പന്യന്നൂർ അരയാക്കൂൽ യു പി എസ്/അക്ഷരവൃക്ഷം/കാലാവസ്ഥയുടെ കാവൽക്കാർ
കാലാവസ്ഥയുടെ കാവൽക്കാർ
മഴയും കാറ്റും ഇടിമിന്നലൊക്കെ നിയന്ത്രിക്കുന്നത് ആരാണ്? ഭാരതീയ പുരാണങ്ങൾ പ്രകാരം ദേവന്മാരുടെ രാജാവായ ഇന്ദ്രനാണ്.... ഇതൊക്കെ പുരാണങ്ങളിലെ കാര്യം. യഥാർത്ഥത്തിൽ കാലാവസ്ഥയെ നിയന്ത്രിക്കുന്നത് പ്രധാനമായും 5 ഘടകങ്ങളാണ്. വായു( അന്തരീക്ഷം), ജലം,മഞ്ഞ്,ശിലകൾ നിറഞ്ഞ ഭൗമോപരിതലം, സസ്യ ജന്തു ജാലങ്ങൾ എന്നിവയാണവ. ഈ ഘടകങ്ങൾക്കിടയിൽ വൻതോതിൽ നടക്കുന്ന ഊർജ്ജ വിനിമയമാണ് കാലാവസ്ഥയെ നിർണയിക്കുന്നത്. ജൈവ മണ്ഡലത്തിന്റെ ഭാഗമായ മനുഷ്യരുടെ ഇടപെടലുകളാണ് കാലാവസ്ഥാ മാറ്റത്തിന്റെ ഏറ്റവും വലിയ കാരണമായി കണ്ടെത്തിയിരിക്കുന്നത്. നാം മനുഷ്യർ ഈ സമൃദ്ധിയെ ദുരുപയോഗം ചെയ്യുന്നു. ഇത് നമ്മെ വലിയ ഒരു ആപത്തിലേക്കാണ് കൊണ്ട് പോകുന്നത്. അതാണ് നാം കാണുന്ന പ്രകൃതി പ്രക്ഷോഭങ്ങൾ. പ്രളയമായും കൊടുങ്കാറ്റായും നമ്മെ ദുരന്തങ്ങൾ പിന്തുടരുന്നു. ഇതിൽ നിന്നും രക്ഷപെടണമെങ്കിൽ നാം പ്രകൃതിയെ സംരക്ഷിക്കണം. പരിപാലിക്കണം. അത്‌ നമ്മുടെ കടമയാണ്
|
