ജി.എൽ.പി.എസ്. തെയ്യങ്ങാട്/പ്രവർത്തനങ്ങൾ/2026-27

പ്രവേശനോത്സവം 2026–27

2026 ജൂൺ 1-ാം തീയതി തിങ്കളാഴ്ച ജി.എൽ.പി.എസ് തെയ്യങ്ങാട് സ്കൂളിൽ പ്രവേശനോത്സവം വിപുലമായ രീതിയിൽ സംഘടിപ്പിച്ചു. 2026–27 അധ്യയന വർഷത്തിൽ 89 കുട്ടികളാണ് സ്കൂളിൽ പുതുതായി പ്രവേശനം നേടിയത്. മധുരവും ബലൂണുകളും നൽകി കുട്ടികളെ സ്കൂളിലേക്ക് സ്നേഹപൂർവ്വം വരവേറ്റു.

പ്രവേശനോത്സവത്തിന്റെ സ്കൂൾതല ഉദ്ഘാടനം വാർഡ് കൗൺസിലർ ശ്രീമതി സുരഭി നിർവഹിച്ചു. ഹെഡ്മാസ്റ്റർ ശ്രീ ശ്രീപ്രസാദ് സ്വാഗതപ്രസംഗം നടത്തി. ചടങ്ങിൽ പി.ടി.എ അംഗം ശ്രീ കനേഷ് അധ്യക്ഷത വഹിച്ചു. കുട്ടികളുടെ വൈവിധ്യമാർന്ന കലാപരിപാടികൾ പ്രവേശനോത്സവത്തിന് മാറ്റുകൂട്ടി. രക്ഷിതാക്കളുടെ സമ്പൂർണ പങ്കാളിത്തവും പിന്തുണയും പരിപാടിയുടെ വിജയത്തിന് കാരണമായി.

ചടങ്ങിൽ ശ്രീമതി റീന ടീച്ചർ, ശ്രീ ജോൺസൺ മാസ്റ്റർ എന്നിവർ ആശംസകൾ അർപ്പിച്ചു. എസ്.ആർ.ജി കൺവീനർ ശ്രീമതി വബിന ടീച്ചർ നന്ദി രേഖപ്പെടുത്തി.

ഉദ്ഘാടന പരിപാടികൾക്ക് ശേഷം കുട്ടികളെ ക്ലാസ് മുറികളിൽ പ്രവേശിപ്പിക്കുകയും അധ്യാപകരെയും സഹപാഠികളെയും പരിചയപ്പെടുത്തുകയും ചെയ്തു. കുട്ടികൾക്ക് സ്വയം പരിചയപ്പെടുത്തുന്നതിനും അവസരം നൽകി. തുടർന്ന് ഉച്ചഭക്ഷണത്തിന് ശേഷം എല്ലാ കുട്ടികളും രക്ഷിതാക്കളോടൊപ്പം സന്തോഷത്തോടെ വീടുകളിലേക്ക് മടങ്ങി.

ഈ പ്രവേശനോത്സവം പുതുവിദ്യാർത്ഥികൾക്ക് വിദ്യാലയജീവിതത്തിലേക്കുള്ള ഹൃദ്യമായ തുടക്കമായി മാറി. 🌸📚🏫