(മാറ്റം) ←പഴയ രൂപം | ഇപ്പോഴുള്ള രൂപം (മാറ്റം) | പുതിയ രൂപം→ (മാറ്റം)
നന്മ
കളകളമൊഴുകുന്ന അരുവിയുടെ അരികിൽ
ഞാനാ ത്രിസന്ധ്യക്കിരുന്ന നേരം
നീന്തിത്തുടിക്കുന്ന പരൽമീനുകളൊക്കെയും
എന്നെ നോക്കി പുഞ്ചിരിച്ചു
മേലെ നോക്കിയാൽ പക്ഷികൾ കൂട്ടമായി
കൂട്ടിലേക്ക് മടങ്ങുകയായ്
കൊയ്ത്തില്ല പാട്ടില്ല പാടവരമ്പില്ല
ജീവിത യാത്രകൾ ആഘോഷമാക്കിയ
പക്ഷികൾ പിന്നെയും യാത്രയായ്
രാഗങ്ങളറിയാതെ പാടുന്ന പക്ഷിയുടെ
പാട്ടിനു ശ്രുതിമീട്ടാൻ ആരുണ്ട് പാരിൽ
കൃഷിയിറക്കുന്ന കർഷകരില്ലിന്നു
ഓല പാമ്പുകളിക്കുവാൻ കുട്ടികൾക്കാവില്ല
എൻറെ നാടിൻറെ സംസ്കൃതി എവിടെയാണ്
എൻറെ നാടിൻറെ സൗന്ദര്യമെവിടെയാണ്
ആറുകൾ വറ്റുന്നു കുന്നുകൾ കുറയുന്നു
പ്രളയമായ് ദുരിതമായികെടുതികൾപെരുകുന്നു
പിന്നെയും മനുഷ്യർ ചിന്തിച്ചു കൂട്ടുന്നു
എങ്ങനീ പ്രകൃതിയെ ചുട്ടുകൊല്ലാം
ഒന്നാമനാകുവാൻ ചെയ്യുന്നതൊക്കെയും
അന്യന് ദോശമായി തീരുന്ന ഭൂമിയിൽ
ഇപ്പൊഴും തീരാത്ത സംശയക്കൂമ്പാരം
എങ്ങനീ വൈറസ് പിറവികൊണ്ടു
മനുഷ്യൻറെ സൃഷ്ടിയോ പ്രകൃതിയുടെ ദാനമോ
ലക്ഷക്കണക്കിന് മനുഷ്യ ജീവനുകൾ
മൃതിയടഞ്ഞെന്തിന് വേണ്ടിയെന്നറിയാതെ
ഒന്നാമനാകുവാൻ ചെയ്യുന്നതൊക്കെയും
ദുരിചമായി, ദുരന്തമായ് പെയ്യുന്നു ഭൂമിയിൽ
പ്രകൃതിയെ സ്നേഹിച്ചു നന്മചെയ്തീടണം
നല്ലൊരു നാളേക്കായ് മാത്രമാണ്
എൻറെ പ്രാണൻ വെടിയുമാക്കലം വരെയുമീ
നാടിൻറെ നന്മക്കായ് ഞാനുമുണ്ട്