ഏട്ടാ ഏട്ടാ പോകല്ലേ
വീടിനു പുറത്തേക്കിറങ്ങല്ലേ
പേടിക്കാനുണ്ട് കൊറോണയെ
പേടിക്കാനുണ്ട് പോലീസിനെ
ഇല്ലയനിയത്തി പോകേണം
ഏട്ടന് പുറത്തേക്കോടേണം
വീട്ടിലിരുന്നു മടുത്തല്ലോ
കൂട്ടരെയൊക്കെ കാണേണം
വേണ്ട ഏട്ടൻ പോകേണ്ട
പുറത്തേക്കിറങ്ങാൻ പാടില്ല
വാർത്തകൾ എല്ലാം കണ്ടൂടെ
ഏട്ടനൊന്നും അറിഞ്ഞൂടേ
വീട്ടിലിരിക്കാൻ പാടില്ലേ
നിയമം നമ്മൾ പാലിക്കേണ്ടേ
ഏട്ടൻ തന്നെ പറഞ്ഞിട്ടില്ലേ.
മോളും പറഞ്ഞാൽ പിന്നെന്താ
ഏട്ടൻ എവിടെയും പോണില്ല
മോളുടെ കൂടെ ഇരിക്കാല്ലോ
പാട്ടും കളിയും ആവാല്ലോ
ഏട്ടൻ ഏട്ടൻ നല്ലേട്ടൻ
ഏട്ടന് കളിക്കാൻ മോളില്ലേ
കളിയും പാട്ടും ആവാല്ലോ
കഥകൾകൂടെ പറയാല്ലോ
കോറോണയെല്ലാം പോയിട്ട്
പുറത്തുപോയി കളിക്കാല്ലോ
