ജി.എച്ച്. എസ്. എസ്. കൊട്ടോടി/Activities

Schoolwiki സംരംഭത്തിൽ നിന്ന്

കൊട്ടും തുടി സ്കൂൾ പുസ്തക പ്രകാശനം 2016

സ്കൂളിലെ വിദ്യാർത്ഥികളുടെയും അദ്ധ്യാപകരുടെയും സാഹിത്യ സൃഷ്ടികൾ ഉൾച്ചേർത്തുകൊണ്ട് പ്രസിദ്ധീകരിക്കുന്ന പുസ്തകമായ കൊട്ടുംതുടിയുടെയും മലയാളം അദ്ധ്യാപകനും എഴുത്തുകാരനുമായ കുമാരൻ പേര്യയുടെ ഉലയിൽ നിന്ന് എന്ന കവിതാ സമാഹാരത്തിന്റെയും പ്രകാശനം 2016 ജനുവരി 29 ന് പ്രശസ്തസാഹിത്യകാരൻ ടി.പത്മനാഭൻ നിർവ്വഹിച്ചു. പി.ടി.എ. പ്രസിഡണ്ട് ടി.കെ.നാരായണൻ അദ്ധ്യക്ഷം വഹിച്ചു.പഞ്ചായത്തംഗങ്ങളായ പെണ്ണമ്മ ജയിംസ്,ബി.രമ,എസ്.എം.സി.ചെയർമാൻ ബി.അബ്ദുള്ള,പ്രിൻസിപ്പാൾ ഇൻ ചാർജ്ജ് മൈമൂന.ഹെഡ്‌മാസ്റ്റർ ഷാജി ഫിലിപ്പ്എം,മുൻ ഹെഡ്‌മാസ്റ്റർ എം.ഭാസ്കരൻ,സുകുമാരൻ പെരിയച്ചൂർ എന്നിവർ സംസാരിച്ചു.

ആഗസ്ത് 6 ഹിരോഷിമാ ദിനം - യുദ്ധവിരുദ്ധ ദിനം 2016

സാമൂഹ്യശാസ്ത്ര ക്ലബ്ബിന്റെയും മറ്റ് സ്കൂൾ ക്ലബ്ബുകളുടെയും ആഭിമുഖ്യത്തിൽ ഹിരോഷിമാ ദിനത്തിന്റെ സ്മരണ പുതുക്കി യുദ്ധവിരുദ്ധ പ്രതിജഞയെടുത്തു.യുദ്ധവിരുദ്ധ റാലിയും നടത്തി.

സ്കൂൾ കായികമേള 2016

സ്കൂൾ ബസ് ഫ്ലാഗ് ഓഫ്

എം.എൽ.എ ഫണ്ടിൽ നിന്നും അനുവദിച്ച സാമ്പത്തിക സഹായം ഉപയോഗിച്ച് വാങ്ങിയ സ്കൂൾ ബസ് ഫ്ലാഗ് ഓഫ് കർമ്മം എം.എൽ.എ ഇ ചന്ദ്രശേഖരൻ നിർവ്വഹിച്ചു.

സ്കൂൾ ബസ്‍‍
സ്കൂൾ ബസ്‍‍ഫ്ലാഗ് ഓഫ് കർമ്മം എം.എൽ.എ ഇ ചന്ദ്രശേഖരൻ നിർവ്വഹിച്ചു.

പരിസ്ഥിതി ദിനം ജൂൺ 5 2017

2017 ലെ പരിസ്ഥിതി ദിനാചരണം വിവിധ പരിപാടികളോടെ നടത്തി.മാതൃഭൂമി ഫോട്ടോഗ്രാഫർ ഷൈൻ പരിപാടികൾ ഉത്ഘാടനം ചെയ്തു.അദ്ദേഹത്തിന്റെ പരിസ്ഥിതി ഫോട്ടോ പ്രദർശനവും ഉണ്ടായിരുന്നു.പ്രിൻസിപ്പാൾ ഇൻ ചാർജ് മൈമൂന എം അധ്യക്ഷത വഹിച്ച ചടങ്ങിൽ ഹെഡ്‌മാസ്റ്റർ ഷാജി ഫിലിപ്പ് സ്വാഗതം പറഞ്ഞു.പരിസ്ഥിതി ക്ലബ്ബ് കൺവീനർ ആൻസി അലക്സ് നന്ദി പറഞ്ഞു.വിദ്യാർത്ഥികൾക്ക് ചടങ്ങിൽ വച്ച് മരത്തൈകളുടെ വിതരണവും നടത്തി.ബി.അബ്ദുള്ള,ഗ്രേസി ഗോപി,സുകുമാരൻ. എം,ബാലകൃഷ്ണൻ.വി.കെ, എന്നിവർ സംസാരിച്ചു.

