അസഹിഷ്ണുത തൻ വീട്ടുപടിക്കൽ സഹിഷ്ണുത തൻ പാഠവുമായി കിരീടമണിഞ്ഞൊരു ഭീകരൻ വുഹാൻ മണ്ണിൽ കാൽ വച്ചു. തിരസ്കരിക്കപ്പെട്ടവൻ പുറത്തെടുത്തു രൗദ്രഭാവം ഭീകരനവനെ അറിയാതെ ഭയന്നു വിറച്ചു മാനവ ജനത ജാതിമത അതിർവരമ്പുകളില്ലാതവൻ ദൈവത്തിൻറെ സ്വന്തം നാട്ടിൽ പൂരങ്ങൾതൻ നാട്ടിൽ എത്തി തൃശ്ശിവപേരൂരിൽ തിരു മണ്ണിൽ തിരിച്ചറിഞ്ഞു കേരളജനത തിരിച്ചറിവിൻ നാൾവഴികൾ പ്രതിരോധത്തിൻ പോർവഴികൾ കൂടെകൂട്ടി വ്യക്തി ശുചിത്വം കൈ കഴുകി അകറ്റാം ഭീകരനെ മനസ്സുകൊണ്ട് അടുത്തിരിക്കാം മേനികൊണ്ട് അകന്നിരിക്കാം ആരോഗ്യത്തിൽ കഴിഞ്ഞുകൂടാം.
