കുഞ്ഞുന്നാളിൽ അമ്മ പറഞ്ഞൊരു
കുഞ്ഞിക്കഥയാണീ സത്യം
കുസൃതിയായൊരു കുഞ്ഞിക്കുട്ടൻ
കുറുമ്പു കാട്ടും നേരത്ത്
മണ്ണു കുഴച്ചു കളിച്ചു രസിച്ചു
കുറുമ്പു കാട്ടി വന്നാലും
അമ്മ തന്നൊരു മന്ത്രവാക്യം
കാതിൽ എന്നും മുഴങ്ങീടും
കൈയ്യും മുഖവും വൃത്തിയാക്കി
മിടുക്കനായി വളർന്നാലോ
രോഗാണുക്കൾ ഓടിയൊ ളിക്കും
ആരോഗ്യം പാഞ്ഞെത്തിടും
കൊറോണയെന്നൊരു മാരക രോഗം
ലോകത്താകെ പായുമ്പോൾ
കുഞ്ഞുനാളിലെ ശുചിത്വബോധം
തുണയായി വന്നത് കണ്ടില്ലേ.