60ാം വാർഷികം

വിളംബര ജാഥ വിളംബര ജാഥ എ.പി.ജെ അബ്ദുൾ കലാം ഹാളിൽ 60 മഹാൻമാരുടെ ഫോട്ടോ അനാഛാദനം വിശിഷ്ടാഥിതികൾ എ.പി.ജെ അബ്ദുൾ കലാം ഹാളിൽ ഒത്തു ചേർന്നപ്പോൾ

ബാലോത്സവം 2017

സ്കൂൾ മികവുകൾ പൊതുസമൂഹത്തെ അറിയിക്കുന്നതിനും പൊതുസമൂഹത്തെ പൊതുവിദ്യാലയങ്ങളിലേക്ക് ആകർഷിക്കുന്നതിനും വേണ്ടി എസ്.എസ്.എ യുടെ നിർദ്ദേശപ്രകാരം 2017 മാർച്ച് 7 ന് ബാലോത്സവം സംഘടിപ്പിച്ചു.സ്കൂളിനടുത്തുള്ള അംഗൺവാടി കുട്ടികളെയും രക്ഷിതാക്കളെയും സ്കൂളിലേക്ക് ക്ഷണിച്ച് ആദരിച്ചു. കള്ളാർ ഗ്രാമ പഞ്ചായത്ത് വൈസ് പ്രസിഡണ്ട് ടി.കെ.നാരായണൻ ബാലോത്സവം ഉദ്ഘാടനം ചെയ്തു.ഗ്രാമപഞ്ചായത്ത് സ്ഥിരം സമിതി അധ്യക്ഷ പെണ്ണമ്മ ജയിംസ് അംഗൺവാടി കുട്ടികളെ അനുമോദിച്ചു.പി.ടി.എ പ്രസിഡണ്ട് ബി.അബ്ദുള്ള അധ്യക്ഷത വഹിച്ചു.വാർഡ് അംഗം ബി.രമ,പ്രിൻസിപ്പാൾ ഇൻ ചാർജ് മൈമൂന,സുകുമാരൻ പെരിയച്ചൂർ,ഫിലിപ്പ് കൊട്ടോടി,ഗ്രേസി ഗോപി,വി,കെ.ബാലകൃഷ്ണൻ എന്നിവർ സംസാരിച്ചു.ഹെഡ്‌മാസ്റ്റർ ഷാജി ഫിലിപ്പ് സ്വാഗതവും,സ്റ്റാഫ് സെക്രട്ടറി പ്രശാന്ത് നന്ദിയും പറഞ്ഞു.അംഗൺവാടി കുട്ടികളുടെയും സ്കൂളിലെ കുട്ടികളുടെയും വിവിധ കലാപരിപാടികൾ നടന്നു.രാവിലെ മുതൽ വൈകുന്നേരം വരെയായിരുന്നു പരിപാടി.ഹരിപ്രിയ ടീച്ചറും കുട്ടികളും അണിയിച്ചൊരുക്കിയ വൈലോപ്പിള്ളിയുടെ മാമ്പഴം കവിതയുടെ രംഗാവിഷ്കാരം നവ്യാനുഭവമായി.വ്യത്യസ്തമായ അനുഭവമായി മാറി ബാലോത്സവം 2017.

2017 നവംബർ 14 ശിശുദിനാഘോഷം

2017 നവംബർ 14 ശിശുദിനാഘോഷം സ്കൂളിൽ വൈവിധ്യമാർന്ന പരിപാടികളോടെ നടത്തി.ശിശുദിന റാലിയോടുകൂടി ആരംഭിച്ച പരിപാടികൾ കുട്ടികളുടെ വിവിധ കലാപരിപാടികളോടുകൂടി അവസാനിച്ചു.

