അവൾ, കലികാലത്തിന്റെ സന്തതി
ജാതിക്കും മതത്തിനും വേണ്ടി,
സ്വത്തിനും സമ്പത്തിനും വേണ്ടി,
ദൂർത്തിനും ആര്ഭാടത്തിനും വേണ്ടി,
തമ്മിൽതല്ലുന്ന മനുഷ്യകോമരങ്ങളുടെ ഇടയിലേക്ക്
നിശബ്ദയായി അദൃശ്യയായി പറന്നിറങ്ങി.....
തന്നെ നോക്കി പല്ലിളിച്ചുകാണിച്ച ലോകത്തെ തന്നെ മാറ്റിമറിക്കാൻ-
കഴിയുമെന്ന് സ്വയം വിശ്വസിച്,
സ്വാർത്ഥരായ മനുഷ്യരുടെ ഇടയിൽ അവൾ സംഹാര താണ്ഡവമാടി......
ലോകം തന്നെ നശിപ്പിക്കാൻ കഴയുന്ന,
ആറ്റോംബോംബിന്റെയും അണുബോംബിന്റെയും സൃഷ്ടാക്കളായ-
മനുഷ്യന്, ഒന്നു പിൻവാങ്ങേണ്ടിവന്നു,
അവനവനിലേക്ക് തന്നെയുള്ള ഒരുമടക്കം......
ഇത് തിരിച്ചറിവിന്റെ കാലം
വെട്ടിപ്പിടിക്കാനുള്ള ഓട്ടപാച്ചിലുകൾക്കിടയിൽ നിന്ന് അകന്ന്,
ജീവിതം എന്താണെന്നും,സ്നേഹം എന്താണെന്നും,
വിശപ്പ്
എന്താണെന്നും, കുടുംബം എന്താണെന്നും,
മനുഷ്യൻ മനുഷ്യനെ മനസിലാക്കുന്ന കാലം
ഈ ലോക്ക്ഡൗൺ കാലം
ഒരു തിരിച്ചറിവിന്റേത് കൂടിയാകട്ടെ
അതെ, നാം ഇതിനെയും അതിജീവിക്കും
