ലോകം മുഴുവനും നടുക്കിയ കൊറോണ
ബന്ധങ്ങളെല്ലാം അകറ്റിയ കൊറോണ
കവലകളെല്ലാം നിശ്ചലമായി
രോഗങ്ങളെല്ലാം കൊറോണയിൽ മാഞ്ഞപ്പോൾ
ആശുപത്രികൾ മാത്രം ബാക്കിയായി
കെട്ടിപ്പിടിത്തവും ഒത്തുചേർന്നിടലും
ആളുകളിൽനിന്ന് മാഞ്ഞു പോയി
അയൽവാസികളുമില്ല ബന്ധുക്കളുമില്ല
ബന്ധുവിരുന്നുകൾ ഒന്നുമില്ല
സോപ്പുകളും ,ഹാൻഡ് വാഷും, സാനിറ്റൈസറും
നിത്യോപയോഗ വസ്തുക്കളായി.
കൂട്ടുകാരുമില്ല കളികളുമില്ല
കളിസ്ഥലങ്ങൾ മാത്രം ബാക്കിയായി.
മനുഷ്യന്റെ കാര്യങ്ങൾ കൊറോണയിൽ നിന്നപ്പോൾ
പ്രകൃതിയ്ക്കും കിട്ടി ഒരു പുനർജന്മം
വീട്ടുകാരെല്ലാം വീടുകളിൽ നിന്നപ്പോൾ
വീട്ടിലെ കാര്യങ്ങൾ കെങ്കേമമായി
പൂർവികർ പറഞ്ഞൊരു ലോകം
നമ്മുടെ തൊട്ടരികത്തായി എത്തിടുന്നു
" എന്റെ ജീവിതം തന്നെയാണ് എന്റെ സന്ദേശം "
എന്ന ഗാന്ധി വചനം നാമോർത്തിടേണം.
