പരിസ്ഥിതി
അടയാളശീലുകളേറെ തന്നു ഞാൻ,
അറിയാതെ പോയ് ഹേ മനുഷ്യാ നീ...
കാവുകളെല്ലാം വെട്ടിത്തെളിച്ചു നീ,
കാനന ശാരിക യെങ്ങോ പറന്നു പോയ്...
മഴപ്പെയ്ത്തില്ല മഞ്ഞുപുലരിയില്ല,
വസന്തവും വഴിമറന്നുപോയ്....
വേനൽച്ചൂടിൽ വെന്തുരുകവേ,
ശീതളഛായയും വീണുപോയ്...
ഉണങ്ങിയ നാമ്പുകളൊക്കെയും
ചിതലെടുക്കയായ് ഉണരുക -
മനുജാ നീ ഇനിയുമല്ലെങ്കിൽ
വരില്ല പുലരികൾ ഈ വഴിയേ,
വരില്ല ഒരിളം കാറ്റുപോലും.....