പ്രപഞ്ചമേ നിന്നിലെ വരദാനമായിതാ
നില്കുന്നു ഞാനൊരു പറവയായി
ജീവിതം മാത്രമോ എന്നൊന്നു ചോദിച്ച
മനുഷ്യന്റെയെല്ലാം അടിമയായി
സ്നേഹമെന്തെന്നറിയാത്ത മനുഷ്യരോ
ചിറകിന്റെ നന്മയെ അന്ധ മാക്കി
മനുഷ്യന്റെ ആജ്ഞാപനത്തിന്റെ മുന്പിലോ
ചിറകിന്റെ സേവനം തോറ്റുപോയി
പക്ഷിതൻ സഹനങ്ങളെല്ലാം പറഞ്ഞിതാ
തണലുകൾ പോലും നിശബ്ദമായി.
മനുഷ്യൻറെ നീച പ്രവൃത്തിക്കും മുന്നിൽ
പ്രപഞ്ചമേ നീയും തോറ്റുപോയോ
എന്നെ ഉറക്കുവാൻ നീ വരുന്നില്ലയോ
സ്നേഹമായി, നന്മയായി, സന്തോഷമായി