ടാലന്റ് ലാബ്

നിറക്കൂട്ട് - ചിത്രരചനാ ക്യാമ്പ് - 2017 ഡിസംബർ 9

കുട്ടികളിലെ ചിത്രരചനയിലുള്ള താല്പര്യവും കഴിവും പരിപോഷിപ്പിക്കുന്നതിന് സ്കൂൾ ടാലന്റ് ലാബിന്റെ നേതൃത്വത്തിൽ ഏകദിന ചിത്രരചനാ ക്യാമ്പ്‌ സംഘടിപ്പിച്ചു. ചിത്രകാരനും മാധ്യമ പ്രവർത്തകനുമായ രവീന്ദ്രൻ കൊട്ടോടി പെൻസിൽ ഡ്രോയിംഗ് ജലച്ചായം എന്നീ മേഘലകളിൽ കുട്ടികൾക്ക് ക്ലാസ്സെടുത്തു. ക്യാമ്പിന്റെ ഉദ്ഘാടനം കള്ളാർ ഗ്രാമപഞ്ചായത്ത് വൈസ് പ്രസിഡണ്ടും സ്കൂൾ പി.ടി.എ പ്രസിഡണ്ടുമായ ടി.കെ.നാരായണൻ നിർവ്വഹിച്ചു.ചടങ്ങിൽ 14-ാം വാർഡ് മെമ്പറും പി.ടി.എ വൈസ് പ്രസിഡണ്ടുമായ ബി.രമ അധ്യക്ഷത വഹിച്ചു. പ്രശാന്ത് .പി.ജി. സ്വാഗതം പറഞ്ഞു.എസ്.എം സി ചെയർമാൻ ബി.അബ്ദുള്ള ,ഹെഡ്മാസ്റ്റർ ഷാജി ഫിലിപ്പ് എന്നിവർ ആശംസയർപ്പിച്ചു.എ.എം.കൃഷ്ണൻ നന്ദി പറഞ്ഞു. 60 കുട്ടികൾ ക്യാമ്പിൽ പങ്കെടുത്തു. ക്യാമ്പംഗങ്ങളുടെ ചിത്രപ്രദർശനം വൈകിട്ട് നടത്തി അധ്യാപകരായ നളിനി.ആർ.ജി ,ബേബി സുധ ,ധനലക്ഷ്മി ,സവിത വി.ആർ ,ബിനോയി ഫിലിപ്പ് ,വി.കെ.ബാലകൃഷ്ണൻ ഓഫീസ് സ്റ്റാഫ് ജോൺ.കെ.എ എന്നിവരും ക്യാമ്പിൽ പങ്കുചേർന്നു. വൈകിട്ട് 4.30ന് ക്യാമ്പ് സമാപിച്ചു



കൊട്ടും തുടി സ്കൂൾ പുസ്തക പ്രകാശനം 2018

സ്കൂളിലെ വിദ്യാർത്ഥികളുടെയും അദ്ധ്യാപകരുടെയും സാഹിത്യ സൃഷ്ടികൾ ഉൾച്ചേർത്തുകൊണ്ട് പ്രസിദ്ധീകരിക്കുന്ന പുസ്തകമായ കൊട്ടുംതുടിയുടെ പ്രകാശനം 2018 മാർച്ച് 5 ന് പ്രശസ്തസാഹിത്യകാരൻ അംബികാ സുതൻ മാങ്ങാട് നിർവ്വഹിച്ചു.അനുബന്ധ പരിപാടികൾ കള്ളാർ ഗ്രാമ പഞ്ചായത്ത് പ്രസിഡണ്ട് ഉദ്ഘാടനം ചെയ്തു. പി.ടി.എ. പ്രസിഡണ്ട് ടി.കെ.നാരായണൻ അദ്ധ്യക്ഷം വഹിച്ചു.എസ്.എം.സി.ചെയർമാൻ ബി.അബ്ദുള്ള,പ്രിൻസിപ്പാൾ ഇൻ ചാർജ്ജ് മൈമൂന.എം,സിനി.ടി.എം,സുകുമാരൻ പെരിയച്ചൂർ എന്നിവർ സംസാരിച്ചു.ജഹാംഗീർ.വി.നന്ദി പറഞ്ഞു.

