ಭೂಮಾತೆ ಮುನಿಸಿಕೊಂಡಾಗ
<poem> <centre>
ಭೂಮಾತೆ ಅವಳು ನಮ್ಮ ಮಾತೆ
ನಮ್ಮನು ಪೊರೆವ ದಯಾದಾತೆ
ಜನನವು ಇಲ್ಲೆ ಮರಣವು ಇಲ್ಲೆ
ಜೀವನ ಪೂರ್ತಿ ಇರುವೆವು ಇಲ್ಲೆ
ಎಲ್ಲವೂ ಬಲು ಸುಂದರ
ಎಲ್ಲರಿಗೂ ಅದು ಮಂದಿರ
ಆಲವೂ ಸುಂದರ ನೆಲವೂ ಸುಂದರ
ಕಾಣದಿರುವುದು ಅದು ನಮಗೆ ಹತ್ತಿರ
ಸುಂದರವಾಗಿರುವುದು ಪ್ರಕೃತಿ
ನಾಶವಾದರೆ ಅದರ ಹೆಸರು ವಿಕೃತಿ
ನಾಶ ಮಾಡುವುದೂ ನಾವೇ
ನಾಶವಾಗುವುದೂ ನಾವೇ
ಬೀಸುವ ಗಾಳಿ ಬಲು ತಂಪು
ಅದ ಕೆಡಿಸಲು ಹೋದರೆ ಜೀವವೇ ತಂಪು
ನಮಗೆ ಬೇಕಾದುದು ಇರುವುದು ಅವಳಲಿ
ನಾವು ಇರುವುದು ಅವಳ ಮಡಿಲಲಿ
ಶಾಂತವಾಗಿದ್ದರವಳು ಬಲು ಮನೋಹರ
ಕೋಪಗೊಂಡರೆ ನಮ್ಮ ನಾಶ ಸರಳ
ಗಾನವನವಳೆ ಹಾಡುವಳು
ನಾಶವನವಳೆ ಮಾಡುವಳು
ನಾಶವಾಗಿದೆ ಹಲವಾರು ಬಾರಿ
ಹಕ್ಕಿ ಬದುಕಿದೆ ಹಾರಿ ಹಾರಿ
ಮಾನವನಿಗೇನೂ ಮಾಡಲಾಗದು
ಎಲ್ಲವನೂ ಇಳೆಯೇ ಮಾಡುವುದು
ಮರಣವಾಗಿದೆ ಹಲವಾರು ಇಲ್ಲಿ
ಆದರೆ ಉಳಿದವರು ಈಗ ಎಲ್ಲಿ
ಸುಂದರವಾದಾಗ ಅಲ್ಲಿಗೆ ಬರುವರು
ನಾಶವಾದಾಗ ಅದನು ಬಿಟ್ಟು ಹೋಗುವರು
<poem>
|