"കുനിപ്പറമ്പ എൽ.പി.സ്കൂൾ കടവത്തൂർ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

     കെട്ടിടത്തിന്റെ ശോചനീയാവസ്ഥയിൽ സ്‌കൂൾ എന്നന്നേക്കുമായി ഇല്ലാതാകുന്ന അവസ്ഥ വന്നപ്പോൾ തയ്യിൽ ദാറുൽ ഉലൂം മദ്രസ്സ കമ്മിറ്റി ഏറ്റെടുക്കുകയും കരുവങ്കണ്ടി അബ്ദുല്ല ഹാജിയെ മാനേജരാക്കുകയും ചെയ്തു.ഓല മേഞ്ഞ പഴഞ്ചൻ കെട്ടിടം 1982ൽ കരിങ്കല്ല് കെട്ടിടമാക്കി ഓടിന്റെ മേൽക്കൂരയുമായി ഒരു വിധത്തിൽ ബലമുള്ളതാക്കി മാറ്റി.തെക്കയിൽ മൂസ മാസ്റ്റർ ആണ് ഈ സ്‌കൂളിലെ ആദ്യകാലത്തെ അറിയാൻ കഴിഞ്ഞ ഹെഡ്മാസ്റ്റർ. പിന്നീട് വി കുഞ്ഞിക്കണ്ണൻ മാസ്റ്റർ, എൻ കെ കുഞ്ഞികൃഷ്ണൻ അടിയോടി , കെ പി അബ്ദുല്ല , വി അരവിന്ദൻ, കെ സദാക്ഷി  എന്നിവർ പ്രധാനാധ്യാപകരായി.2015 മുതൽ എം നജീബ് പ്രധാനാധ്യാപകനായി തുടർന്ന് വരുന്നു.

       ആദ്യ കാലത്തു അഞ്ചാം വരെ ഉണ്ടായിരുന്ന ഈ സ്‌കൂളിൽ 1966 ലെ സർക്കാർ ഉത്തരവ് പ്രകാരം അഞ്ചാം ക്‌ളാസ്സിനെ പിരിച്ചു വിടുകയും കുട്ടികളെ മാറ്റിച്ചേർക്കുകയും ചെയ്തു.അന്ന് മുതൽ 4 വരെയുള്ള എൽ പി സ്‌കൂളായി ഇത് തുടരുന്നു. 2012 ൽ പ്രീ പ്രൈമറിയിൽ എൽ കെ ജി യു കെ ജി ക്‌ളാസ്സുകളും നടന്നു വരുന്നു.തൊട്ടു കൂടായ്മയും തീണ്ടിക്കൂടായ്മയും കൊടികുത്തി വാണിരുന്ന കാലത്ത് അയിത്തം കല്പിച്ച സമുദായത്തിൽ നിന്നുമുള്ള വിദ്യാർത്ഥികളെ ഈ മുസ്ലിം സ്‌കൂളിൽ ചേർത്താണ് പഠിപ്പിച്ചിരുന്നത് എന്ന് ഇവിടുത്തെ രേഖകൾ തെളിയിക്കുന്നു.ഒരു വിധം എല്ലാ ഭൗതിക സൗകര്യങ്ങളുമുള്ള ഈ സ്‌കൂൾ 1993 ൽ പൂർത്തിയായ ഒരു കോൺഗ്രീറ്റ് കെട്ടിടത്തിലാണ് പ്രവർത്തിക്കുന്നത്.2015 ൽ കരുവങ്കണ്ടി അബ്ദുല്ല ഹാജിയുടെ നിര്യാണത്തെത്തുടർന്നു എൻ അഷ്‌റഫ് സഖാഫിയെ മാനേജർ ആയി നിയമിക്കുകയും ചെയ്തു .

== മാനേജ്‌മെന്റ് ==

കടവത്തൂർ തയ്യിൽ ദാറുൽ ഉലൂം മദ്റസ കമ്മിറ്റിയാണ് മാനേജ്‍മെന്റ് . നിലവിൽ കോറോത്ത് ഇബ്രാഹിം ഹാജി പ്രസിഡന്റും എൻ അഷ്‌റഫ് സഖാഫി സിക്രട്ടറി ആയുമുള്ളതാണ് കമ്മിറ്റി . എൻ അഷ്‌റഫ് സഖാഫിയാണ് സ്‌കൂൾ മാനേജർ.