മികവുത്സവവും കോർണർ പി.ടി.എ യും

കൊട്ടോടി ഗവ.ഹയർ സെക്കന്ററി സ്കൂൾ മികവുത്സവം 2018, രണ്ട് സ്ഥലങ്ങളിലായി നടത്താൻ എസ്.ആർ.ജി,സ്റ്റാഫ് കൗൺസിൽ യോഗം ചേർന്ന് തീരുമാനിച്ചു.ചുള്ളി കമ്മ്യൂണിറ്റി ഹാളിൽ വച്ച്24.03.2018, ശനിയാഴ്ചയും,ത‌ൂങ്ങൽ കമ്മ്യൂണിറ്റി ഹാളിൽ വച്ച്27.03.2018, ചൊവ്വാഴ്ചയും


മികവുത്സവം 2018ചുള്ളി കമ്മ്യൂണിറ്റി ഹാൾ 24.03.2018, ശനി

ചുള്ളി കമ്മ്യൂണിറ്റി ഹാളിൽ വച്ച് 24.03.2018,ശനിയാഴ്ച നടന്ന മികവുത്സവം കള്ളാർ ഗ്രാമ പഞ്ചായത്ത് വിദ്യാഭ്യാസ സ്റ്റാൻഡിംഗ് കമ്മിറ്റി ചെയർ പേഴ്സൺ പെണ്ണമ്മ ജയിംസ് ഉത്ഘാടനം ചെയ്തു.ബേഡകം ഗ്രാമ പഞ്ചായത്ത് വാർഡ് മെമ്പർ ഉമാവതി.കെ അദ്ധ്യക്ഷത വഹിച്ചു.ചടങ്ങിൽ ഊരു മൂപ്പൻ മനോജിനെ സ്കൂൾ എസ്.എം.സി ചെയർമാൻ ബി. അബ്ദുള്ള പൊന്നാടയണിയിച്ചു.എ.എം.കൃഷ്ണൻ കോർണർ പി.ടി.എ,മികവുത്സവം എന്നിവയെപ്പറ്റി വിശദീകരിച്ചു.മനോജ്,ബിജിജോസഫ്,സീനിയർ അസിസ്റ്റന്റ്,ശാന്ത,എസ്.ടി.പ്രൊമോട്ടർ,ജയന്തി,വന്ദന കുടുംബശ്രീ എന്നിവർ ആശംസകളർപ്പിച്ച് സംസാരിച്ചു.സ്റ്റാഫ് സെക്രട്ടറി പ്രശാന്ത്.പി.ജി നന്ദി പറഞ്ഞു.തുടർന്ന് വിദ്യാർത്ഥികളുടെ അക്കാദമികവും കലാപരവുമായ മികവുകളുടെ പ്രകടനം നടന്നു.എ.സി.ഗർവ്വാസിസ് മാസ്റ്ററടെ നേതൃത്വത്തിൽ ശാസ്ത്രറോക്കറ്റ് വിക്ഷേപണം നടത്തി.മികവുത്സവം നാട്ടുകാർക്കും രക്ഷിതാക്കൾക്കും വേറിട്ട ഒരനുഭവമായി മാറി.ജനപങ്കാളിത്തം കൊണ്ട് മികവുത്സവം ശ്രദ്ധേയമായി.


