കുങ്കിക്കുരങ്ങത്തിയമ്മയ്ക്കുണ്ടെ
അമ്പേ കുസൃതിയാം നാലു മക്കൾ
നാലും തലകീഴായ് വാലിൽ തൂങ്ങി
ഓരോ വികൃതികൾ കാട്ടിക്കൂട്ടും
കായ്കൾ പറിച്ചു വലിച്ചെറിയും
കാലിൽ പിടിച്ചു വലിച്ചു വീഴ്ത്തും
കൊഞ്ഞനം കുത്തും, കടിച്ചു കീറും
പഞ്ഞിയായി വാനിൽ പറത്തിവിടും
അമ്മയത് കണ്ടു പുഞ്ചിരിക്കും
എന്നും വിരുന്നൂട്ടി സൽക്കരിക്കും
അച്ഛൻ കുരങ്ങിൻ നിഴലുകണ്ടാൽ
ഒച്ച ഇല്ലാത്തവർ ഓടി മറയും.
