മനുഷ്യൻ ഒരു മൃഗം ആയിരുന്നു
ക്രൂരതയുടെ പര്യായം
കടലും മലയും പുഴയും
പച്ചയണിഞ്ഞ വയലുകളും നികത്തി
വർണ്ണ കൊട്ടാരങ്ങൾ തീർത്തവൻ
ലഹരികളിൽ രാത്രിയെ
പകലാക്കിയവൻ പച്ചയെ
വിഷമാക്കിയവൻ
പച്ചക്കറികളിൽ വിഷം തെളിച്ചവൻ
ഇന്നിന്റെ നന്മയെ ഇല്ലാതാക്കിയവൻ
ഇന്നിതാ ചിന്തിക്കുന്നു അവൻ
ലോകത്തെ മാറ്റാൻ ശ്രമിക്കുന്നു അവൻ
ഇന്ന് ബാൽക്കണിയിലുരുന്നവൻ
പറക്കും പക്ഷിയെ നോക്കി
ചിന്തിക്കുന്നു ചുറ്റും നോക്കുന്നു
മാറ്റണം എന്റെ ചിന്തകൾ
പോകണം ഇനിയും ദൂരം മുന്നോട്ട്
തൂമ്പയെടുക്കണം വിതക്കണം കൊയ്യണം
വിഷമില്ലാത്ത ജീവിതം
നിറമില്ലാത്ത ശുദ്ധവായു
എല്ലാം വേണം
അവനുറക്കെ പറയുന്നു
ലോകമേ തറവാട്
മാലിന്യമില്ലാത്ത ഭൂമിയും മനസും
അതാണിനിയുള്ള സമ്പാദ്യം