മികവുത്സവം 2018ത‌ൂങ്ങൽ കമ്മ്യൂണിറ്റി ഹാൾ

മികവുത്സവം 2018ത‌ൂങ്ങൽ കമ്മ്യൂണിറ്റി ഹാളിൽ 27.03.2018,ചൊവ്വാഴ്ച ഉച്ചയ്ക്ക് ശേഷം നടന്നു.കോടോംബേളൂർ വികസനകാര്യ സ്റ്റാൻഡിംഗ് കമ്മിറ്റി ചെയർമാൻ ശ്രീ.എ.സി.മാത്യുവിന്റെ അസാന്നിദ്ധ്യത്തിൽ കള്ളാർ ഗ്രാമ പഞ്ചായത്ത് അംഗവും കൊട്ടോടി സ്കൂൾ പി.ടി.എ വൈസ് പ്രസിഡണ്ടുമായ ശ്രീമതി.ബി.രമ ഉത്ഘാടനം നിർവ്വഹിച്ചു.എസ്.എം.സി.ചെയർമാൻ ബി.അബ്ദുള്ള അധ്യക്ഷത വഹിച്ച ചടങ്ങിന് എ.എം.കൃഷ്ണൻ സ്വാഗതവും ശ്രീമതി.ആൻസി അലക്സ് നന്ദിയും പറഞ്ഞു.സ്റ്റാഫ് സെക്രട്ടറി പ്രശാന്ത് പി.ജി,മികവുത്സവവു കോർണർ പി ടി എയും എന്തിന് എന്ന് വിശദീകരിച്ചു.ഹെഡ്‌മാസ്റ്റർ ഷാജി ഫിലിപ്പ് ഊരുമൂപ്പൻ ശ്രീ.ഗോപാലനെ പൊന്നാടയണിയിച്ച് ആദരിച്ചു.ശ്രീമതി.ഗ്രേസി ഗോപി (മദർ പി ടി എ പ്രസിഡണ്ട്),ശ്രീ.പത്മനാഭൻ.വി ( എസ്.ടി.പ്രൊമോട്ടർ),ശ്രീമതി.ബിജി ജോസഫ്(സീനിയർ അദ്ധ്യാപിക),ശ്രീ.ജോസ് പുതുശ്ശേരിക്കാലായിൽ, ശ്രീ.സന്ദീപ്.കെ,ശ്രീ.വി.കെ.ബാലകൃഷ്ണൻ എന്നിവർ ആശംസകൾ അർപ്പിച്ചു.


പ്രവേശനോത്സവം 2017-2018

പ്രവേശനോത്സവം 2018 - 19


ജൂൺ 5 പരിസ്ഥിതി ദിനം 2018

സ്കൂൾ ക്ലബ്ബുകളുടെ ഉദ്ഘാടനം - 2018 ജൂൺ 19

സ്കൂൾ ക്ലബ്ബുകളുടെ ഉദ്ഘാടനം - 2018 ജൂൺ 19 ന് സ്കൂളിലെ മുൻ അദ്ധ്യാപകൻ വി.കെ.ബാലകൃഷ്ണൻ മാസ്റ്റർ നിർവഹിച്ചു.

2018 ഡോക്ടേഴ്സ് ഡേ ദിനാചരണവും മാതൃഭൂമി സീഡ് ക്ലബ്ബ് ജില്ലാതല പ്രവർത്തനോദ്ഘാടനവും

2018 വർഷത്തെ മാതൃഭൂമി സീഡ് ക്ലബ്ബ് ജില്ലാതല പ്രവർത്തനോദ്ഘാടനവും ഡോക്ടേഴ്സ് ഡേ ദിനാചരണവും ജൂലൈ 1 ന് 11 മണിക്ക് സ്കൂളിൽ വച്ച് നടത്തി.പ്രദേശത്തെ ജനകീയ ഡോക്ടർ ഡോ.സമദിനെ ഡോക്ടേഴ്സ് ദിനത്തോടനുബന്ധിച്ച് ആദരിച്ചു.ഹരിതകേരള മിഷൻ ജില്ലാ കോർഡിനേറ്റർ എം.പി.സുബ്രഹ്മണ്യൻ ഉദ്ഘാടനം ചെയ്ത ആദരിക്കൽ ചടങ്ങിൽ കള്ളാർ ഗ്രാമപഞ്ചായത്ത് വൈസ് പ്രസിഡണ്ട് ടി.കെ.നാരായണൻ അദ്ധ്യക്ഷത വഹിച്ചു.ഡോ.സമദിനെ ടി.കെ.നാരായണൻ പൊന്നാടയണിയിച്ചു.ഹരിതകേരള മിഷൻ ജില്ലാ കോർഡിനേറ്റർ എം.പി.സുബ്രഹ്മണ്യൻ മെമെന്റോ നൽകി.2018 വർഷത്തെ മാതൃഭൂമി സീഡ് ക്ലബ്ബ് ജില്ലാതല പ്രവർത്തനോദ്ഘാടനം സീഡ് അംഗങ്ങൾക്ക് തേൻവരിക്ക പ്ലാവിൻതൈ വിതരണം ചെയ്ത് ഹരിതകേരള മിഷൻ ജില്ലാ കോർഡിനേറ്റർ എം.പി.സുബ്രഹ്മണ്യൻ നിർവ്വഹിച്ചു.


