എന്റെ അമ്മ ഐ സി യൂ വിലാണ് !
എന്റെ അമ്മ ഐ സി യൂ വിലാണ്!
ഇതിനു മുൻപും ഓരോരോ നാളിലും
അമ്മയ്ക്കു ശത്രുക്കൾ പുതുതായി ജനിച്ചല്ലോ
മഹായുദ്ധമായി സുനാമിയായി
ഓഖിയായി പ്രളയമായി
പക്ഷെ അമ്മ എന്നമ്മ തോറ്റില്ല
തുരത്തിയീ ദുരന്തങ്ങളെ
എവിടെനിന്നെന്നറിയില്ല എങ്ങിനെന്നറിയില്ല
കാലന്റെ രൂപം പിറന്നു
കോവിഡ്-19 എന്ന ഓമനപ്പേരിൽ
കൊറോണ ഭൂവിൽ ആഗതനായി
ഇന്നീ നാളുകളിൽ അവൾ -ദുരന്തഭൂമിയായി
കൊറോണയെന്ന ഭീകരസത്വത്തിൻ മുന്നിൽ
വലുതെന്നോ ചെറുതെന്നോ മാറ്റമില്ലാതെ
വ്യാപിച്ചുകിടക്കുന്നു അവന്റെ ലോകം
എൻ സഹോദരങ്ങളെ കൊല്ലുന്നു
ദുഷ്ടനാം കൊറോണാ രാക്ഷസൻ
ആരുണ്ട് രക്ഷിക്കാൻ?
ആർക്കതു സാധിക്കും?
എന്നമ്മതൻ സങ്കടം നീക്കിടുവാൻ
കൊറോണാമാരിയെ കീഴടക്കാൻ........
