മാനന്തേരി മാപ്പിള എൽ പി എസ്/അക്ഷരവൃക്ഷം/ശുചിത്വം അതാണ് എല്ലാം
ശുചിത്വം അതാണ് എല്ലാം
അന്നൊരു പ്രവേശനോത്സവം ആയിരുന്നു. ഗൗരി അഞ്ചിൽ നിന്നും ആറിലേക്കു പാസ്സ് ആയി. കൂടെ അവളുടെ കൂട്ടുകാരും. അവളുടെ ക്ലാസ്സിൽ പുതുതായി വന്ന ധാരാളം കുട്ടികൾ ഉണ്ടായിരുന്നു. അതിൽ ഒരാളായിരുന്നു മനു. മറ്റു കുട്ടികളികൾ നിന്ന് അവൻ ഏറെ വ്യത്യസ്തൻ ആയിരുന്നു. അത് കൊണ്ട് തന്നെ ഗൗരി അവനെ ശ്രദ്ധിക്കാൻ തുടങ്ങി. അലസമായി കിടക്കുന്ന മുടിയും കഴുകാത പോലുള്ള മുഖവും ബ്രഷ് ഇതുവരെ കണ്ടിട്ടില്ലാത്ത പല്ലും എന്നിങ്ങനെ ആയിരുന്നു അവന്റെ ശരീര ഭാഗത്തിന്റെ പ്രകൃതം. ഒറ്റ വാക്കിൽ പറഞ്ഞാൽ തീരെ വൃത്തി ഇല്ലാത്ത ഒരു കുട്ടി ആയിരുന്നു മനു. പതിയെ പതിയെ മറ്റു കുട്ടികൾ അവനിൽ നിന്നും അകലാൻ തുടങ്ങി. എന്നാൽ ഗൗരി ചെയ്തത് എന്താണെന്നറിയാമോ കൂട്ടുകാരെ.......... അവൾ അവനെ വൃത്തി ഇല്ലാത്തവനിൽ നിന്നും വൃത്തി ഉള്ളവൻ ആക്കി മാറ്റാൻ തുടങ്ങി. ഗൗരി അവനോട് പറഞ്ഞു.. നാം നന്നായാൽ നമ്മുടെ കൂട്ടുകാർ നന്നാവും. നമ്മുടെ കൂട്ടുകാർ നന്നായാൽ നമ്മുടെ ക്ലാസ് റൂം നന്നാവും. പിന്നെ വീട്, പിന്നെ നാട്, പിന്നെ....... പിന്നെ...... അങ്ങനെ...... അങ്ങനെ ലോകം. പിറ്റേ ദിവസം മുതൽ അവൻ നല്ല വൃത്തിയുള്ള കുട്ടിയായി മാറാൻ തുടങ്ങി. നഖം വെട്ടുന്നു മുടി വെട്ടി ഒതുക്കി വാരുന്നു നല്ല വസ്ത്രം ധരിക്കുന്നു പല്ലു വൃത്തിയായി തേക്കുന്നു കുളിച്ച ഒരുങ്ങുന്നു അങ്ങനെ അങ്ങനെ ഗൗരി അവനെ ഒരു നല്ല കുട്ടി ആക്കി മാറ്റി. ഇപ്പോൾ അവൻ പഠിക്കുന്നതിലും മിടുക്കൻ ആണ്. ഇതിൽ നിന്ന് നമുക്ക് കിട്ടുന്ന ഗുണ പാഠം എന്താണ് കൂട്ടുകാരെ. വൃത്തി ഉണ്ടായാൽ എല്ലാവരും നമ്മളെ ഇഷ്ടപെടും അല്ലെങ്കിൽ നമ്മളെ എല്ലാവരും വെറുക്കും.
|
