ഒരു നുള്ളു കണ്ണീരു വാർത്തു കൊണ്ടി
ലോക വ്യഥയോട് ചേരുന്നു നാമേവരും
ഭയമല്ല കരുതലാനടിയുറച്ചാൽ നാളെ
അതിജീവനത്തിൻ കഥപറയാം.
സൃഷ്ടിച്ച സൃഷ്ടാവ് പോലും പകച്ചുപോയി
നിൻ ചെയ്തികൾ കണ്ട് കണ്ണടച്ചു..
സ‍‍ർവവും വെട്ടിപ്പിടിക്കാൻ നീ നേർത്ത
സമവാക്യം ഒന്നതിൽ പിറവി കൊണ്ടൂ..
നിൻ ബന്ധത്തിന്റെ ചുരുളഴിച്ചിനവൻ
അന്തകന്റെ വേഷം കെട്ടിയാടി...
ഈ മഹാമാരിതൻ വിധിയോർത്തു കരയുവാൻ
കഴിയില്ല മനുജാ നിൻ കർമ്മം പറയാം
ഈ മഹാമാരിതൻ വിധിയോർത്തു കരയുവാൻ
കഴിയില്ല മനുജാ നിൻ കർമ്മഫലം
വൻമതിൽ താണ്ടിയോ കോട്ടങ്ങൾ തുടച്ചിന്നവൻ
ഇന്നെന്റെ മണ്ണിലും തേരോട്ടമായ്
ഒരു ചുംബനം പോലും നൽകാൻ കഴിയാതെ
ചത്താലും തീരാത്ത പാപിയായി
അകന്നിരിക്കാം രക്ത ബന്ധങ്ങൾ ഒക്കെയും
ഇരുളിന്റെ മറന്നീങ്ങും ഒരു പുലരിവരേയും
വാനോളം വാഴ്ത്തി പുകഴ്ത്തിടാമി നല്ല
ആതുര സേവകർ നിതിതൻ പാലക‍ർ
