ആവലാതികൾക്കും ആശങ്കകൾക്കുമിടയിൽ ഇന്നലെ മഴ പെയ്തു,
ആർത്തലച്ച് ഇടിയോടും മിന്നലോടും കൂടി
തകർത്തു തന്നെ,
ഇടിയായും മിന്നലായും
നിലവിളിച്ചതും പ്രാർത്ഥിച്ചതും
നാമോരോരുത്തരും തന്നെ
ഈ വന്ന ദുരന്തങ്ങളെല്ലാം
ബാക്കി വെക്കുന്നു.
മാനുഷജന്മത്തിനുഗ്രപാഠം
ഈ "മഹാമാരി"യിൽ
പെയ്തൊഴിയുന്നീതൻ'പിള്ള
നയ'മെന്നതു തീർച്ച.
അറിയാം ആർത്തലച്ചു
മണ്ണിൽ പതിക്കുന്നത് നിൻ
ദൈന്യസ്വരമെന്നു മനുഷ്യാ
സ്വജനസാമീപ്യമില്ലാതെ
മരണം കഴിച്ചവർ
ജീവിതത്തിൻ
കാമ്പറിഞ്ഞ‍തെന്നത് സത്യം
കർമ്മപഥത്തിൽ തളരാതെ
നിരന്നവരേ നിങ്ങൾക്കുവേണ്ടി
ചലിക്കും എണ്ണമറ്റ തൂലികകൾ തീർച്ച.