പ്രളയ ദുരിതാശ്വാനിധി സമാഹരണം - ഞങ്ങളും ദുരിത ബാധിതരുടെ കൂടെ

മാതൃഭൂമി സീഡ് ക്ലബ്ബ് കൊട്ടോടി യൂണിറ്റിന്റെയും ജൂനിയർ റെഡ് ക്രോസ് യൂണിറ്റിന്റെയും ആഭിമുഖ്യത്തിൽ ദുരിതാശ്വാസ നിധി സമാഹരണം നടത്തി.


സ്വാതന്ത്ര്യദിനം 2018

ആഘോഷങ്ങൾ ഒഴിവാക്കി സ്വാതന്ത്ര്യ ദിനം.പ്രളയ ദുരിതമനുഭവിക്കുന്ന സഹോദരന്മാർക്ക് ഐക്യദാർഡ്യം പ്രഖ്യാപിച്ചു കൊണ്ടാണ് സ്വാതന്ത്ര്യ ദിന പരിപാടികൾ നടത്തിയത്.സ്കൂൾ പ്രിൻസിപ്പാൾ ബിന്ദു ടീച്ചർ പതാകയുയർത്തി.കള്ളാർ ഗ്രാമപഞ്ചായത്ത് വിദ്യാഭ്യാസ സ്റ്റാൻഡിംഗ് കമ്മിറ്റി ചെയർ പേഴ്സൺ പെണ്ണമ്മ ജയിംസ് മുഖ്യാതിഥിയായി.

അദ്ധ്യാപക ദിനത്തിൽ അദ്ധ്യാപകർക്ക് ആദരവുമായി വിദ്യാർത്ഥികൾ

കൊട്ടോടി. (05.09.2018):അദ്ധ്യാപകദിനത്തിൽ ക്ലാസ്സുകളെടുത്തും അദ്ധ്യാപകരെ ആദരിക്കുന്ന ചടങ്ങ് സംഘടിപ്പിച്ചും വിദ്യാർത്ഥികൾ അദ്ധ്യാപകദിനാഘോഷം വ്യത്യസ്തമാക്കി.കൊട്ടോടി ഗവ.ഹയർ സെക്കന്ററി സ്കൂളിലെ പത്താം ക്ലാസ്സ് വിദ്യാർത്ഥികളാണ് തങ്ങളുടെ പ്രിയ അദ്ധ്യാപകരെ ആദരിക്കുന്ന ചടങ്ങ് സംഘടിപ്പിച്ചത്.ഉച്ചയ്ക് ശേഷം മൂന്ന് മണിക്കാണ് സ്കൂൾ ഹാളിൽ ചടങ്ങ് നടത്തിയത്.ഹാളൊരുക്കുന്നതുമുതൽ പരിപാടികൾ ക്രമീകരിക്കുന്നതടക്കമുള്ള കാര്യങ്ങൾക്ക് കുട്ടികളാണ് നേതൃത്വം നൽകിയത്.എല്ലാ അദ്ധ്യാപകരെയും പൂക്കൾ നൽകി സ്വീകരിച്ചത് ഒന്നാം ക്ലാസ്സിലെ കൊച്ചുകുട്ടികളാണ്.ഓരോ അദ്ധ്യാപകർക്കും സ്വാഗതഗാനങ്ങൾ തയ്യാറാക്കി.ചടങ്ങിൽ ശ്രീരഞ്ജിനി,വർഷമോൾ,ഷെറിൻ എന്നിവർ അദ്ധ്യാപകദിനാശംസകൾ നേർന്ന് സംസാരിച്ചു.അദ്ധ്യാപകരായ എ.എം.കൃഷ്ണൻ,ആലീസ് തോമസ്,മധുസൂദനൻ എന്നിവർ സംസാരിച്ചു.അനഘ നന്ദി പറഞ്ഞു.

