അധ്യയനം നിലച്ചുപോയി
ആലയങ്ങളിലൊതുങ്ങി വിദ്യാർത്ഥികൾ
അടുപ്പം മനസ്സിലൊതുക്കി
ആളുകൾ അകലംപാലിച്ചു
അതീവശ്രദ്ധ ചെലുത്തി ആരോഗ്യത്തിൽ
ആതുരാലയങ്ങൾ തിരക്കൊഴിഞ്ഞു
അനുഷ്ഠാനങ്ങളിൽ വിലക്ക് വീണു
ആരാധനാലയങ്ങൾ അടഞ്ഞുകിടന്നു
അത്ഭുതമാം വിധം ലളിതമായി
ആഹാരങ്ങളും ഉടയാടകളും
അൽപം പോലും ആഡംബരങ്ങളില്ലാതെ
ആഘോഷങ്ങളും ആശംസകളും
അനിയന്ത്രിതമായി വാഹനങ്ങളില്ലാതെ
ആരവങ്ങളൊഴിഞ്ഞു നിരത്തുകൾ
അസഹ്യമാം ഓർമ്മകളേ
ആർത്തിരമ്പും ചിന്തകളേ
അതെന്തേ ലോക്ക്ഡൗണിന് വഴങ്ങാതെ
ആ വഴികൾ മാത്രം അനുസ്യൂതം
