കാത്തുനിൽപ്പ്
ഫോൺ ബെല്ലടിക്കുന്ന ശബ്ദം കേട്ടാണ് ഞാനെണീറ്റത്. ഓടിച്ചെന്ന് ഫോൺ എടുത്തു. ഗൾഫിൽ നിന്ന് ഉപ്പയായിരുന്നു. വിദേശത്തെല്ലാം കൊറോണയാണെന്നും വളരെയധികം പേടിക്കേണ്ട രോഗമാണെന്നതുമൊക്കെ ഉപ്പ എന്നോടു പറഞ്ഞു. അപ്പോഴാണ് ആ മഹാവ്യാധിയെ ക്കുറിച്ച് ഞാൻ ആദ്യമായി അറിയുന്നത്.' അന്നു മുതൽ എനിക്ക് എന്റെ ഉപ്പയെക്കുറിച്ചുള്ള ചിന്തകളായിരുന്നു.. നമ്മുടെ നാടിനേക്കാൾ ദുരിതത്തിലാണ് ഗൾഫ് നാടുകൾ എന്നും, ഉപ്പാക്ക് ഭക്ഷണത്തിനൊക്കെ ബുദ്ധിമുട്ടാണ് എന്നും അത്യാവശ്യത്തിനു മാത്രമേ പുറത്തിറങ്ങാറുള്ളൂ അതും മാസ്ക് ധരിച്ച് മാത്രം - ഈ കാര്യങ്ങളൊക്കെ എന്നെ സങ്കടപ്പെടുത്തി. ഉപ്പ ഈ മാസം വീട്ടിൽ വരാമെന്ന് പറഞ്ഞതായിരുന്നു .ഞങ്ങൾ ഉപ്പയുടെ വരവും കാത്തിരിക്കുകയായിരുന്നു. ആ സമയമാണ് കൊറോണ പടരുന്നതും വിമാനങ്ങളെല്ലാം റദ്ദാക്കുന്നതും., എനിക്ക് സങ്കടമായി. "കൊറോണ രോഗം വേഗം മാറിയാൽ മതിയായിരുന്നു." എപ്പോഴാ ണ് എന്റെ ഉപ്പ വരിക?" .
 സാങ്കേതിക പരിശോധന - pkgmohan തീയ്യതി: 23/ 04/ 2020 >> രചനാവിഭാഗം - കഥ
|
