"നേതാജി സ്കൂൾ ചരിത്രം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

സ്കൂളിലെ പൂർവ വിദ്യാർഥികളിൽ ഒട്ടേറെപ്പേർ വിവിധ മേഖലകളിൽ സുപ്രധാന ചുമതലകൾ വഹിക്കുന്നു. കലാകായിക മേഖലയിലും ധാരാളം പ്രതിഭകൾക്ക് നേതാജി വഴിയൊരുക്കി. ഒരു കാലത്ത് കാളവണ്ടിയൊഴികെയുള്ള വാഹനങ്ങൾ എത്താത്ത ഗ്രാമത്തിലെ വികസന മുന്നേറ്റത്തിനും സാമ്പത്തിക വളർച്ചയ്ക്കും സാമൂഹിക നവോത്ഥാനത്തിനും വലിയ സംഭാവനകൾ നൽകാൻ സ്കൂളിന് കഴിഞ്ഞു. പ്രമാടം ഗ്രാമത്തെ പത്തനംതിട്ട ടൗണുമായി ബന്ധിപ്പിക്കുന്ന പാലം അതിലൊന്ന് മാത്രം. NCC, Scouts & Guides, National Service Scheme, ദുരിതാശ്വാസ പ്രവർത്തനങ്ങൾക്കുള്ള Rescue Team തുടങ്ങിയവയുടെ ആഭിമുഖ്യത്തിൽ സേവനമേഖലയിലും സജീവമാണ് നേതാജി ഹയർ സെക്കൻഡറി സ്കൂൾ

വിദ്യാഭ്യാസം ഒരു തുടർപ്രക്രിയയാണ്. സാമൂഹിക പ്രതിബദ്ധതയുള്ള നാളെയുടെ വാഗ്ദാനങ്ങളെ സംഭാവന ചെയ്തു കൊണ്ടിരിക്കുന്ന ഈ കലാലയത്തിന് സംക്ഷിപ്ത ചരിത്രം ഇവിടെ ചുരുളഴിയുന്നു. മദ്ധ്യതിരുവിതാംകൂറിലെ പുരാതനവും പ്രശസ്തവുമായ വിദ്യാലയമാണ് നേതാജി ഹയർ സെക്കൻഡറി സ്കൂൾ .അദ്ധ്യാപനത്തിന്റെയും അദ്ധ്യയനത്തിന്റെയൂം 69 വർഷങ്ങൾ  പിന്നിട്ട ഈ സരസ്വതിക്ഷേത്രത്തിൻറ  ദർശനം *വിദ്യാധനം സർവ്വധനാൽ പ്രധാനം* എന്നതാണ്. 1949 മെയ് 30ന്  യശ്ശശരീരനായ ആക്ലേത്ത് എം ചെല്ലപ്പൻ പിളള സ്ഥാപിച്ചതാണ് ഈ വിദ്യാലയം. ആദ്യ പ്രധാന അധ്യാപകൻ ശ്രീ സി ഫിലിപ്പ് ആയിരുന്നു.