ദൈവം നമുക്കായി തന്നൊരു പ്രകൃതി ,
മനുഷ്യ ജീവിതം ജ്വലിപ്പിക്കും മുഖ്യധാരയാം പ്രകൃതി,
കവികൾ തൻ പ്രാണനാം പ്രകൃതി സമ്പത്തിനെ-
മനുഷ്യർ നാം കാർന്നു നശിപ്പിക്കപ്പെടുന്നതു സത്യം ,
പൂത്തുനിൽക്കും വൻമരങ്ങളും പുൽമേടുകളും,
നിറഞ്ഞ പുഞ്ചിരിയായി വിളങ്ങും ചെടികളും,
ഇന്ന് നാം അലങ്കാരവും ആർഭാടത്തിനു
മായി മുറിച്ചു നീക്കിയിരിക്കുന്നു പച്ചപ്പരവതാനി
പോൾ നീണ്ടുനിവർന്ന പുൽമേടുകൾ,
വൻ കെട്ടിടങ്ങളും കൂറ്റൻ ഫ്ലാറ്റും ആയി മാറി ഇന്ന്.
ജീവനു തൻ ഭീഷണിയാം മാനവർ തൻ ചെയ്തികളിൽ,
നശിക്കുന്നു നാമോരോരുത്തരും,
ദൈവം നമുക്കായി തന്ന സുഖസൗകര്യങ്ങൾ
വേണ്ടവിധം പ്രാവർത്തികമാക്കണം,
മനുഷ്യർ നാം
പ്രകൃതിയെ സ്നേഹിക്കണം,
ഒരു നാണയത്തിന്റെ ഇരുവശം പോൽ
മനുഷ്യനും പ്രകൃതിയും വേർപെടുത്താൻ
കഴിയാത്തവിധം ബന്ധപ്പെട്ടുകിടക്കുന്നു,
മനുഷ്യർ പ്രകൃതിയിൽ ആഴത്തിൽ വേരൂന്നി വളരുവാൻ,
പ്രകൃതി -മനുഷ്യബന്ധം നീണ്ട നാൾ നിലനിൽക്കണം,
ഇത്തരം ഒരു സമൂഹം കെട്ടിപ്പടുക്കാം,
നല്ലൊരു നാളെക്കായി സ്വപ്നം കാണാം .