2019 ജനുവരി 26 റിപ്പബ്ലിക് ദിനാഘോഷം

കാർഗിൽ യുദ്ധത്തിൽ പങ്കെടുത്ത,യുദ്ധമേഖലയിൽ നിന്നും അത്ഭുതകരമായി രക്ഷപ്പെട്ട ധീരജവാൻ ജോണി കുടുന്നനാംകുഴിക്ക് കൊട്ടോടി സ്കൂളിന്റെ ആദരം.ജനുവരി 26 റിപ്പബ്ലിക് ദിനത്തിൽ സംഘടിപ്പിച്ച ചടങ്ങിൽ കള്ളാർ ഗ്രാമ പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർ പേഴ്സൺ പെണ്ണമ്മ ജയിംസ് ധീരജവാൻ ജോണി കുടുന്നനാംകുഴിയെ പൊന്നാടയണിയിച്ച് ആദരിച്ചു.ചടങ്ങിൽ പി.ടി.എ പ്രസിഡണ്ട് ബി.അബ്ദുള്ള അധ്യക്ഷത വഹിച്ചു.എസ്.എം.സി ചെയർമാൻ ജോസ് പുതുശേരിക്കാലായിൽ,പി.ടി.എ വൈസ് പ്രസിഡണ്ട് രവീന്ദ്രൻ കൊട്ടോടി എന്നിവർ ആശംസകളർപ്പിച്ചു.ഹെഡ്‌മാസ്റ്റർ ഷാജി ഫിലിപ്പ് സ്വാഗതവും മധുസൂദനൻ നന്ദിയും പറഞ്ഞു.രാവിലെ 9 മണിക്ക് ഹെഡ്‌മാസ്റ്റർ പതാകയുയർത്തി.വിദ്യാർത്ഥികൾക്ക് മധുരം നൽകി.വിദ്യാർത്ഥികളുടെ ദേശഭക്തിഗാനവും ജോണി കുടുന്നനാംകുഴിയുടെ മാജിക് പ്രദർശനവും ചടങ്ങ് ആകർഷകമാക്കി.അധ്യാപകരും പി.ടി.എ അംഗങ്ങളും ചടങ്ങിൽ സംബന്ധിച്ചു.(ജോണി കുടുന്നനാംകുഴിയുമായി ലിറ്റിൽ കൈറ്റ്സ് അംഗങ്ങൾ നടത്തിയ അഭിമുഖം കാണുക)

റിപ്പബ്ലിക് ദിനാഘോഷം2019
സ്വാഗതം ഷാജി ഫിലിപ്പ്(ഹെഡ്‌മാസ്റ്റർ)
അധ്യക്ഷപ്രസംഗം ബി.അബ്ദുള്ള
മുഖ്യപ്രഭാഷണം പെണ്ണമ്മ ജയിംസ്
പെണ്ണമ്മ ജയിംസ് ജോണി കുടുന്നനാംകുഴിയെ പൊന്നാടയണിയിക്കുന്നു.
ആശംസ ജോസ് പുതുശേരിക്കാലായിൽ
ആശംസ രവീന്ദ്രൻ കൊട്ടോടി
ജോണി കുടുന്നനാംകുഴി തന്റെ യുദ്ധാനുഭവങ്ങൾ പങ്കുവെക്കുന്നു
ചടങ്ങ്
ലിറ്റിൽ കൈറ്റ്സ് അംഗങ്ങൾ ജോണി കുടുന്നനാംകുഴിയുമായി അഭിമുഖം നടത്തുന്നു
ലിറ്റിൽ കൈറ്റ്സ് അംഗങ്ങൾ ജോണി കുടുന്നനാംകുഴിയുമായി
സ്കൂളിന്റെ ആദരം
വാർത്ത
ജനുവരി 26ഃ2019