"സെന്റ് ക്രിസോസ്റ്റംസ് എച്ച്.എസ്. നെല്ലിമൂട്/പ്രവർത്തനങ്ങൾ/2023-24" എന്ന താളിന്റെ പതിപ്പുകൾ തമ്മിലുള്ള വ്യത്യാസം

'''ലോക പരിസ്ഥിതി ദിനം''' ഗൈഡിംങ്ങ്, റെഡ് ക്രോസ് എന്നീ സംഘടനകളുടെ നേതൃത്വത്തിൽ വളരെയധികം ഗംഭീരമായി ആഘോഷിച്ചു. സ്കൂൾ പരിസരം വിവിധ ചാർട്ടുകൾ കൊണ്ട് അലങ്കരിക്കുകയും എല്ലാ ക്ലാസ്സുകളിലും ഗൈഡിങ് കുട്ടികളുടെ നേതൃത്വത്തിൽ പരിസ്ഥിതി പാലനത്തിനായുള്ള നിർദ്ദേശങ്ങൾ സൂചിപ്പിക്കുന്ന ചാർട്ടുകൾ ക്രമീകരിക്കുകയും ചെയ്തു. സ്കൂൾ പരിസരത്ത് പൂന്തോട്ടം നിർമ്മാണത്തിന് ഗൈഡിംങ്ങ് കുട്ടികൾ തുടക്കം കുറിച്ചു. തുടർന്ന് നടന്ന യോഗത്തിൽ ബഹുമാനപ്പെട്ട പി.ടി.എ പ്രസിഡൻറ് ശ്രീ ജോണി അധ്യക്ഷത  നിർവഹിക്കുകയും പ്രകൃതിസംരക്ഷണത്തെക്കുറിച്ച് കുട്ടികളെ ബോധവൽക്കരിക്കുകയും ചെയ്തു. പ്രധാനാധ്യാപിക ശ്രീമതി   ലിറ്റിൽ എം.പി, ഡെപ്യൂട്ടി ശ്രീമതി എച്ച്.എം ശ്രീമതി ബ്ലെസി കുരുവിള എന്നിവർ യോഗത്തിൽ സന്നിഹിതരായിരുന്നു. ശ്രീമതി ലിറ്റിൽ ടീച്ചർ  ഈ മീറ്റിങ്ങിന്റെ ഉദ്ഘാടന കർമ്മം നിർവഹിച്ചു.നിരഞ്ജന സൗമ്യ എന്നീ കുട്ടികൾ പ്രകൃതി സംരക്ഷണത്തിന് പ്രാധാന്യത്തെക്കുറിച്ച് പ്രസംഗം അവതരിപ്പിച്ചു പരിസ്ഥിതിയെ കുറിച്ചുള്ള ഗാനാലാമനം ഏറെ ശ്രദ്ധേയമായി. CWSN വിദ്യാർഥി ആരതി  മോഹനൻ അതിമനോഹരമായ പ്രസംഗം അവതരിപ്പിച്ചത് ഏവരെയും അതിശയിപ്പിച്ചു.പ്രകൃതി സംരക്ഷണ പ്രതിജ്ഞ കുട്ടികളും അധ്യാപകരും ഒത്തുചേർന്ന ഏറ്റുചൊല്ലി. റെഡ് ക്രോസ്സിലെ കുട്ടികൾ നിർധനരായ അഞ്ചു  മുതൽ 10 വരെയുള്ള കുട്ടികൾക്ക് പഠനസാമഗ്രികൾ വിതരണം ചെയ്തു. സ്കൂളിന്റെ മുൻവശത്ത് തണൽ വൃക്ഷമായ ലക്ഷ്മി തരു വീശിഷ്ട വ്യക്തികൾ ചേർന്ന് നട്ടത് വേറിട്ട പ്രവർത്തനം ആയിരുന്നു.. 9C യിലെ അലോണ എല്ലാവർക്കും നന്ദി പ്രകാശിപ്പിച്ചു പത്തുമണിയോടെ യോഗം അവസാനിച്ചു.