കൊലയാളിയായ കൊവിഡെ നിൻ കളികളൊന്നും,
ഈ മലയാളനാടിൽ ഏൽകുകില്ല
കാതിലും കേൾക്കാത്ത കണ്ണിലും കാണാത്ത
കൊറോണേ... നീയിത്ര ഭീകരനോ!
അഹങ്കരിക്കുന്ന മാനവലോകമെ,
അഹന്ത വെടിയുക നീയിപ്പോൾ
അറിവിൽ കേമനാമം മനുഷ്യരൊക്കെയും
അറിയാതെ പകച്ചുനിന്നിടുമ്പോൾ,
വിറയ്ക്കരുത് മനുഷ്യമനസ്സുകൾ
വീണ്ടും തോല്പിക്കാം ഈ മഹാമാരിയെ.
ഒഴിവാക്കിയിടാം ഹസ്തദാനം നമുക്ക്
ഒഴിവാക്കിയിടാം സ്നേഹാദർശനവും
പ്രപഞ്ചം മുഴുവൻ ഭീതിയിൽ ആഴ്ത്തി-
നീ അതിവേഗം പടരുന്നു കാട്ടുതീയായ്.
മണ്ണിലെ മാലാഖമാരുള്ളൊരീ നാട്
മരണം വരെയും അവർ പോരാടുന്നു!
കാക്കിയിൽ കർക്കശർ കരളലിവുള്ളവർ,
കാക്കുന്നു എന്റെ നല്ല നാടിനെ...
ജാഗ്രതയോടെ ശുചിത്വം പാലിച്ചു
നമുക്ക് മുന്നേറിടാം ഭയക്കാതെ!
ത്യാഗം ത്യജിക്കുന്ന ആരോഗ്യപ്രവർത്തകർക്കായി
നൽകീടാം ഒരായിരം പൂച്ചെണ്ടുകൾ.
