എൻ ആർ പി എം എച്ച് എസ് എസ് കായംകുളം/ഹൈസ്കൂൾജൈവ കൃഷി
സ്കൂൾ | സൗകര്യങ്ങൾ | പ്രവർത്തനങ്ങൾ | പ്രൈമറി | എച്ച്.എസ് | എച്ച്.എസ്.എസ്. | ചരിത്രം | അംഗീകാരം |
ഏത്ത വാഴകൃഷി
![](/images/thumb/e/e4/36053jaivakrishi.jpg/200px-36053jaivakrishi.jpg)
പത്തിയൂർ പഞ്ചായത്തിലെ കൃഷി ഓഫീസറുടെ സഹായത്തോടു കൂടി എൻ.ആർ.പി.എം . ഹൈസ്ക്കൂളിൽ ഒരു ജൈവ പച്ചക്കറിത്തോട്ടം നിർമ്മിച്ചു. കുട്ടികളിൽ കൃഷി ചെയ്യാനുള്ള താല്പര്യം ഉണ്ടാക്കിയെടുക്കുന്നതിനും, ജൈവ കൃഷിയെ പ്രോത്സാഹിപ്പിക്കുന്നതിനും, സ്വയം പര്യാപ്തതയിൽ എത്തുന്നതിനും ഉള്ള മനോഭാവം ഉണ്ടാക്കിയെടുക്കുന്നതിനും വേണ്ടിയാണ് ഈ പദ്ധതി ആരംഭിച്ചത്. ആദ്യമായി സ്ക്കൂൾ കോമ്പൗണ്ടിൽ നല്ല വെയിൽ കിട്ടുന്ന സ്ഥലം തെരഞ്ഞെടുത്തു. ഒരു കൂട്ടം അദ്ധ്യാപകരും , വിദ്യാർത്ഥികളും ചേർന്ന് നിലം കിളച്ചൊരുക്കി കുമ്മായവും ചാണകപ്പൊടിയും , വേപ്പിൻപിണ്ണാക്കും ചേർത്തിളക്കി കൃഷിക്കനു യോജ്യമാക്കി. ഒരാഴ്ചയ്ക്കു ശേഷം കൃഷി ഭവനിൽ പച്ചക്കറി തൈകൾ വന്നു എന്നറിയിച്ചു. വഴുതന , വെണ്ട, പടവലം , പാവൽ, പയർ, തക്കാളി, മുളക് എന്നിവയുടെ ഒരു മാസം പ്രായമായ തൈകൾ അവിടെ പോയി ശേഖരിച്ചു. അദ്ധ്യാപകരുടെ നേതൃത്വത്തിൽ കുട്ടികൾ തൈകൾ നട്ട് വെള്ളം ഒഴിച്ചു. ഒരാഴ്ചയ്ക്കു ശേഷം കടലപ്പിണ്ണാക്ക് , പച്ചച്ചാണകം , വേപ്പിൻ പിണ്ണാക്ക് എന്നിവ ചേർത്ത് വലിയ വീപ്പയിൽ ജൈവ സ്ലറി തയ്യാറാക്കി വച്ചു. രണ്ടാഴ്ച കഴിഞ്ഞ പ്പോൾ പത്തിരട്ടി വെള്ളം ചേർത്ത് നേർപ്പിച്ച് ഒഴിച്ചു കൊടുത്തു. ദിവസവും കുട്ടികൾ ജലസേചനം നടത്തി. വേപ്പെണ്ണ വെളുത്തുള്ളി മിശ്രിതം ചേർത്ത് ജൈവ കീടനാശിനിയുണ്ടാക്കി കീട നിയന്ത്രണം നടത്തി. 45 ദിവസം പ്രായമായപ്പോൾ വിളവെടുപ്പ് നടത്തി. വിളവെടുത്ത പച്ചക്കറികൾ കുട്ടികളുടെ ഉച്ചഭക്ഷണത്തിന് ഉപയോഗിച്ചു. കുട്ടികളുടെ പങ്കാളിത്തം നല്ല വിളവ് ലഭിയ്ക്കുന്നതിന് കാരണമായി. സ്ക്കൂളിലെ കൃഷിരീതി മനസ്സിലാക്കി അവർ വീടുകളിൽ കൃഷി ആരംഭിച്ചു. ഇങ്ങനെ കൃഷി ചെയ്തതിന്റെ ഫലമായി കുട്ടികളിൽ കൃഷിയോടുള്ള താല്പര്യം ഉണ്ടാക്കിയെടുക്കാൻ സാധിച്ചു.
എത്തവാഴകൃഷി പ്രോത്സാഹിപ്പിക്കുക എന്ന ലക്ഷ്യത്തോടെ 100 കുട്ടികൾക്ക് എത്തവാഴ വിത്തുകൾ നൽകി. പഴക്കുളം പാസ്സ് സൊസൈറ്റിയുമായി സഹകരിച്ചായിരുന്നു പദ്ധതി നടപ്പാക്കിയത്. മാനേജമെന്റിൽ നിന്നും പാട്ടത്തിനെ ടുത്ത സ്ഥലത്താണ് കൃഷി ആരംഭിച്ചത്. ഇതിൽ നിന്നും പ്രോത്സാഹനം ഉൾക്കൊണ്ട് മാനേജർ കാർഷിക രംഗത്തേക്ക് തിരിയുകയും 300ഏത്ത വാഴകൾ കൂടി അദ്ദേഹത്തിന്റെ ചിലവിൽ നടുകയും മൊത്തം വാഴകളുടെയും സംരക്ഷണ ചിലവുകൾ ഏറ്റെടുക്കുകയും ചെയ്തു.
എന്റെ തെങ്ങ്
എന്റെ തെങ്ങ് പദ്ധതി പ്രകാരം കായംകുളം സി പി സി ർ ഐ റീജിയണൽ കേന്ദ്രവുമായി സഹകരിച്ച് ശാസ്ത്രീയമായി തെങ്ങിൻ തൈകൾ നടാനും പരിപാലിക്കാനും പരിശീലനം നൽകുകയും 100 വിദ്യാർത്ഥികൾക്ക് സൗജന്യമായി തെങ്ങിൻ തൈകൾ വിതരണം ചെയ്യുകയും ചെയ്തു.
ചിത്രശാല
സ്കൂൾ | സൗകര്യങ്ങൾ | പ്രവർത്തനങ്ങൾ | പ്രൈമറി | എച്ച്.എസ് | എച്ച്.എസ്.എസ്. | ചരിത്രം | അംഗീകാരം |