ജി.എൽ.പി.എസ്. വളമംഗലം/അക്ഷരവൃക്ഷം/ ദുർഗന്ധം

ദുർഗന്ധം കിളികളുടെ ചലപില ശബ്ദം കേട്ട് കിന്നരി പൂമ്പാറ്റ കൺ തുറന്നു .ആഹ്ലാദത്തോടെ അവൾ എഴുന്നേറ്റു പറക്കാനൊരുങ്ങി .പലവിധ പൂക്കളാൽ നിറഞ്ഞ അമ്മിണിയുടെ പൂന്തോട്ടം ഇന്നലെ അവൾ കണ്ടു വെച്ചിട്ടുണ്ട് .ഉത്സാഹത്തോടെ തേൻ നുകരനായി പൂന്തോട്ടത്തിനു നേരെ അവൾ പറന്നു . ദൂരെ നിന്നെ അവൾ കണ്ടു ബഹുവർണ്ണങ്ങളാൽ സമൃദ്ധമായ സുന്ദര പൂന്തോട്ടം . “ ഹായ്" ആവേശത്തോടെ അവൾ റോസാപൂവിനടുത്തെത്തി .തേൻ കുടിക്കാനൊരുങ്ങിയതും "അയ്യേ ഇതെന്താ ഈ റോസാപൂവിനൊരു ദുർഗന്ധം?"അവൾ റോസിനെ വിട്ടു മുല്ലപ്പൂവിനടുത്തെത്തി .മുല്ലപ്പൂവിലേക്ക് മുഖമടുപ്പിച്ചതും "ശ്ശെ ,നിനക്കുമുണ്ട് ദുർഗന്ധം ."കിന്നരി മുല്ലപ്പൂവിനെയും ഒഴിവാക്കി .,ചെമ്പരത്തിയുടെ നേരെ പറക്കാനൊരുങ്ങി . ഇതെല്ലം കണ്ടു നിന്ന തേൻ കുരുവി കിന്നരിയുടെ അടുത്തേക്ക് പറന്നു വന്നു . "എന്താ ചങ്ങാതീ , പൂക്കളെല്ലാം മണത്തു നടക്കുന്നത് ?തേൻ കുടിക്കുന്നില്ലേ?”- തേൻ കുരുവി "നീ ആരാ ?"-കിന്നരി . "ഞാനോ ,ഞാനൊരു തേൻ കുരുവി .ഇവിടെ അടുത്ത താമസം .”-തേൻ കുരുവി. "എന്റെ ചങ്ങാതീ ഇവിടുന്നെങ്ങനാ തേൻ കുടിക്കാ ?ഈ പൂന്തോട്ടത്തിലെ പൂക്കൾക്കെന്താ വല്ലാത്തൊരു നാറ്റം ?സഹിക്കാൻ വയ്യ "-കിന്നരി "കൂട്ടുകാരാ ഇത് പൂക്കളുടെ കുഴപ്പമല്ല "-തേൻ കുരുവി "പിന്നെ....,?"-കിന്നരി "ദാ ,നീ അങ്ങോട്ടൊന്നു നോക്കിക്കേ ?"-തേൻ കുരുവി കുരുവി കാണിച്ചു കൊടുത്തിടത്തേക്ക് കിന്നരി ചെന്ന് നോക്കി .ഒന്നേ നോക്കിയുള്ളൂ കിന്നരി ,ആ കാഴ്ചയും മണവും അവളെ അത്രയ്ക്കു അസ്വസ്ഥമാക്കി . "എന്താണത്?"-കിന്നരി ."അതാണ് മാലിന്യം ."-തേൻ കുരുവി."ആരാണിത് ചെയ്തത്?"-കിന്നരി. "മനുഷ്യൻ അല്ലാണ്ട് ആരാ ?നമ്മൾ മ്രഗങ്ങളും പക്ഷികളും ഇങ്ങനെ ചെയ്യുമോ ?"-തേൻ കുരുവി "ഏയ് ഇല്ലില്ല ,ഒരിക്കലുമില്ല.മനുഷ്യനെന്തിനാ ഇങ്ങനെ ചെയ്യുന്നേ?"-കിന്നരി."അവന്റെ സ്വാർത്ഥതയ്ക് ,അല്ലതെന്തിനാ?"-തേൻ കുരുവി ."ഞാനിവിടുന്നു പോവാ ,വേറെയെവിടെങ്കിലും പോയി തേൻ കുടിക്കാം “-കിന്നരി."എങ്കിൽ നീ പട്ടിണി കിടന്ന് മരിക്കുകയെ ഉള്ളൂ .ഈ പ്രകൃതി മുഴുവൻ മനുഷ്യൻ മലിനമാക്കി കഴിഞ്ഞു കൂട്ടുകാരീ "-കുരുവി . "അപ്പൊ ഇനി എന്ത് ചെയ്യും ,എനിക്ക് വിശക്കുന്നു കുരുവീ ?കിന്നരി സങ്കടത്തോടെ കുരുവിയെ നോക്കി പറഞ്ഞു .തേൻ കുരുവി -"ഒന്നും ചെയ്യാനില്ല ,ദാ ,ഇത് പോലെ ശ്വാസമടക്കി പിടിച്ചു തേൻ കുടിക്കുക “.ഇതും പറഞ്ഞു തേൻ കുരുവി പൂവിൽ നിന്നും തേൻ നുകരാൻ തുടങ്ങി .വേറെ നിവൃത്തിയില്ലാതെ മനസ്സിൽ മനുഷ്യനെ പഴിച്ചു കൊണ്ട് കിന്നരിയും ........, < ഫസ്‌ന പി. സി 4 ബി ജി .എൽ.പി.എസ് വളമംഗലം കിഴിശ്ശേരി ഉപജില്ല മലപ്പുറം അക്ഷരവൃക്ഷം പദ്ധതി, 2020 കഥ