എന്തു ഞാൻ ചെയ്യേണ്ടതമ്മേ
ഇനിയുമെന്തു ഞാൻ ചെയ്യേണ്ടതമ്മേ
എന്തു തെറ്റാണ് ഞാൻ ചെയ്തതമ്മേ
വീടെന്ന കൂട്ടിലെന്നെ പൂട്ടുവാൻ
എന്തു കുറ്റമാ ഞാൻ ചെയ്തതമ്മേ
കൂട്ടുകാരൊക്കെയും വരുമെന്നു കരുതി ഞാൻ
അവധി ദിനങ്ങളിൽ കളിച്ചീടുവാൻ
ആരും വന്നില്ല ആരും വന്നില്ല
ആരും വരില്ല എല്ലാരും വീടതാം കൂടിലത്രേ
അമ്മ പറയുന്നു പാടത്തു പോകണ്ട പറമ്പിലും പോകണ്ട
കളിക്കുവാൻ ഒട്ടുമേ പോയിടേണ്ട
കൊറോണ വരുമെന്നും കോവിഡതാണെന്നും
ലോക് ഡൗണാണെന്നും അമ്മയതെപ്പോഴും ചൊല്ലിടുന്നു
ക്രിക്കറ്റ് കളിയില്ല ഫുട്ബോൾ കളിയില്ല
മറ്റു കളികളും യാതൊന്നുമില്ല
തിന്നണം കുടിക്കണം വീട്ടിലിരിക്കണം
ഇതു മാത്രമാണമ്മ ചൊല്ലുന്നത്
എന്നിതു മാറുമെന്നമ്മയോടു ചോദിച്ചാൽ
അറിയില്ല അറിയില്ല കൈ മലർത്തും
പിണറായി അപ്പൂപ്പാ ഷൈലജ റ്റീച്ചറെ
ഈ പൂട്ടൊന്നു വേഗം അഴിച്ചീടുമോ
സ്കൂളിൽ പോകണം പരീക്ഷ എഴുതണം
അടുത്ത ക്ലാസ്സിൽ പോയീടണം
റ്റീച്ചറെ കാണണം കൂട്ടാരെ കാണണം
ഓടണം ചാടണം ഒരുപാട് കളികളും കളിച്ചിടേണം
പിണറായി ' അപ്പൂപ്പാ ഷൈലജ റ്റീച്ചറേ
ഈ പുട്ടൊന്നു വേഗം തുറന്നീടുമോ
