരൊറ്റ രാത്രി കൊണ്ട് ആയിരമായ് വളരും ഞാൻ
നീ പോലും അറിയാതെ നിൻ്റെ ശ്വാസവും തടഞ്ഞിടും
ഭൂമിയുടെ ആധിപത്യം നിനക്കാണെന്നഹങ്കാരം
തെല്ലുമേ കുറയാതെ നീയിന്നും ജീവിക്കുന്നു
ചിന്തിക്കൂ മനുഷ്യാ നീയിന്ന് എത്ര നിസാരനാ
എന്നെ പോൽ നീയും ഒരു ദൈവത്തിൻ സൃഷ്ടി മാത്രം
എന്നെപോൽ പലതുണ്ട് ദൈവത്തിൻ സൃഷ്ടിയായ്
എന്നിൽ നിന്നകന്നിടാൻ
വഴിയൊന്നോർത്തിടേണം
വൃത്തിയും ശുചിത്വവും നിത്യവും പാലിക്കേണം
കൃത്യമായ് അകലം സൂക്ഷിച്ചു നീ മുന്നേറിയാൽ
വ്യക്തമായ് എന്നിൽ നിന്നും നിനക്കിന്നകന്നിടാം
നിന്നുടെ ചെയ്തിയുടെ ഫലം
നിന്നിലായ് ഭവിച്ചിടും
ഒരു മാത്ര നിന്നെ ഞാൻ
ഓർമിപ്പിക്കുന്നു പാരിൽ.
