രാവിലത്തെ ചായ കഴിഞ്ഞ്
ടിവി കണ്ടുകിടക്കുമ്പോൾ
അച്ഛൻ ഉറക്കം തൂങ്ങാറുണ്ടെന്നും
അപ്പോൾ അമ്മ വിളിച്ചുണർത്തി
ചൂടുചായ കൊടുക്കാറുണ്ടെന്നും
ഉച്ചയൂണ് കഴിഞ്ഞ് രണ്ടുപേരും
മയങ്ങാറുണ്ടെന്നും
പറമ്പിൽ തൊട്ടാവാടിപൂക്കളുണ്ടെന്നും
വൈകുന്നേരം മുറ്റത്തെമാവിൻ തണലിൽ
സിറ്റൗട്ടിലെ കസേരയോട്
കുശലം പറയാൻ വരുമെന്നും
അഞ്ചുമണിയുടെ വെയിൽ
ഊണുമേശപ്പുറത്ത് വിരിയാടുമെന്നും
ഇന്നലെ വന്ന കൊറോണയാണ് കാട്ടിതന്നത് .
